砂煲兄弟 (東港城) (已結業)

天氣開始轉涼,今日Happy Friday,住將軍澳嘅朋友之前介紹過嗰邊有間褒仔飯幾好食,於是我地放工就過黎食喇🥳我地冇book位,估唔到過到黎都幾多人排隊等位😱我地都等左陣先入座,咁岩有圓枱同卡位,侍應哥哥都好好,問我地鐘意坐邊,我揀左卡位,坐得好舒服又闊落🥰𥚃面裝修幾有港式風情🇭🇰menu有褒仔飯同小菜,價錢亦唔算貴,我同男朋友兩個人嗌左個褒仔飯share,3個小菜好夠飽🤰🏻首先黎嘅係砂鍋雲吞雞🐔,雲吞大大粒,隻雞都好滑,湯又清菜又甜,不錯馬拉盞通菜好合我心水,因為唔辣又惹味😋溫泉蛋牛肉🐂煲仔飯黎喇!!今日黎都係為左佢,我平時叫親都係窩蛋牛肉飯,今次有少少融合日式風格,好特別,好好食牛油蒜蓉焗蜆好少茶記會有,聽名都比較法式,但佢又整得幾好食,牛油味濃,肥死我喇🙈🙈最後嗌褒仔飯嘢飲有半價,我地嗌左熱陳年柑桔檸蜜同龍鳳檸樂龍鳳檸樂好讚,有舊無花果係𥚃面,做到舊式冰室嘅味道👍🏻👍🏻埋單收銀位好有押鋪嘅感覺,好有香港特色總括黎講,砂煲兄弟性價比高,宜家天氣凍左,黎食就更好👍🏻👍🏻

平時入大商場，好難估到會搵到一間具有懷舊特色裝潢嘅餐廳。位於東港城一樓嘅一個轉角位置，就有一間叫做「砂煲兄弟」既港式餐廳，企喺出面真係會俾佢入邊嘅設計吸引！環境入面有種七八十年代嘅風味，門口嘅左手邊係水吧部，右手邊係收銀枱，行到入面最盡就係廚房。就行入去睇吓有咩食啦，裏面原來都幾大，主要分咗兩邊嘅枱櫈，一邊係卡位為主，而另一邊有長枱同兩人/四人枱，如果大圍過嚟食都容納得到。我同友人就坐咗卡位，感覺舒適啲同空間大啲。靜落嚟就聽到有五六十年代嘅歌聲，係許冠傑嘅歌，原來呢度唔單止裝修係懷舊，仲配埋懷舊金曲。 一坐低就迫不及待睇吓餐牌有咩食，選擇有分幾類：煲仔飯，粉麵類，小菜同燉湯。 黎到砂煲兄弟，梗係要試吓佢最有特色嘅煲仔飯，另外點左港式餐必備嘅牛仔骨，仲有焗蜆，甜品就揀咗個西多士。馬來沙嗲火焰牛仔骨 $98 嗌完之後啲嘢食都好快到，首先上咗個牛仔骨，上菜嘅時候點上火燒左一陣，肉質唔會好韌，放入口啱啱好，味道都足夠，唔會太鹹。配上洋蔥同紅椒。 牛油蒜蓉焗蜆 $94之後上左焗蜆，值得稱讚嘅係啲蜆係啖啖肉，餐廳選擇嘅係比較優質嘅蜆，唔似一般茶餐廳既無乜口感，呢度嘅蜆咬落去好有口感，而且感覺好新鮮