榮昌茶座

營業中

休息中

揸車入開元朗，順便兜去上水試下之前電視介紹既煎雞尾包，當日下午去到餐廳門口已經看到有人等位，餐廳隔離有個停車場可免費泊車，泊好車後便入去問服務員攞飛等位，餐廳分別有室內及露天座位，等了差不多30分鐘有位了，入到去大部份都是大圓枱，所以就跟別人搭枱了坐低後拿餐牌一看便叫了這裡出名的煎雞尾包、牛腩河、西多士、綠茶雪糕紅豆冰、炸薯條、熱狗、梅菜扣肉飯煎雞尾包比想像中沒什麼特別，只是壓扁了的雞尾包，十幾蚊一個太貴牛腩河d牛腩煮得好淋又入味，可以一試 這個是朋友叫的，他的意見是不會太肥，好味綠茶雪糕紅豆冰 紅豆又大粒又多，值得叫的炸薯條、熱狗、西多士都是跟一般茶餐廳差不多

住上水咁多年都唔知有呢間野，因實在好偏，睇到網上對呢間茶座都幾好評價就想去試下，本諗住行山後兜過去，但果日落大雨，就放棄行山，只專程去呢間茶座，從北區醫院行經粉錦公路行過去，點知原來條馬路旁係無行人路的，行去會好遠及好危險，唔好諗住行去去喇。去到茶座，應係因有雨關係及已過左下午兩點，唔使等位，叫左「紅豆冰、煎雞尾包、豬扒包及牛腩河」，叫呢幾樣都係睇到人地推介的。。。一樣一樣來評：紅豆冰：真係OK及起沙，紅豆又大大粒，出邊茶記好難食到呢個質素煎雞尾包：都OK既。。。個人唔多好食雞尾包，煎過又幾香口豬扒包：乜件豬扒咁薄。。。加埋個包都唔多食得出件豬扒乜味喎牛腩河：真係食唔出比出邊好響邊到。。。係林，但得個林字，河粉比較粗，但「鞋」之前有人投訴過服務員態度麻麻地，但我覺得OK喎，都好笑容既。想俾喊面，但問心，如去呢到之前未睇過網上評價，會覺得呢間野OK既，只限OK，不過不失.

星期天早上，老公提議到粉嶺哥爾夫球場附近的榮昌茶座食早餐。他說之前踩單車經過時，曾在此茶座歇腳，食物質素不錯。我們饞嘴一家便駕車前往。感覺此茶座較偏僻，沒有車子較難到達。我們點了豬扒一丁、牛腩河、煎雞尾包、熱奶茶和咖啡。豬扒一丁的一丁麵質煮得很好，老公說香港大部分的茶餐廳要麼用假一丁，要麼煮得不夠好，但這家茶座卻難得地把一丁的精髓煮了出來。(我對一丁沒有研究，姑且引述老公的評語。)至於炸豬扒，反而沒有什麼特別。牛腩河的牛腩煮得很軟很入味，大大碗的，可以一嘗。煎雞尾包還是第一次見，略嫌裡面的饀料不夠多，較乾身，個人比較愛吃新鮮出爐的。總的而言，這是一家above average的茶檔而已。此茶檔兼賣新鮮蔬菜，如矮瓜、節瓜等，我們買了一些回家，回家立即清蒸了矮瓜一試，確是清甜，值得推薦。

一個偏僻的茶座, 星期日公司無飯食, 同班同事去食榮昌, 我第一次食, 但一定要揸車, 方便d....1:30去到好多人wor....門口泊滿哂車, 我地搵個位坐都難,最後4個人坐大圓枱!!原來依度食包同粉面, 飯就比較少款,我同同事share ,另一pair 又share..好好味wor, 入味, 雞亦嫩口..牛腩值得一試, menu 話煮了6個鐘,我有d 相信,因為好淋, 配食湯河, 一流!!一上枱熱辣辣, 入面白汁蛋碎少許凍, 感覺好新鮮!!牛角包是餐, 配飲品, 加$4 有即磨咖啡,但同事話似麥記...無特別嘩,另一pair同事要的熱狗, 好大隻, 好吸引, 同事話好好味!!!!佢地又叫了牛腩,但配飯, 飯份量不多,但剛好兩個女仔share, 佢地一隻熱狗,一碟飯,佢地話已經好飽!!!食物不便宜,但食下午茶, 坐低傾計, 這裡不錯!!我見好多人食紅豆冰,應該是很出名呢!!