Sodam Chicken (已結業)

再訪Sodam Chicken🐓從一而終最愛太陽炸雞☀記得第一次黎就係為左食佢既太陽芝士炸雞! 個陣熱潮仲係岩岩興起☺~仍然喜歡呢度既休閒風~ 同埋不停播住流行k-pop,, 令脫節既我都可以知道下時下興緊D咩~ XD(btw我真心幾鐘意睇k-pop d MV... 有theme又有跳舞睇~ 幾energetic!🤓)比起一初頭開業多左好多款唔同口味既炸雞呢!什至連近期大熱既黃金咸蛋黃味都有🤤事至今日, 仍然係最愛最愛 太陽芝士炸雞$198 無得輸...芝士控必試!!!!💛炸雞本身炸得非常香脆!! 其實就咁食已經好好食揀左無骨雞肉, 一樣咁嫩滑啖啖肉的快感很享受🤤🤤農夫包很肯定係呢一款另一個主角🍞(此為已食左一半🤤)香脆非常, 而且甜甜地...大大個,, 其實4個人分都夠食!芝士溶岩加入左忌廉🧀所以更加滑身2個人食呢個其實已經飽左6成😂食呢個堅係好滿足☺黎得呢度真係唔好錯過~四重芝士薄餅$145第一次試呢度既pizza, 非常熱辣辣咁上枱呢🍕4款芝士分別係:: 水牛, 車打, 菲達, 巴馬臣芝士味香濃, 見到Mozzarella cheese就知道會有拉絲了🧀🧀芝味中間夾雜住蕃茄醬既微

一向鍾意食韓式炸雞，大大話話我都食過4 5間，今日同FD出銅鑼灣決定再試試未去過既，所以就黎左呢到喇。我地3個人叫左一款炸雞一款焗雞，先黎係雙重芝士炸雞 $175, 呢款炸雞有兩款芝士粉係面，一款甜D，一款芝士味濃D，各有特色。至於炸雞皮都幾脆，雞肉都嫩滑，整體黎講都唔錯。  至於首爾風味焗雞 蒜蓉芝士醬 $158 雞肉都嫩滑，不過就有少少焗到偏乾身，所以要點蒜蓉芝士醬先好味。  另外我地仲叫左個牛肉部隊鍋 $280, 呢個鍋都真係幾足料，牛肉係肥牛黎，都唔鞋肉質幾好，另外仲有年糕，丸類，餃子等，而拉麵都好煙韌，唔會太淋。 整體黎講我覺得呢到既炸雞係出色過焗雞，但Overall都唔錯，可以之後再黎食。 

岩岩係韓國返香港..........真係太掛住鄉下既食物, 唯有係香港尋覓一下...今次就去左CWB試下一間除左有得食炸雞同部隊鍋既韓式餐廳~ 我地總共4個女仔, 今次就決定叫多D野食~其中一樣唔可以少就緊係朕最愛既薯條啦~依個藉條上面全部都係芝士粉~ 再加上佢岩岩炸完出黎同D粉好似溶為一體~ 唔錯唔錯~ 但另外個個麵包就麻麻地~ 可以因為太dry, 如果變左唔係粉而係芝士醬, 之後點黎食就一定prefect喇~之後就黎左一個焗雞, 佢同你平時食個d有小小唔同, 佢唔係用蜜糖去焗, 佢係韓式醬去焗, 依個味道相對比較特別, 食起上黎又唔係太辣~ 佢d雞同韓國一樣都唔會係好大隻~ 所以d肉都相對黎講比較嫩身~ 同時再點返佢個特製既醬~ 都幾唔錯~咁叫一隻雞緊係唔要啦~係韓國食過bhc既芝士粉炸雞真係太太太好味喇~ 返到香港見到沒有不叫的理由~佢同焗雞唯一唔同就係佢冇左個辣味, 而芝士味都相對比較濃~ 都幾好~食食下終於到另一個主角~ 就係部隊鍋~佢既味道真係相對比較辣既~ 唔食辣既朋友要小心d~ 佢上既時間d 牛完全係未熟的~就等你自己慢慢煮, 咁d牛就唔會好un喇~叫得部隊鍋就一定有埋

銅鑼灣有小熊維尼展，今晚出左去睇，順便就係附近百樂中心食晚餐上到去好多人等位，好在訂左位！餐廳唔係好大，其實連平日都咁多人等位食飯，餐廳應該擴張，整多d位坐低左時已經八點幾好肚餓呀，即刻叫咗個炸雞醫肚先打開menu第一頁見到有新味道烤雞加waffle 炸雞配窩夫好特別嘅配搭，鍾意食甜野嘅我揀咗焦糖炸雞窩夫！仲可以比客人選擇有骨或無骨，無骨炸骨最適合我依d食肉獸食物份量都唔少，至少有八件炸雞，炸雞炸得好香口，沾上焦糖醬再加窩夫一齊食，甜甜地，唔止單一食普通炸雞咁單調！！除咗炸雞之外，仲叫左一個牛肉部隊鍋個部隊鍋有我最愛的韓式魚片、餃子、午餐肉、香腸、公仔面、年糕等！整體來說，部隊鍋味道不錯，但我覺得唔夠辣唔知有無得加辣既呢？最鍾意部隊鍋越煮越濃未食到Lam lam脷真係第一次係香港食部隊鍋會食到晒成個鍋！餐廳有好多款唔同既炸雞選擇，下次要再來試其他味道！見到隔離枱食個款芝士拉絲炸雞好似好好食！

今日同朋友行崇光後，朋友說想食炸雞，就上OpenRice search 下見到依家就上去試下。上到去環境算唔錯，一坐下來已經睇下食咩好。炸雞都有好多款，我們就選擇左蜜糖芥末味。我本人就好鐘意食芝士，依家芝士火鍋我就一定唔放過我朋友就叫多款依家好岀名嘅牛肉部隊鍋炸雞一上到枱已經香噴噴，色澤金黃，令人食指大動一啖食落皮脆肉滑，芥末嘅淡淡香味慢慢湧現岀奇地夾蜜糖清香好食一碟仲有起碼八件抵食夾大件，唔錯芝士火鍋配料豐富，上枱已經大飽眼福，有六款配料，第一次食薯條用芝士火鍋食，另有一番風味我食甘多種口味，都係個面包最爽芝士鍋，食到唔停得口牙至於依個牛肉部隊鍋，我朋友讚好食，由其配料特別多，可有不同任你選擇

炸物一向是筆者至愛，而近年興起的韓式炸雞，更是其中的新寵。早前曾試過銅鑼灣耀華街百樂中心的一間韓式炸.雞店，出品水準不俗，一直都想encore，最近得知該店有新芝士菜式推出，遂跟友人相約再試龍與鳳。當天七時多去到，發現已高朋滿坐，餐廳外邊還有客人在等位，而大多數都是年輕一輩，特別熱鬧，很明顯這店已成為新一代的聚集地。環觀四周，發現差不多每枱都有出現一盤大大碟的芝士炸雞，想必水準有一定保證，坐低看看餐牌，原來這便是餐廳新近推出的一款太陽芝士炸雞，外觀非常吸引，對於筆者這個芝士控來說實在是無法抗拒。太陽芝士炸雞以大圓盤上枱，炸雞塊團團圍着擺放在中央的農夫包，裡面載滿了濃郁軟滑的芝士醬，擺盤和賣相都跟太陽造型有幾分相似，難怪這道新菜式叫太陽芝士炸雞。農夫包內盛載了秘製芝士醬汁，裡面加入了水牛芝士和車打芝士，當然還有其他秘製配方，芝香誘人，絕對芝味十足。旁邊的炸雞面頭也灑上芝士醬汁和香草碎，清香惹味，讓人忍不住立即拿起炸雞一試。本來以為入口會很膩滯，原來完全不是這回事，炸雞吃起來肉質嫩滑，炸粉不厚，惹味非常；芝士醬較想像般輕盈，加上香草的清香氣味，減淡了炸雞的油膩感，所以吃起來一點不膩口。而將

受身邊人的影響, 近排也多食了韓國嘢, 尤其是炸雞, 早前我地去了位於銅鑼灣的Sodam Chicken食晚飯.為甚麼會來這間店, 因為有一個新菜式我地好想試, 就是太陽芝士炸雞.坐下後, 第一時間點了這個. 太陽芝士炸雞上枱啦~有咩特別? 因為除了炸雞外, 碟中間放了一個農夫包, 當中整空了, 用來承載着滿滿的芝士. 見到已經好吸引.我先試下件雞, 點滿了半溶芝士.外皮幾脆身, 炸得幾乾身, 我最怕油淋淋, 而雞肉肉質又夠嫩滑, 加上口中充滿香濃的芝士, 多重口感.另外, 也要試下個農夫包.個包夠香脆, 同平日食的很不同, 有點似食薯片的感覺. 所以個包記得要食埋.我也點了一杯蘋果特飲, 我唔想太凍, 所以點了少冰.上枱時賣相幾靚.用一個大杯載着, 顏色是青綠色, 而且還放了一串軟糖在杯面, 好有夏天的感覺.入口味道算清新, 甜度適中. 潮流興炸雞配啤酒, 由於我唔飲酒, 所以用這個蘋果特飲配炸雞, 也是另外一個不錯的選擇.我地再點了牛肉部隊鍋.由於我地不食得辣, 所以問過店員, 佢話這個牛肉鍋只有少許辣.上枱後, 見到個部隊鍋材料相當豐富, 除了牛肉外, 仲有餃子, 午餐肉, 紫菜

為銅鑼灣的新貴，呢間主打健康烤雞的韓雞店別樹一格。座落在百樂中心樓層，食肆的種類真不少。要成功突圍而出，實在不容易。今日特地同男友來這裡吃個LATE LUNCH，襯人少一點。一上到來，那個醒神悅目像迪士尼字體般的招牌已經打動到我們。裡面的裝潢盡是烏絲燈泡與工業式風格。像年輕般帶活力。過了午膳，OL紛紛離去，我們像包場一樣餐牌簡而精，焗雞炸雞啤酒特飲料理，中國人有句說話: 一生只做一件事，因為專注所以專業。韓國人炸雞已做到很到家了，很想知道這個餐廳的技術又去到如何。餐桌已整齊擺放兩個棄雞骨的小桶、小碟、紙巾。首先來了一個BBQ焗雞。原來以為不辣滋味的焗雞，原來都非常之辣。外表非常吸引，像蜜糖焗雞般染滿醬汁好香好濃烈！個醬汁惹辣無比，中間的雞肉同雞不肥不油。好嫩滑，每口拉出雞絲。不過個辣真係超辣，對於5食得辣的人士可以試試其他，因為肉質真係好正好鮮跟住店員上了爐具，預備煮牛肉部隊鍋 $280！材料非常豐富，有菜肉餃子，肥牛，茄汁豆，午餐肉，金菇，魚糕及甜辣醬等等...2個人食其實係非常之多！煮熟之後，混在一起，吃了韓式午餐肉，好腍，比香港午餐肉更香更重肉味，不咸，更健康！魚糕一直是我至愛，

蜜糖芥末香蔥炸雞 $188Honey Mustard Fried Chicken with Green Onion之前食過幾間, 但今次呢間真係番hk So far食過最正, 最韓國既炸雞😍😍 食住炸雞, 聽住背景既kpop, 真係好似仲係韓國咁炸雞炸得外皮卜卜脆~ 但又完全唔會炸得太乾, 入面仲係好香嫩😋😋 更贊係佢地既honey mustard, 有honey 甜又有芥末既香🙌🙌但又完全唔會嗆鼻, 連平時食唔到芥末既fd都贊不絕口 一諗番又想食啦～菊花蜜特飲 $58Kiss me honey之前睇相已經比呢個大大🌻🌻 吸引住😆 本來以為係普通菊花茶+蜜糖。估唔到佢(應該)加左d 乳酸, 飲落就似有氣既菊花蜜😎 感覺既解熱氣, 又滿足到我食炸雞想飲汽水既欲望🙈😜 絕對係叫炸雞既靈魂伴侶😆😆牛肉部隊鍋 $280真係落足料 有牛肉, 韓國麵, 餃子, 午餐肉..... 加左辣椒, 一路滾一路辛辣度增加 真係愈食愈惹味 總體呢度既炸雞特飲完全拍得住韓國最正既炸雞店 , 唔怪得晚上7點幾來已經咁full la~ 仲見到有人外賣幾盒炸雞 下次來想食炸雞絕對會再來😚😚

尼個蜜糖芥末炸雞絕對係皮脆肉嫩有肉汁，就算係雞胸肉都唔覺好嚡 蜜糖芥末醬芥末味比我想像中出，不過對於我尼啲超好芥末嘅老友，芥末味再重些少會仲合我口味，配埋香蔥一齊食真係一流呀！ 首爾焗雞相對蜜糖芥末就比較普通，感覺味道有啲似係家鄉雞的高質版。叫得做部隊鍋，份量唔會少，材料亦多。泡菜同牛肉鋪面，下面有餃子、午餐肉、魚片、紫菜卷、金菇、麵等等。湯底味道少少辣但唔太重味，如果調得再惹味啲會更佳。個麵最好盡快食，滾耐咗變淋身就無咁好味喇！菊花茶好大杯，插咗朵同樣好大的菊花喺杯邊，賣相係幾出，本身菊花茶的味道已經淡，仲要加咗大量嘅冰粒，飲到後期好似飲緊清水咁

韓國炸雞店香港越黎越多 想食又唔知去邊間好 去開銅鑼灣 順勢睇下OP有咩好介紹😁😁 見到大家都對sodam chicken好評如潮 當然要試下啦 一開𨋢門 好大個招牌👍🏼 喜歡佢地簡單得黎帶少少工業feel 牆上嘅巨輪好吸引 前菜叫左個凱撒沙律清清腸胃 比想像中大碟好多 羅馬菜車厘茄夠凍夠爽甜 配埋香脆包粒同煙肉碎 加上適當嘅凱撒醬 口感夠fresh！😋 小店出名炸雞同焗雞 各有4-5款選擇 經過商討後 決定叫今晚嘅當主角—蜜糖芥辣香蔥炸雞 😋😋😋 上枱時被份量嚇親 一碟大約10-12件左右 堆疊成小山丘嘅炸雞撒上大量香蔥同淋上醬汁 炸雞外層炸得金黃香脆 入口肉質嫩滑多汁 忍唔住一口接一口 碟底重有大量蜜糖醬任點👍🏼 另外叫左牛肉部隊鍋 材料都幾豐富 牛肉 午餐肉 韓國魚蛋 焗豆 餃子 辛辣麵等等 但食完覺得價錢略貴⋯ 大大杯嘅提子特飲 有支雪條係上面搞笑😝 好好飲 有啲似有汽嘅利賓立 飲完好滿足😋😋 總結 喜歡店員嘅笑容同禮貌 更喜歡小店嘅細心 怕大家用手食太污糟 準備了夾子同膠手套呢種窩心嘅行為 的確會令人再次幫襯👍🏼 下次一定要試埋焗雞嘅味道😊

話說星星既熱潮都退得七七八八，但係我仲未睇過套戲，食過炸雞，飲過啤酒，早幾日程程話想同我拜年，仲話想食韓國野，岩晒啦!就去試下做下千頌伊，滿足下自己先!餐廳內部幾好，我鍾意佢個開放式水吧，好有FEEL，好似置身酒吧咁XD，睇睇個MENU，店舖主打韓式炸野，有好多不同既口味，我同程程不約而同想試同一款炸雞心有靈犀呀!蜜糖芥末香蔥炸雞: 一黎到就好香蜜糖味，我個胃已經打開左XD 試下件雞搥，唔好以為佢面嗰層濕源地似油，事實係蜜糖黎。雞用既炸粉唔多，一咬已經咬到雞肉，蜜糖甜度適中，係每件面既粉量都係岩岩好。芥末味係我咬第二啖既時候就食到，香口﹑有少少搶鼻，個味唔係太重，唔會COVER左蜜糖味~唔錯唔錯。炸雞啖啖肉，肉質鮮嫩又滑，雖然炸過，但係唔會食到成口油!值得一試!螺肉伴冷麵: 冷麵好爽口彈身，佢唔係冰凍，係比室溫再凍少少，食落好舒服。螺肉略帶微辣，有驚喜的是，配料除左青瓜絲﹑紅椒絲之外，竟然仲有魷魚絲!!!! 魷魚絲好彈牙，唔會好韌好難咬，而且份量都唔少!!!螺肉就好有咬感，都唔韌，容易咬，雖然帶點微辣，但係酸酸甜甜既味道真係令人好開胃!作為前菜一流!牛肉部隊鍋: 令我驚喜既係有餃子同魚

睇報紙介紹炸雞。所以就約埋朋友一齊食。訂臺時說好如果無人排隊就任坐，有人排就限時90分鐘，幸好唔滿😁四個人，點了一個蜂蜜芥末炸雞，首爾風味烤雞同牛肉部隊鍋蜂蜜芥未雞炸到好香，雞肉好嫩，熱辣辣香噴噴！但芥末味好似重了一點，有些攻鼻.....而首爾烤雞更好食，更juicy 同口味無咁重，配以特色蒜蓉醬，超好味！牛肉部隊鍋無芝士，得餃子，公仔麵，金菇，牛肉，魚肉等等，味道一般，下次可以唔需要再試叫左杯菊花蜜糖特飲，有少少汽，好似盒裝菊花茶有汽咁，都幾得意幾解渴既仲有好多款雞想食，下次再黎

之前係FB見到朋友去Sodam Chincken 食炸雞，讚不絕口，吃貨既我又點可以錯過呢?!餐廳唔只有炸雞仲有焗雞食，炸雞有原味、蜜糖芥末、芝士、甜酸和濃蒜味，而焗雞就有首爾風味、BBQ 、酸辣、噴火級辣味同招牌SODAM 脆脆焗雞。除左雞之外，餐廳仲有不少韓式小食，如魚串湯鍋、牛肉部隊鍋、芝士白汁年糕等等。先上檯既牛肉部隊鍋夠哂吸眼，份量十足，材料豐富!有牛肉、韓國菜肉餃子、紫菜卷、午餐肉、魚片、泡菜、茄汁豆，同部隊鍋既靈魂精髓:韓國拉麵!!!先將辣醬抣混，再滾多十分鐘，香辣既部隊鍋就呈現在眼前!牛肉脂肪較少，但入口唔會靱，肉質柔嫩而且牛味濃!韓國菜肉餃子餡料十足，菜同肉既比例剛好，一啖入口吃到好香既菜肉味!吃到最尾當然不能錯過部隊鍋既湯底喇!!湯底吸收哂所有材料既精華，酸辣薏味!蜜糖芥末香葱炸雞隻隻都炸得金黃，單係賣相已經十分吸引!一試更另人難忘，食到停唔到口!外層香脆，內裡雞肉嫩滑。雖然經過油炸，但唔會好油膩，而且仲好JUICY添!首爾風味焗雞感覺好似無炸雞咁熱氣!焗雞無論賣相同味道都不比炸雞遜色!焗雞色澤金黃，入口雞肉幼嫩，而且一d都唔油膩，肉汁豐腴！伴碟既仲有個蒜香芝士醬，

得悉韓國連鎖炸雞店旋風式襲港，忍唔住要黎潮一潮聖。第一次黎百樂中心，響時代廣場後面，七點幾食飯時間排隊等lift要10分鐘，大家要食好野記得比d耐性!蜜糖芥末香蔥炸雞 $188炸雞一客有10件，件件都炸得非常香脆，即使係雞胸肉都唔會'鞋'，而蜜糖芥末醬酸酸甜甜，芥末不會嗆鼻，醒神開胃，有驚喜螺肉伴冷麵 $128朋友好想食螺肉所以試一試，味道比想像中出色。青瓜絲，紅蘿蔔絲，椰菜絲好爽脆，而螺肉大粒彈牙，份量充足，醬汁味道甜甜辣辣，好開胃!菊花蜜特飲 $58靚靚菊花蜜特飲見到已經好開心~特飲有清香既菊花味而甜度剛剛好，食住炸雞飲真係可以降降火!牛肉部隊鍋 $280部隊鍋一直都好受歡迎，呢度既部隊鍋用料充足，牛肉、午餐肉、泡菜、焗豆、煙肉、公仔麵都有，但估唔到會有白菜豬肉餃。湯底大概要15分鐘先滾起，建議點個前菜食住先。一開始湯較淡，我忍唔住問店員攞湯底用既辣椒醬，即刻好快令湯變得更辣更濃。魚餅:煙軔好有咬口白菜豬肉餃: 好清甜，餡料充足牛肉:建議唔好煮太耐,放響煲煮過龍會好硬