九鬼居酒屋 (耀華街)

營業中

休息中

平日行過百樂中心隔離條街， 永遠見到好多人排隊上去， 但係呢原來就係地面，就已經有間好正居酒屋， 可以話食好西其實近在眼前。 每次去到居酒屋都會睇下佢地是日推介， 因為師傅總會將最新鮮、最時令既食材特別寫出黎一向覺得佢地係必食。 九鬼推介- 燒帆立貝 帆立貝真係好新鮮，比我隻手仲要大隻 兩片帆立貝超鮮味，連帶子裙邊都係超鮮味。 小食方面 叫了一份章魚小丸子， 街頭小食得黎，其實做得好食都唔易呀， 佢粉漿唔會太厚，食落唔會太厚粉， 外皮仲係好脆 饅魚丼 因為天氣凍，都想叫點主食暖一暖， 饅魚丼就最好不過，又有飯，燒饅魚又係咁好食， 當然不能夠錯過。饅魚都幾厚切 串燒方面，推介牛舌芯及五花肉， 總覺得串燒係居酒屋必食之一， 花肉燒出黎係脆，除左佢外皮，肉既部分係脆 牛舌芯係厚切牛舌-裡面充滿牛香味 而家仲有清酒之旅promotion $260 6款無限添飲，2個鐘 以居酒屋黎講，真係好抵呀。

一條食街，位於耀華街地舖，樓底很高，一入餐廳即見到餐廳標誌的鬼王霓虹燈，十分搶眼。牆上彩繪了不少鬼的圖像，色彩鮮豔，很具特色。翻開餐牌，主要提供炸串燒、日式小食、關東煮等，還有不同款式的清酒。最特別的地方還有happy hour tea set$98，包括三款小食和飲品。串揚串可以配上特別調的辣汁或酸汁。又有一碗椰菜消膩，很貼心。⭐️牛舌芯$48一塊牛舌方方正正，配上辣蘿蔔蓉和蔥絲，口感帶脆，很有嚼口，牛味也很濃郁。⭐️安格斯牛肩肉$68串揚安格斯牛肩肉口感香脆，牛味濃郁突出。⭐️櫻花蝦餅$58蝦餅有口感，粒粒蝦肉增加口感，味道鮮美。⭐️日本山藥$38山藥成一個長方柱體，裡外都很脆，口感很好。⭐️車海老$88蝦連蝦頭都炸了，入口非常香脆。蝦肉飽滿彈牙。⭐️銀雪魚$68銀雪魚外脆內嫩，魚肉很嫩。⭐️磯煮鮑魚$88鮑魚經過清酒煮過，鮑魚配上三文魚魚子，酒味濃郁，鮑魚煮得軟腍，味道很好。⭐️拖羅蓉伴醬油漬玉子$98拖羅蓉配上醬油漬玉子，再灑上芝麻，入口非常清新，口感QQ軟軟的，再加上紫菜，魚味清爽加上濃香的雞蛋，很美味。

難得假期，帶大胃之母過海夜蒲上次佢飲咗人生第一次sake就愛上居酒屋，今次呢間對佢嚟講都有驚喜雖然牛肉好吸引，但鱈魚更吸引，西京燒法燒到外皮脆卜卜，肉質鮮嫩，唧啲檸檬汁落去，再點吓沙律醬，一級棒呢間串揚亦不俗，櫻花蝦餅真係蝦香撲鼻，同樣炸到脆身車海老係原條嘅大蝦，皮炸得好薄脆，但肉身又熟又嫩，蝦頭都炸到可以完全食落肚淋上特製嘅醬料，絕對係味覺嘅昇華冇諗過牛脷可以炸，亦可以咁厚，咬過勁嫩滑，如此口感，毋須杯中物已自醉燒蠔又係歎為驚人嘅傑作，火候控制好好唔會老，味道鮮味極致大阪燒份量好充實，兩個人食半個都見飽，麵粉同材料嘅比例恰到好處，所以唔會滯酒盜芝士開頭食會好鹹，但食吓配吓酒，嗰種鹹香、魚香同奶香，同味蕾化為一體一入嚟就見到好多酒樽，點都再嗌返杯呢杯sake睇樽身似西酒多啲，飲落都唔似傳統sake，有啲汽甜甜地，但帶有米香大胃之母就飲青檸梳打，酸酸地極開胃