肥牛火鍋海鮮酒家

營業中

休息中

話說有位兄弟生日，大家約出來食返餐。這位麻甩兄弟，選了旺角區横街的火鍋店。佢話：上次＜做野＞路過，發現這家火鍋，所以想試試！真係唔知佢在這區做咩野囉！總之這晚大家又可以出來一起～烚～下～烚～下。今天是周一，平日晚上也差不多滿座，看來這家火鍋很受歡迎。  酸菜花生每碟十元　　　茶芥每位十元        無論如何都要溝返夠本。　下單後，大家來吹吹水，然後等待食物來到。大牛脊肉加配牛什鍋底，大約3百個大洋。上枱時，果然沒有讓大家失望。牛脊肉 - 大份　紅多白少，以肉質纖維為主，己經可以想像是肉味豐富。只要煮的時間控制得好，保証肉質嫩滑。　這塊就是失敗左的成品。再多夾几塊，烚多件。　牛什鍋底以牛腸＆牛肺為主，內裡還有大大件白蘿蔔呢！　嚐過牛肉，大家都以鍋內牛什為目標了。豬心 　　好難得火鍋遇上豬心，豬心爽口，真是火鍋好配料。　　午餐肉　　自己特別喜歡在火鍋之時，來一份午餐肉。焯過後的午餐肉軟綿綿，口感滑溜，不用太大牙力。而且焯過後，午餐肉內裡充滿水份，其鹹度降低，讓人嚐完一塊又一塊。　　　蟹柳　　原本不想要這款，可是生日果位係都要叫一碟蟹柳囉！　　　青菜　　如此多肉類，一定要來一份青菜。　青

今次都係去肥牛打邊爐，同上幾次食既野都係差唔多。不過今次既食材就「有喜亦有悲」。( 上一次去肥牛食既圖文：http://hk.myblog.yahoo.com/stewart-too/article?mid=1088 )喜既係，今次有一個新出既《招牌秘汁牛雜鍋》。望一望 D 料，嘩… 好多呀，有：牛膀、牛肺、牛肚、牛大腸、牛筋同埋牛粉腸。個汁就食唔出有幾咁「秘制」，不過都好好牛味。真係無諗過用牛雜料黎打邊爐，新鮮之餘亦都食出唔同感覺，好正！唯一美中不足既地方係，個湯底唔係好夠，只得半煲，加水之後既味道沖淡佐。牛脊肉依然出色，鬆化又甘香。三文魚都幾好。鯇魚片 Very Good !!! 一望都知，唔使多講。悲既係，蝦丸、手切肥牛、潮州魚蛋都差過以前。唔知係唔係「採購部」入既貨唔同佐呢？下次再去試下先至知。希望佢地係「偶有失手」啦。手切肥牛雖然好新鮮，但係今次既部位唔係咁得，唔知係唔係比佐牛蘿友比我地。潮州魚蛋無以前咁彈，不過都食得過既，因為魚味都幾香，同埋唔腥。墨魚丸併蝦丸，前者幾好幾彈牙，後者今次唔係好夠蝦肉。水魷係唯一一樣呢晚我食唔落口既野。個味怪怪地，應該就快壞。不過陳總舵主太愛佢