Deep Sea Oyster & Steak

營業中

休息中

睇相已經覺得環境好靚，好適合拍拖約會/同朋友食飯吹水而且嘢食種類都好多又好吸引就決定過嚟啦 環境真係好靚又坐得好舒服日式嘅鐵板燒、刺身到西式嘅生蠔、意粉都有(仲有好多)海鮮都有好多種好難選擇，最後都係嗌燒物 燒原隻日本魷魚 $108 上枱嘅時候已經超香~ 份量都好多大大隻可以食晒各種部位醬汁同魷魚好夾最愛魷魚鬚! 尾端部分燒都好香脆 牛油煎帶子(2隻) $98 好靚好特別嘅擺盤好香嘅牛油味，同帶子超夾! 蒜香安格斯牛肉薄燒 $148 入面有蒜片仲有蔥，完全唔洗點汁都已經好夠味又好好食好貼心咁分成一口size一啖放入口牛肉味好濃，牛肉同蒜完全係絕配! 日式安格斯牛肉稻庭烏冬 $128 烏冬幼細軟滑，食落好清爽打完卡之後快速夾起半熟牛肉嫩滑又好味 白桃烏龍茶 $28原朵玫瑰花茶 $28 都係熱飲，超可愛嘅餐具本來見到平時最愛之一嘅白桃烏龍茶就已經決定係佢因為難得見到原朵玫瑰花茶，猶豫不決之下另一半決定嗌埋佢等我兩樣都有得試玫瑰花茶入面真係有原朵玫瑰花好靚越浸得耐個味越出越好飲食物好味，價錢都唔算太貴重點係環境好舒服尖沙咀想搵個舒服約會嘅地方首選！

雖然餐廳喺尖沙咀，但整條街都比較入同少人，所以可以靜靜地食餐飯~ 我地叫咗個一人商務套餐，但其實兩個人分嚟食都還可以！是日精選湯係三文魚海鮮湯。湯就咁聞都覺得好濃味又足料，作為餐湯一流！套餐配隨機兩款生蠔，店員會同我地介紹來源同建議進食次序。雖然無得自己揀，但質素都係好好！我覺得牛油煎大蝦係是日最好食嘅，大蝦唔會煮得太熟之餘，又充滿牛油味。連蝦頭部份都係好香，唔會有苦味。主食安格斯牛肉相對無咁特別，但都係煎得啱啱好~食完牛油煎大蝦之後，隨即encore多個帶子。果然無令我地失望，帶子好新鮮，加埋清酒同其他調味，感覺好用心。套餐仲附送一杯野飲，我地就加咗10蚊差價叫咗石榴特飲。整體嚟講，餐廳環境寧靜，裝修都幾有格調，幾適合紀念日嚟靜靜地過二人世界~

今晚在佐敦吃飯，這一代餐廳包羅萬有。今晚訂座吃西餐廳。餐廳環境寧靜，座位雖然不多，但座位寬闊，坐得舒服。一大片玻璃，沒有壓迫感，加上地上的特色磁磚和復古椅子，更添格調。翻開餐牌，本以為這裡是吃生蠔，原來也很多選擇，有鐵板燒、扒類、燒烤、麵、沙律、甜品等。⭐️牛油煎大蝦$98兩隻大蝦很出色，剔走蝦筋，蝦煎得剛剛好，入口彈牙，味道鮮美。⭐️牛油煎帶子$98煎帶子很出色，吃起來軟腍，加上牛油更香。⭐️燒牛舌芯串$58牛舌芯厚厚的，火候控制得很好，入口很juicy，能鎖住肉汁，入口有彈性，很美味。

星期日係我同老公結婚半年既日子，所以出去食返餐好既。我地叫左深海商務套餐 (二人份量)，再另叫牛油煎帶子、焦糖布丁蛋糕。是日餐湯係黑松露蘑菇忌廉湯，蘑菇味同黑松露味好香，幾好飲。雜菜沙律沙律菜好新鮮，醬汁幾開胃。新鮮靚生蠔分別係日本室津蠔N.1同愛爾蘭Dooviel No蠔。食左日本生蠔先，本身已經調左味，入口非常肥美，隻蠔好厚肉。愛爾蘭蠔落少少檸檬汁，味道好鮮甜，兩隻都好正。迷你刺身拼盤有三文魚、帶子、八爪魚、牡丹蝦，全部都好鮮甜肥美，好好食。煎脆皮鵝肝多士脆身唔𠝹口，鵝肝好香口又肥美，好美味。美國安格斯肉眼肉眼份量好多，重牛味，另外有薯條、翠肉瓜同洋蔥。深海海鮮拉麵拉麵係幼身既，海鮮有蝦、蟹柳，仲有菇、半隻溏心蛋、日本魚糕片、魚丸，十分豐富。無酒精飲品叫左石榴特飲同柚子蜜梳打。牛油煎帶子帶子幾有咬口，牛油味唔算好重。焦糖布丁蛋糕蛋糕細細件，冰感十足，唔會過甜。