JK Kitchen (已結業)

今日下午甘岩經過開銅鑼灣，去咗呢間餐廳食下午茶，一入到去已經畀個環境吸引著😍😍 係我最愛嘅藍白色配搭😍😍好靚， 好似去咗希臘既藍白小屋甘😍😍 座位上仲預備埋cushion，真係好細心，好warm😊好有屋企既感覺除咗環境好吸引，呢度嘅食物都好好食， 我哋叫咗扎肉湯檬同埋生熟牛肉湯檬兩款下午茶，扎肉好入味，牛肉就一啲都唔韌，岩岩好😍，飲品就叫咗柚子茶，我鍾意淡淡嘅柚子味，我朋友飲柑桔青檸，佢話好入味，都好正👍👍我哋另外仲叫咗一碟小食:牛油雞翼， 金黃色嘅 脆雞翼，好香脆，好入味，而且仲熱辣辣，好正😍😍👍👍另外呢度嘅店員態度好nice,又有禮貌👍👍整體而言，我都好滿意呢間餐廳，下次一定會再幫襯😍

適逢十一黃金週成個銅鑼灣都好多人 於是去登龍街一帶搵食希望避開人潮啦😋😋😋行經見到永光中心，原來成棟大廈都有好多食肆，朋友仔話想食越南菜，於是黎左17樓既JK Kitchen試試😋😋餐廳裝修好別緻，成間cafe咁，唔講唔覺係食越南菜😚蕃茄蟹肉湯檬😍非常足料！除左蕃茄同蟹肉仲有新鮮手打蝦丸同埋札肉😋除左好足料，份量亦都非常大碗，我一個人食唔哂一碗，好彩係同朋友仔share😆😆因為我係lunch時段去，Set lunch有得另加$25要兩隻牛油雞翼😋新鮮炸起，十分脆口惹味😍最最最鍾意都係呢碟拼盆，札肉配香蔥碎充滿啖啖蔥油味🤤Set lunch仲有得配飲品，叫左咸檸梳打同青檸梳打，岩哂怕肥又想飲凍野既我地😆😆JK Kitchen真係幾抵食，下次要試下個招牌炒米先得😳

永光中心有好多餐廳, 今日去左位於17樓既JK Kitchen食越南菜。 餐店內裝飾簡約, 環境休閒舒服。 午市仲免加一添。點了一碗JK Kitchen湯檬, 內有幾款餸, 牛腩, 生牛肉, 扎肉, 雞絲, 好豐富呀~ 跟餐送餐飲。 仲有, 惠顧套餐仲可以加錢追加小食, 特色餐飲 & 自家制甜品。JK Kitchen湯檬 $88, 呢個即係火車頭, 有好多餸, 有牛腩, 生牛肉, 扎肉, 雞絲。 用得店舖名唻命名一定係招牌菜, 牛湯底色澤香濃, 最欣賞生牛肉, 程粉紅色, 有肉味。追加小食 + $25 牛油雞翼, 牛油雞翼新鮮熱辣, 即炸, 外皮鬆脆好JUICY, 推介!小食- 串燒牛肉 (2 串) - $38, 好想試多款小食, 追加只需+$25就有, 可惜只可追加一款, 牛肉串間住三色椒, 好色彩豐富, 食落唔覺油膩, 個黃色既汁酸酸地好醒胃。特色餐飲 + $5轉飲香芋奶荼, 再+ $5加珍珠, 估唔到食越南菜有香芋奶荼飲, 淡淡唔太甜。自家制甜品 + $5, 一入店已經見到有塊黑版仔寫住是日甜品” 三色啫哩”, 由於食到好飽所以冇叫, 不過 + $5有一個甜品相當唔錯。埋單$16

朋友知道我好鍾意食越南美食，所以佢地話我如果去開銅鑼灣工作，記得去到登龍街永光中心既樓上食店JK Kitchen既越南餐廳度一試。餐店內裝飾簡約，門口放著老闆娘參加越南菜式比賽既獎狀，亦都帶一點文青既風味 。店員招待非常熱情，睇完餐牌就叫左JK 拼盤 (HKD 105)，蕃茄蟹肉湯檬 (HKD 80)同埋珍珠奶茶 (加HKD 5)。先黎既係湯檬，分量唔細，非常足料，有札肉，蕃茄，蟹肉，蔥花等。蟹肉非常多，而且幾鮮甜。 湯底就帶有濃濃既蕃茄味，正呀，非常開胃。 細心一聞之下，覺得個湯檬幾香，應該係落左啲秘製既馬拉盞。跟住黎既就係JK拼盤。呢個拼盤係佢地既signature之一。內有春卷，牛油雞翼，魚餅，蔗蝦，薯仔絲蝦 (每款兩件)。春卷炸得非常香脆，又唔油膩，點埋佢地既醬汁，勁有越南風味。牛油雞翼好大大大大隻，而且好香。魚餅同蔗蝦味道唔錯，比起一般既越南食店要大同好味。我覺得就係炸左既薯條絲包住隻蝦，賣相唔錯，幾好味。杯珍珠奶茶，奶味十足，珍珠又多又彈牙。朋友無介紹錯，下次要再encore先。

有看開我的食評嘅朋友，都知道我很喜歡吃越南菜。最近，聽朋友介紹這間小店不錯。於是，今天去銅鑼灣行街，順道來試試😻店主很有心思，在牆上擺放了越南的風景照，令人眼睛去了一趟旅行！價錢相當大眾化😻蕃茄蟹肉湯檬：蕃茄湯清甜好味，有很多蕃茄及蟹肉，落足料，這個湯檬很好吃😋👍🏻炸春卷：正如我之前所說，現在多數越南餐廳做的春卷只是比尾指大少許，這間越南餐廳誠意十足，春卷夠大條，餡料豐富，正😻牛油雞翼：淡淡牛油香味，外脆肉嫩，好味😋整體不錯，下次來銅鑼灣行街，如果想吃越南菜，一定會再來這裡捧場😻😻😻👍🏻

永光中心食肆臨立，筆者不時也會造訪用餐。是午和同事到 17/F 試了一間供應台灣越南美食的餐廳，店内以簡潔白色作主調，並在四周放滿小巧的小飾品，感覺年輕時尚。筆者點了一客牛油雞翼作小吃，一客炸豬排肉燥飯作主食，另加柑橘檸檬作餐飲。平日常吃的牛油雞翼通常都做得比較膩口，這碟牛油雞翼相對上沒有這種感覺。雞翼雖經牛油煎煮，但牛油香味沒預期般濃。反之，雞翼面上的金蒜更為搶味，加上香脆的外皮，都算幾好食。炸豬排以台式鹽酥製法，外層鹹香酥脆，肉質亦見鬆軟。可惜的是配上的肉燥飯奇怪地用上玻璃芡汁，以至飯身甚為濕身，失了分數。柑橘檸檬熱辣清新，配上炸品濃味菜式剛好。最後一談服務，餐廳人手有點不足，店員在接待上亦有改善空間，需要留意一下。

和家姐行花市 迫了好幾個鐘 拎住一袋二袋 要搵個舒適地方抖抖。佢係港島區的朋友 帶左我去登龍街搵食。盲摸摸 抬頭睇見邊個招牌合眼緣 就隨心去左JK Kitchen 一開𨋢見到餐廳簡潔舒適 有卡位 毫不猶豫入去抖抖。 原來是台灣x越南菜的餐廳 幾得意。係花市都掃左一輪街 所以唔係太肚餓。輕食就好。 牛油雞翼 係我的必食越菜。一碟五隻 炸得幾金香 皮脆 滿溢牛油味 肉質不算老 少量蒜蓉在雞翼上面 但我個人比較喜歡香濃蒜蓉的牛油雞翼 如果蒜香可以加碼 就更perfect 台灣牛肉麵 湯底好清 散發淡淡肉香 配上菜心 我鐘意喎。牛肉炆得好軟熟 新鮮香濃牛味 麵條係粗身既 有咬口 正！ 朱古力窩夫 賣相不錯的心心形狀。配上香滑朱古力雪糕（雪糕好濃好好食 如果可以更大球 會更讚）窩夫同平時常見既厚身款唔同 薄薄香脆 有蛋香。幾特別而且唔會太飽。隨心選擇的小店 都幾滿意。

同契妹喺銅鑼灣辦完首輪年貨，原本諗住行去「拉麵街」一試人氣沾麵，點知名店門外企滿人龍 ，二人又手持大袋細袋，結果就行咗去對面一幢食肆大廈，單憑大堂水牌求其揀咗間有窩夫甜品食o既「JK Kitchen」。上到十七樓，發現店子人影唔多 ，雖然都有少少驚，不過我地都好享受可以包起半間餐廳黎坐，同埋任意狂影四周環境 。食店右手邊最入位置為半開放式廚房及水吧，旁邊一排坐咗食客o既半梳化式合拼散座。近門口位置有兩張卡位。卡位窗邊放有多盆的骰可愛o既小綠草 。小肥同契妹嗰邊都唔輸蝕，有色彩繽紛o既生果咕臣陪伴 。為怕廚房效率過高，我地決定先叫兩款頭盤，食到咁上吓先續樣加。落單時，靚姐提到飲品跟食物叫可享半價優惠，所以每人都叫咗杯。小肥杯柑橘檸檬尚算中規中矩。 越式炸春卷（$45）：春卷新鮮炸起，大家要小心燙口 ！連同生菜包住黎食，再點上秘汁，春卷香脆鬆化，極為清爽。 牛油雞翼（$50）：雞翼蒜香比牛油味濃郁，炸得都好惹味，不過個人略嫌油膩咗少少。 鹽酥雞粒（$48）：真係估唔到一客鹽酥雞粒會咁大籃，每粒仲要炸成金黃色，細細粒容易食，香口又乾身，$48絕對超值 ！ 越式生熟牛肉湯

Happy Friday上Openrice搵食，搵到呢間台越式！ 則邊仲有好多小擺設，好有heart! 晚餐黎個越式小食，牛油雞翼☺️☺️☺️超香牛油味，外層香香脆脆！ 主菜係煎牛扒肉燥飯，牛扒雖然薄薄地，但有幾3，4塊，好林，好入味！肉燥好多，撈飯食好正！ 濃朱古力沙冰，好大杯！好香朱古力味，但又唔太甜！ 食完之後，店員仲好貼心咁自動送上牙籤！ 好細心！