維記咖啡粉麵

營業中

休息中

耐唔耐都會掛住維記嘅豬潤麵，每次去開深水埗都一定會食佢，別無他選個人最愛佢老薑湯底獨特嘅味道，咁耐以嚟都keep到水準。豬潤唔夠爽脆不過份量十足公仔麵底淋咗少少，但兩樣夾埋就係維記style，I love it另一樣必食嘅當然係介央多，香脆多士配上甜甜哋嘅介央，好滿足同行友人因為唔食豬潤所以叫咗個牛肉米粉，牛肉一樣份量十足有咬口，唔會乸到又滑又淋，米粉軟硬適中，雖然賣相唔係幾好，不過同豬潤麵一樣咁有水準建議避開繁忙時間去食，午餐最好兩點後先到就多數唔駛排隊喇

香港地嘅茶餐廳係旺區其實已經做到每條街口基本上都會有一間，點先可以突圍而出？其實好簡單、就係用心做好基本功。維記出哂名嘅豬潤牛麵已經做到街知巷聞出品十年如一日，記得第一次幫襯已經係15年前嘅事。。。～ 牛肉米先呷一啖湯，味帶鮮牛肉嘅清香味，加上用小小老薑再用大火滾起，熱辣辣飲完即刻由頭暖到落個胃，成個人醒哂，做早餐一流，其實好味嘅東西唔需要太花巧、簡簡單單足料用心做就可以了！牛肉入口嫩滑冇渣，好快就成碗連湯清哂！～ 豬潤麵呢個配搭又係好正，豬潤生熟度做到剛剛好，足見師傅嘅功力同火喉控制。豬潤薄切無渣、又係好快就成碗連湯清哂！～ 餐蛋麵係、嚟維記食餐蛋麵直係有小小無言嘅感覺、不過同行家人嘅個人選擇要尊重。。。支持小店！

其實湯底是統一的，只是放料放麵而已。湯底比較淡無咩味，牛肉軟身有味，豬膶多而大塊的。好多人叫咖央西多士，但我點選左蛋牛冶，味道一般無特別（同區有間茶餐廳既蛋牛冶真係超正），凍檸茶茶底較澀。總結: 試過就算，無驚喜，無特別，湯很淡味。

週日下午茶時間去到較新淨的維記食碗粉。維記豬潤麵好有名，我唔食內臟都聽過。入去店係6-7 成滿，十個有九個都叫有豬潤的食物。其次就是咖央西多。友人叫了豬潤米他表示很失望，豬潤不爽，雖冇內臟異味但有小小苦味。口感對他來説很差。我沒有食內臟的經驗，不能評價，所以只能把他的分享照直打下來。湯底有很小很小的甜肉味，有薑味。我的牛肉米圖中的牛肉眼見都不是軟身，大部分牛肉都需要嚼勁。我個人就食得較為辛苦。味道就真係冇乜評語可言。食左碗米粉囉。要食豬潤米，友人話去番先前食過既永記好過。我都覺得，冇必要再去。我從來冇俾過劣評，這是人生首次。可能只係失準，又可能係個人口味掛。但我是真心分享的🤷🏻‍♀️

今日出開來Sham Shui Po,見好耐都冇食豬潤麵喇!!阿媽又知我鍾意食,就決定陪我黎lee度食...今次係我第2次為維記寫食評~一入到去,發現又加左價喇!!單拼已經加到去$23...會唔會加得太快呢??二話不說,入到去我即刻order一碗豬潤麵,阿媽諗左一陣先決定叫牛肉米~阿媽一食就食得出D豬潤係新鮮的,加上佢唔係淥得太耐,所以整得好彈牙,好正!!牛肉方面,都係同以前咁上下,不太靱..不過我略嫌本身的肉味少左份量方面,感覺比以前少左,冇法子la~通賬實在太勁~唔該財爺諗諗計la!!縱然特首黎過幫襯,都唔代表個問題嚴重到lee個地步會再黎幫襯的,希望下次黎唔好再加價喇!!!

今日我地又再次出動啦, 今次為食之旅係--深水埗區. 首先我地去食0既就係維記0既潤牛麵, 雖然我唔係特別鐘意食豬潤, 不過都想試下, 哈哈!!!我地叫0左一碗豬潤牛肉麵($22) + 一碗牛肉米($20), 因為祖安不食內臟的!!!1. 豬潤牛肉麵 ~ 賣相都唔錯0架. 我第一舊就食豬潤先, Um... 感覺好鮮甜, 我相信豬潤0既fans 一定會勁鐘意, 至於d牛肉就好似肉片喎, 味道就一般, 而且麵底同湯底都比較普通!!!2. 牛肉米 ~ 祖安就覺得湯底比較特別, 而且味道都OK!!! 整體評價: 可以一試, 豬潤愛好者就一定要去啦, 下次我會再試埋件咖央西多士!!!