影片
港鐵佐敦站 D 出口, 步行約5分鐘
繼續閱讀
電話號碼
35654594
98793921 (WhatsApp)
68131431 (WhatsApp)
開飯介紹
生蠔主題餐廳，每日精選各國新鮮肥美的生蠔，另有供應多款海鮮菜式、日式刺身、沙律、鐵板菜式、意粉等多國料理。
繼續閱讀
營業時間
今日營業
18:00 - 01:00
星期一至六
18:00 - 01:00
星期日
18:00 - 00:00
以上資料只供參考, 請與餐廳確認詳情
有關獎賞計劃
優惠
“Deep Sea Oyster and Steak” 聽個名就聯想到專食生蠔同埋鋸扒，趁著朋友生日，就約到這家餐廳慶祝。餐廳唔算大，亦唔係什麼高規格裝修，係一般嘅西餐廳格局，反而燈光昏暗有情調，氣氛寧靜適合傾計。menu上頭幾頁係一啲套餐介紹，之後就係單點類別，一目了然。最特別呢度唔係淨係食扒，仲有日式嘢食，就好似呢一份刺身拼盤，有三文魚、蝦、貝類等等，西日合璧，刺身方面都幾新鮮。來到這間就一定要叫生蠔來品嚐，望落去夠大隻，食落夠juicy。美國安格斯牛扒份量足食落有咬口而冇渣，不錯。多士鵝肝，鵝肝油脂不會太多，剛剛好，食落就唔會好滯，加埋塊多士中和油份就啱啱好。三文魚頭味噌湯，有海帶、魚頭、大蔥、蘿蔔、腐皮，夠晒足料，又唔會太鹹，幾好。紅桑莓紐約芝士蛋糕，香濃芝士味配搭紅桑莓口感豐富，一件兩個人分啱啱好，就唔會太飽。今晚呢一餐食物加環境都是不錯的體驗。
繼續閱讀
尖沙咀與佐敦之間嘅山林道成條街都係食舖，有啲仲係商業大廈嘅樓上舖，所以都有好多選擇，而今次約了朋友去這間餐廳就正正係商業大廈嘅樓上單位，一入去餐廳就是幽暗柔和嘅西餐廳氛圍，剛巧是星期二晚上食客不算多，氣氛寧靜，適宜撐枱腳。我們叫了一個商務套餐，看上去幾豐富。主菜有三樣揀一樣，就點了美國安格斯肉眼扒，五成熟，肉質彈牙有肉汁再加少少嘅脂肪更加有厚實口感，另外，很少見牛扒配上蒜片，但蒜片有其獨特口味，將蒜片和牛扒一起放進口內味道很惹味。沙律：主要是一道開胃菜，沙律汁酸酸甜甜，清新。刺身夠鮮，唔錯。鋸完扒仲有個拉麵， 夠飽。鵝肝多士， 鵝肝軟硬適中， 加埋香口多士，不俗。生蠔有四隻，分別係西非及西班牙，西非生蠔口感幾飽滿，西班牙口感較結實，各有優處，都係唔錯嘅口感。餐飲兩杯，雖然選擇唔係多，但都有十款八款，就揀咗石榴特飲，同埋青提梳打，在這幽靜嘅氣氛下食飯傾計確實係唔錯嘅選擇。
繼續閱讀
因為餐廳嘅名都叫生蠔與牛扒，所以專特慕名而去這間Deep Sea Oyster & Steak餐廳嚐嚐看。去到餐廳立刻比環境所感染覺得非常有格調，窗邊全是落地玻璃可以一覽無遺地看見窗外高空的景色。而且餐廳特登喺出邊整咗個Bar枱睇落去非常之有氣氛。去到專門揀咗一個套餐，係食生蠔同牛扒的。當然也有一個黑板寫明有什麼生蠔可以挑選，有出名的法國生蠔與鮮甜的愛爾蘭生蠔。而我今餐食咗嘅係美國生蠔與西班牙生蠔。而我揀的套餐名字是深海精選套餐，入邊包兩隻是日精選生蠔，是日餐湯，沙律菜，牛油煎大蝦兩隻，美國安格斯肉眼，以及價值$28嘅無酒精飲品，而我揀嘅是$38的青提梳打，需補返$10嘅差價。首先，講吓個沙律菜，都有驚喜個醬特別開胃，又鹹又甜又稍為有啲酸，令人不自覺好快就已經食晒成碗菜。另外就係講吓個湯今日嘅是日餐湯係三文魚味噌湯，非常之清甜，好重魚味，係出邊吃不到的湯。再嚟嘅就係嗰兩隻是日生蠔，美國生蠔非常之重海水味同埋肥美爽口，而西班牙生蠔味道偏淡，但係都非常爽口彈牙。牛油煎大蝦，更是一絕，最好嘅係幫手剝埋蝦殼一啖咬落去鹹淡適中，惹味非常仲食到海水味。蝦鮮味到仲啜埋佢嘅蝦頭食。接着的，就是美國安格斯肉眼扒，肉眼扒非常之Juice，佢嘅筋位更是很重肉味，另外佢嘅配菜即係薯角都非常好，係現炸嘅非常鬆脆，仲有一小角麻醬沙律菜都非常之開胃可口。而那杯青提梳打更是味道不會過甜，也有青提味道，梳打氣也十足，讓人情不自禁多飲幾啖，飲品匙羹也很可愛有貓爪圖案。總括而言，海鮮非常之不錯，新鮮味道可口，牛扒清淡健康，牛筋充滿牛肉味，環境也非常怡人，非常值得打卡，以及情侶聚餐。
繼續閱讀
去尖沙咀搵嘢食，今次去咗呢間尖沙咀樓上餐廳，個環境好有氣氛，感覺唔錯。我哋嗌咗一個松露炸薯條，一碟松露蟹膏意粉，一份小食海膽三文魚他他多士。餐廳仲有其他套餐選擇，不過今次我哋唔係好肚餓，所以就散叫。我哋最鍾意嘅喺海膽三文魚他他多士松露炸薯條，啲薯條好好食，份量好夠兩個人食，黑松露醬亦味道好濃郁，啖啖都係黑松露真係好正。松露蟹膏意粉，一上碟已經聞到勁香黑松露味，賣相好靚，肉眼都就咁見到啲蟹肉，算幾足料。直落意粉軟硬適中，口感好濃郁好Creamy最推介嘅係個海膽三文魚他他多士，賣相已經勁吸引，海膽好新鮮，再加埋三文魚他他，口感好有層次，多士咬落脆口
繼續閱讀
講吓呢度嘅環境，位於13樓A室嘅Deep Sea oyster and Steak 🥩 格局好有品味，窗邊有一座發光嘅砌圖貓貓燈！好特別，而有一些座位就會有一啲珍珠鏈配搭假花，或者畫框配花，非常之典雅！座位都幾闊落，我哋一日去完海洋公園之後都覺得好攰，呢度坐得係好舒服嘅，墨綠色真皮嘅梳化帶點古典味～餐廳嘅環境仲好寧靜，唔會話因為有酒飲就好嘈吵，着重浪漫情調嘅，好似我哋咁拍拖係幾啱嘅！見部份OpenRice食評冇介咩紹過呢度嘅刺身紅蝦，專誠嚟試吓再作介紹～連埋切片檸檬同Wasabi上嘅一盤紅蝦刺身，性價比超高，食落都肉質肥厚！非常新鮮彈牙，只需$40一隻，實在係好值得！跟住落嚟嘅前菜就係鵝肝多士、一樣係CP值滿分💯，鵝肝香氣滿溢我的嘴巴！大大件超滿足！好Creamy～襯埋意大利黑醋汁，好match，配落實多士度夾到一絕！呢個賣相同味道我已經會比100/100，堪稱excellent! 💯之後係叫咗羊架做main course，沙律菜同薯角構成美的擺盤，提升了我們的食慾！男朋友更加話羊架肉汁鮮嫩，滋味無窮～拍得住求婚大酒店叫嗰個羊架嗰個就水準！最後我哋叫咗兩杯嘢飲：男朋友的一杯柚子梳打，同我的荔枝烏龍茶。嗰個杯荔枝烏龍好甜好好飲，仲好夠凍，比我哋個杯都好別緻。帶點簡約而型格的風格。✳️特別一提，要介紹埋佢嗰個套廁，都幾幾大同幾乾淨，入邊仲有個其實大型化妝燈鏡子，連廁紙座都係熊貓仔咖，果然係支持大熊貓經濟嘅fans！
繼續閱讀