無極牛排 (已結業)

$88 石燒牛肩胛😍四牛大比拼.日式石燒牛肉嘅舖頭愈開愈多，今日黎到呢間位於尖沙咀寶勒行嘅石燒牛肉店，$88就已經食到200g 牛！加$30仲有白飯，沙津無限任食+汽水！(最重要係冇加一服務費).去過好多間日式石燒牛肉店，呢道最唔同嘅係環境比較舒服，店面積頗大，枱同枱之間有一定距離，令食客可以舒舒服服咁食，嘆下啤酒，唔會覺得要急住走。.一行四人，就一於試下四種牛有咩分別！其實200g份量都幾多，一個正常食量嘅人會覺得飽.🐂$88 牛肩胛 200g 牛肩胛 超！級！好！食！牛肩胛嘅肉質好嫩滑，食落好juicy，每啖都爆汁的😍 由於牛嘅肩胛係最經常運動既部位，所以油花相對比較均勻，肉味濃郁！$128 無骨牛小排 200g牛小排係最肥美嘅，鍾意油脂多啲嘅可以試呢個，咬落去會爆汁，係石板上面燒住熱辣辣嘅感覺好滋味呢。呢個無骨牛小排會係我嘅第二推介！.🐂 $118 西冷 200g最強肉味！西冷是指後腰脊肉，因為近臀部所以肉味最濃，油脂唔算多但分佈平均，所以肉質咬落都嫩滑👍🏻.🐂$128牛柳 200g牛柳係超厚切的，牛柳係西冷下面的牛腰肉，亦是最軟嫩和最瘦的部分，肉質軟腍。如果對比起牛肩胛，牛柳嘅

近年香港多咗唔少食熱石牛嘅餐廳，今日就決定黎尖沙咀呢間開張咗無耐、專門做牛嘅無極試下熱石牛。可能因為係樓上舖，所以環境比起其他熱石牛地舖闊落好多，睇得出裝修有落過心機，而且有落地玻璃，可以坐高枱望街景，真係好特別，好岩同朋友一齊黎食嘢傾計。店員好有心機咁為我地介紹咗四款牛，分別係牛肩胛、西冷、牛柳同牛小排，又帶我地去混醬嘅位置介紹邊款醬汁岩邊款牛，咁好招呼同耐性，係香港真係好少見。最後我地要咗300g西冷、200g牛肩胛同200g牛小排。所有嘅牛肉都係安格斯牛，上枱時淨係煎過六面，一切開就知道係靚牛肉，因為佢入面係真係鮮紅色，好新鮮。首先佢個西冷好有口感，擺入口到係愈嚼愈有牛味。牛小排嘅肉汁同油脂比較多，牛肉味比較濃，好岩送飯。不過個人最中意嘅都係牛肩胛，除咗因為係香港比較少見，亦係因為佢真係好好食。食開牛嘅都知道，牛肩胛如果唔預先去咗啲筋同肥膏，再用鬆肉器鬆肉嘅話，就會有好多筋同埋會un，但係佢嘅牛肩胛食得出落咗好多工夫，又林又juicy，好好食，真心推介。同店員傾開計先知原來有得電話或者WhatsApp訂座，真係好方便。埋單時真係嚇咗一跳，我地一共食咗三款牛，都只係四百幾蚊，真係又