牛More石燒專門店 (已結業)

昨晚相約閨蜜拿qposket和美戰床單，順道吃晚飯。家住元朗的閨蜜竟然不知道最近席捲元朗的石燒牛熱潮，而且她從未吃過石燒牛，那更加要帶她體驗吃石燒牛，故我帶她去了新開業的牛More石燒專門店品嚐石燒牛。從下單到自取沙律，牛肉湯，白飯，一切都是自助形式，當然石燒牛是店員奉上。寒風凜冽，喝上一碗熱牛肉湯倍感溫暖，湯頭濃縮牛肉的精華與洋蔥的清甜，身心都被這湯治癒。我們不能只吃肉，要營養到位，故也盛了一大碗沙律慢慢享用，生菜絲口感爽脆，粟米清甜，拌入柚子沙律汁及芝麻沙律汁吃，酸香開胃，格外清爽。白飯粒粒分明富咬口，配上飯素與石燒牛吃，盡是滋味。喜愛吃優質牛扒的話，美國select more牛是不錯的選擇，more牛是美國認證的BB牛小排，故肉質非常柔軟，個人喜歡五分熟度。店員建議我先將more牛切件，然後在放上300度高溫的石板熱燒，便可享用。我先嚐more牛的原味，每咬一口都流出鮮美肉汁，整塊牛小排好不涮嘴。然後可按照個人喜好，醮點調味品，如牛肉汁，酸汁，七味粉，玫瑰鹽等，些許醬料把more牛的美味發揮得淋漓盡致。閨蜜選吃澳洲M9和牛漢堡扒配匈牙利鵝肝，和牛漢堡扒有著莫大的誘惑力，令人難以抗

食石燒牛扒店越開越多，大部份價錢都好平，今次就試元朗嘅其中一間，店內服務十分好，會詳細教你點樣食，原來食燒牛扒點山葵牛肉汁食過返唔到轉頭。環境同一般石燒牛扒店一樣，座位與座位之間空間較少，但都設有自助售賣機。食物選擇自助區食石燒牛扒必不可少嘅一定係自助沙律、湯及白飯區！呢到嘅牛肉湯好有驚喜，十分湯郁足料，添咗好幾碗。美國select more 牛 $128(200g) 即係小牛扒，選用年紀輕嘅牛仔，故此燒至八成熟啲會覺得韌同有渣，所以都燒得比較熟先食，果然牛味突出，肉質較嫩，配上山葵牛肉汁真係無得頂！牛more之道 $75(200g) 今日供應嘅部位係牛板腱，比較有咬口同爽口嘅一個部位，建議燒至五、六成熟。食落比較彈性冇咁高，但整體都附合返佢嘅價錢。總括來說，做到一般石燒牛扒店嘅水平，而最值得欣賞嘅係老闆嘅熱心，佢對每位初次光顧嘅食客都會有詳細嘅講解，服務態度一流！

天氣漸凍，除o左打個邊鑪之外，鋸番塊扒，o係你面前熱辣辣咁，都係個唔錯o既選擇。之前已經o係其他地方食過呢類斷量計o既日式鐵板/石燒，今日搵到間仲抵食o既鋪頭，於是即刻幫襯！上次食o個間價錢只係包o左塊扒，想叫埋飯、沙律呢d 通通另外加錢，其實計計埋埋都唔少。今次呢間則只有o野飲係分開，飯、沙律同湯全包之餘，仲係任食！言則其實呢個係個半自助餐，最最最平$75 已經走得人！一如既往，首先要o係門口點餐。然後坐低趁住佢準備中o既空檔，梗係即刻食下沙律呢d 啦～沙律係椰菜沙律，混以新鮮蕃茄仔同粟米粒。店家放o左三款唔同dressings，由最普通o個d 白色凱撒沙律醬至日式胡蔴醬同韓式柚子汁都齊備。食食下d 肉就o黎了。岩岩上檯時，d 肉係有一塊廚紙冚住以防d 油彈o黎彈去，另外餐廳都貼心咁準備o左紙圍裙。老闆娘建議我地食o既時候可以先成舊移開，然後切小件放上去煎；或者快快趣趣煎好晒就拎開，以免太熟。我點o既係美國安格斯特級牛柳($85/200g)，好似拳頭一大舊咁，肉質鬆軟多汁，味道本身則比較淡，配合醬汁會更正！檯o既上面o既一個小空間已經擺滿各樣調味料，瀋少少岩鹽，味道即刻提升，另外帶酸

第一次食石燒，原來係以1成熟作為基本熟度，放喺熱石上面比客人自己燒，我地點左一塊黑豚肉眼，一塊牛板鍵，加多$30就有鵝肝，梗係要試吓啦😬😬初頭都有啲擔心整得唔好食，又唔知要燒幾耐先熟，好似好難控制咁，但原來只要唔過熟都係好食！相信材料係主要原因，因為肉質好所以幾乎係點燒都好食😋店員建議我哋將黑毛豬燒5成熟最好食，真係搞到我哋好鬼緊張🤦🏻‍♀️最後都有啲燒得熟咗少少，不過真係好好食嘅豬肉，肉嫩多汁真係好juicy!至於牛板鍵，有筋嘅牛扒，牛味非常出，不過呢個就難控制少少，始終牛肉快熟，所以要快手燒完擺喺碗度👍🏻之後再慢慢食放題包括牛肉湯，飯，沙律，自助形式。推介牛肉湯，牛味好濃郁，飲咗三碗🤣👍🏻白飯都可以加飯素，好好味嫁！沙律都係新鮮撈出黎既，都值得一試舒緩肉膩感👌

餐廳容納到40人左右，員工數位，門口點餐，付款。1。 手摩之道牛板腱 200G 75hkd200G 都有一隻手咁多非常飽肚牛扒釋出嘅油非常之香口上枱嘅時候為免牛肉汁濺到個身職員會細心咁用廚房紙吊喺牙籤中間一嚟唔會黐到牛扒，二黎又可以當紙巾用牛more 之道，真係抵食推薦，所有牛扒都冇預先醃製過全部都係由客人自己親手調味，自由控制抵食在老闆精明選材， 牛扒唔會有肥嘅感覺肥瘦比例合適，職員介紹老闆係另有兩間牛肉店買牛扒，所以買靚牛肉絕對難唔到佢令牛板腱在石板燒，口感富層次，肉質豐富，腱位趙口， 肉質多，職員一提醒唔好順住跟腱位置切開，煮到五至六成食，牛肉汁最鮮美多汁，可以加配牛肉汁鹹鹹地， 上酸啲可以加酸汁石板燒到咁上下 ，切開後， 煮到去自己想要嘅生熟程度， 再用職員提供既碗仔裝起， 免得牛肉汁流失，煮到5成6成最滋味。推介：A。海鹽高質素（粉紅色果隻）健康推介B。鮮磨wasabi唔攻鼻，又夠辣，夠新鮮，咬落仲有夥粒口感C。沙律白飯牛肉湯任添加，自助餐型式D。白飯上面一定要記得加飯素， 一片片煎過牛肉口感牛肉紙，好好味2。西冷牛扒 200g 104hkd+ 30hkd 匈牙利鵝肝呢度既西

元朗新開熱石牛扒 作為牛魔王既我 當然要試下啦。入門後自助售賣機買飛。已經有專人介紹各款牛味 如果唔食牛 都有熱石豬扒 汽水和果汁。今次初嘗 當然點最平的牛柳試試啦。Honey果份就再加30元 多塊鵝肝添點餐後 店員安排坐位。座位較迫 不過係有背椅 但如果手拿大袋或大背囊 就可能麻煩少少 要放地下 這點應作改善。講返食物：原來 還有沙律🥗 牛肉湯白飯全部自助任食任飲任裝話口未完 店員取餐來了。登登登登：牛柳加鵝肝到店員好細心 早已比多個碗 教我們先切一半在碗上 免太熟。雖然睇相好似好生 但可以自己烹調熟度。還有 重點推介：醬汁和自家制手磨芥辣。出奇地 芥末配牛真心好味。還有 白飯加一點點紫菜碎 認真開胃。還有 沙律 可自己調味 可選芝麻醬 沙律醋 式沙律醬。我情有獨鍾芝麻醬。還有牛肉湯 清清地 淡淡地 味道一般 好過飲茶但如果中意飲汽水 果汁 都可以入門時 在售賣機加點。今次 食得好滿足 牛肉份量其實好足料 有200g和300g選擇。我和Honey都係點左200g 已經飽到不得了。亦可能係我地有添飯關係 因為飯加上紫菜碎真係好鬼開胃又好味今次真係大滿足 估唔到85元的熱石牛柳會有如此水