牛摩 (荃灣千色匯I)

營業中

休息中

近日天氣轉涼，又挑起條筋想食火鍋🍲，今晚就同朋友嚟荃灣千色滙嘅牛摩食火鍋放題。點解會揀呢度，係因為佢牛肉放題選擇多（因應牛肉級數而劃分價錢），室內寬躺坐得舒服，仲可以一人一鍋👍 我哋揀左精選牛肩胛（$198/位），湯底係昆布鏗魚清湯和蟲草花雞白湯，1個健康1個養顏🤣 牛肩胛雖然不及和牛油脂多，但肉質幾靚，只需灼幾下，咬落一啲都唔鞋，滿口濃香牛味，勁正👍👍。咁嘅價錢除咗豬牛雞，仲有羊肉卷、牛舌、海鮮都係任叫任食，真心難得，其他食肆好少有。 除了這些用Qr -Code落單外，出面自取嘅種類都不少，例如有蔬菜🥬🌽、丸類🍢、麵🍜、甜品🍦🍰、沙律🥗、壽司🍣等等。就連冷熱飲品都有很多選擇，一下子有啲選擇困難😅 最後食埋牛摩飯加温泉蛋，今晚超滿足🫶

同朋友行街，夜晚第一時間都係諗到打邊爐。我哋揀咗$279一個人嘅套餐，可以任食srf美國和牛。湯底朋友 order咗一個蟲草花雞白湯，我就要壽喜燒，壽喜燒湯底另外配咗可食用嘅生雞蛋。另外都有唔少都係前菜，例如係泡菜，蘿蔔條，壽司，沙律。飲品都有10幾款嘅選擇。肉類，海鮮，特別嘅丸類，例如係牛丸，可以喺Online落單，都冇出現漏單情況。出邊任食區域，都有唔少選擇。有最鍾意食嘅 萵筍，芽菜，豆腐，仲有拉麵。最鍾意呢度可以食埋牛舌，入口嫩滑，唔會咬唔開。srf 美國和牛，重牛味，軟身，最鍾意食呢隻， encore左幾次。海鮮都好新鮮，唔會腥，海蝦爽口，有蝦膏😎。食完主食，一定要食返個雪糕。有原味嘅轉落雪糕，仲有唔少配料，例如係朱古力豆，可可脆片，可以加落去個雪糕度。買單都係$600左右，性價比高，啱晒食肉獸。

朋友生日，提出想打邊爐，見到牛摩七月做緊七折，於是一行四人就去打邊爐，套餐可以食到極級牛肩胛同埋特級牛肩胛，仲有其他五種高質靚肉，出面嘅自助配料款式唔多，於是我哋主力食牛肩胛為主，醬料選擇都多，比較鍾意佢哋嘅柚子醋，酸酸地幾開胃🙆🏻‍♀️❣️美國prime極級牛肩胛90分鐘放題 原價$278 折後$195 今次主力食極級牛肩胛同埋特級牛肩胛，花紋嚟講極級牛肩胛係比較靚，但味道分別唔大，兩者牛肉味唔算好重，肉質唔太鞋，而且你可以見到佢哋用機切之後都可以算係完整嘅一塊，但最有驚喜係牛舌，肉質爽口，但唔算好厚切嗰種🥸，出面配料較少，有一啲簡單嘅丸類、菇類及菜類，所以唔使驚唔夠飽，嘢飲有較為特別嘅沙冰，仲有汽水同埋熱飲，最後可以食埋乳酪雪糕，咁就飽飽啦🤪🏦是次消費總額 $924（人均消費 $231） 🍴另收原價加一服務費（星期六、日及公眾假期另加$10位）👅好味度：8（10分滿分）雖然牛肉牛味唔太濃，但係以咁嘅價錢食到咁嘅質素，已經好滿足，呢個優惠係七月先有七折，而且餐廳會分為全枱一鍋同一人一鍋，私心嘅我當然鍾意一人一鍋，因為可以揀自己鍾意嘅湯底，壽喜燒配搭牛肉真係絕配，而家諗起都想再食