胡爐 (已結業)

今日約左朋友傾計，想搵個舒服既地方坐低傾下計，朋友見好耐無打邊爐，於是響附近搵，見到呢度坐得舒服，所以上黎打住邊爐傾下計😊😊🌟濃湯佛跳牆雞翅鍋（$398）呢個湯底好足料，有鮑魚，翅，螺片，瑤柱，海參，花膠，鮮雞，金華火腿，娃娃菜😋😋湯底濃郁，清甜既海鮮味，仲有仲有好濃郁嘅雞味，真心推介，黎到必點既湯底👍🏻👍🏻😋😋🌟 牛胸爽 （$138）望落去好似好肥，但原來唔係，有驚喜，牛味重，好煙韌，但原來食落口唔會覺得肥膩，切得唔會太厚，淥一淥就食得👍🏻👍🏻🌟 黑松露芝士牛丸（$58）牛丸彈牙，牛肉味重，好香黑松露味，芝士流心，而且價錢唔貴，性價比高😋😋🌟廣島蠔（$88）蠔肉新鮮，份量多，而且厚身又大隻，食落好爽，蠔🦪味好濃👍🏻👍🏻🌟 支竹支竹跟呢個湯底係好夾架，支竹大塊，而且吸哂湯既味道，煲耐左都唔會爛，愈煲愈吸味，真係好好食，必點😋😋

尖沙咀既打邊爐，唔去胡爐食真系唔得！佢地服務一流，侍應招待熱情有禮，對食材都好有了解，對於牛胸爽要灼幾耐都會溫馨提示一下，環境舒適，好岩一大班好朋友聚餐。今次點左胡爐四格鍋，有非常清甜既蕃茄牛腩同埋清湯湯底，仲有沙嗲同麻辣湯底，每款湯底入面都有對應嘅餸菜，落足料呀！首先叫咗個手打蝦滑，真係非常爽口彈牙，佢上面仲擺咗一啲蟹子粒，增加左蝦滑既鮮甜度。仲叫左個鮮甜花甲，先唔講佢真系完全冇沙又鮮甜，個侍應仲話如果有邊粒冇開可以比佢地換過新，哇真系好貼心呀！結果緊系粒粒都開啦！話明鮮甜架嘛！我地仲叫左佢個胡爐牛拼盆，每款牛既部分都好好食，難分高下，要嫩既嫩，要爽口就爽口，簡直冇野彈！我下次一定會再嚟！