牛摩 (荃灣千色匯I)

營業中

休息中

同朋友行街，夜晚第一時間都係諗到打邊爐。我哋揀咗$279一個人嘅套餐，可以任食srf美國和牛。湯底朋友 order咗一個蟲草花雞白湯，我就要壽喜燒，壽喜燒湯底另外配咗可食用嘅生雞蛋。另外都有唔少都係前菜，例如係泡菜，蘿蔔條，壽司，沙律。飲品都有10幾款嘅選擇。肉類，海鮮，特別嘅丸類，例如係牛丸，可以喺Online落單，都冇出現漏單情況。出邊任食區域，都有唔少選擇。有最鍾意食嘅 萵筍，芽菜，豆腐，仲有拉麵。最鍾意呢度可以食埋牛舌，入口嫩滑，唔會咬唔開。srf 美國和牛，重牛味，軟身，最鍾意食呢隻， encore左幾次。海鮮都好新鮮，唔會腥，海蝦爽口，有蝦膏😎。食完主食，一定要食返個雪糕。有原味嘅轉落雪糕，仲有唔少配料，例如係朱古力豆，可可脆片，可以加落去個雪糕度。買單都係$600左右，性價比高，啱晒食肉獸。