維記咖啡粉麵

營業中

休息中

週日下午茶時間去到較新淨的維記食碗粉。維記豬潤麵好有名，我唔食內臟都聽過。入去店係6-7 成滿，十個有九個都叫有豬潤的食物。其次就是咖央西多。友人叫了豬潤米他表示很失望，豬潤不爽，雖冇內臟異味但有小小苦味。口感對他來説很差。我沒有食內臟的經驗，不能評價，所以只能把他的分享照直打下來。湯底有很小很小的甜肉味，有薑味。我的牛肉米圖中的牛肉眼見都不是軟身，大部分牛肉都需要嚼勁。我個人就食得較為辛苦。味道就真係冇乜評語可言。食左碗米粉囉。要食豬潤米，友人話去番先前食過既永記好過。我都覺得，冇必要再去。我從來冇俾過劣評，這是人生首次。可能只係失準，又可能係個人口味掛。但我是真心分享的🤷🏻‍♀️