牛魔 (已結業)

星期四lunch同老公去尖沙咀牛魔食燒肉。燒肉定食包沙律、前菜、牛骨湯、御飯。我地加左$5要牛魔拌飯，好味好多架。牛魔燒肉盛合有A4和牛霜降、澳洲和牛西冷、澳洲和牛胸腹、澳洲和牛五花、和牛牛肩肉、厚切和牛舌，每款有兩片，個爐好夠熱，所以好快就熟，好快有得食，牛肉質素唔錯，唔韌。燒肉自選盛合 (七款盛)和牛牛肩肉、薄切和牛舌、澳洲和牛胸腹、全天然豚五花薄切、全天然豚五花厚切、黑毛豬頸肉、醬油鳥肶肉，鍾意食肉揀呢個就岩啦，片數多啲，雞豬牛都食到，一定可以滿足到。另外有生菜可以包住肉食，無甘膩。野飲叫左柑橘特飲同乳酸特飲，兩杯都有椰果。

「燒肉自選組合(七款盛)」 $248和牛牛肩肉3枚薄切和牛舌5枚澳洲和牛胸腹2枚全天然豚五花薄切4枚全天然豚五花厚切2枚黑毛豬頸肉4枚醬油鳥肶肉4枚和牛胸腹同牛肩肉肉味濃😋醬油鳥肶肉即係醬油雞肉，服務員十分細心，提醒我哋燒嘅時候要放喺爐邊位唔會咁快被燒焦，雞肉係醬油腌過嘅，夠入味但又唔會太濃而蓋過雞肉味只食到醬油味，呢個超讚💯，燒到外面少少焦香但𥚃面依然好嫩滑💯💯💯全天然豚五花肉質比較爽，尤其薄切，夠彈夠香😋「牛魔燒肉盛合」 $246A4 和牛霜降(2枚)澳洲和牛西冷(2枚)澳洲和牛胸腹(2枚)澳洲和牛五花(2枚)和牛牛肩肉(2枚)厚切和牛舌(2枚)A4和牛霜降有油香，夠滑，入口即溶💯和牛西冷肉味濃😋厚切牛舌夠爽又有口感👍🏻2個套餐嘅肉都似精挑細選過，仲大大件，份量亦多，超抵超飽🤪調味料有岩鹽、燒肉汁、蒜蓉，另外仲有韓式醬，都幾週到👍🏻定食附送御飯，沙律，前菜同牛骨湯加$26有野菜組合（原價$88）有粟米，翠肉瓜，日本南瓜同日本蕃薯。全部好新鮮，尤其粟米，南瓜同番薯都好甜，仲配埋牛油，有誠意，又抵又好食👍🏻👍🏻👍🏻加$5可轉牛魔拌飯😋😋另加$15可加特飲金桔梳打特飲鳳梨梳打特飲雖然係午

餐廳：牛魔地點：尖沙咀棉登徑菜式：日韓燒肉店餐牌：午餐餐牌有午市燒肉定食3款，另外都有麵，鍋，飯類，蘭王蛋配飯，同小食。牛魔燒肉盛合 $246 另加一牛魔燒肉盛合包6款牛各2片：A4和牛霜降：真係入口即化，食落油花滿溢，同其他肉果然唔同層次澳洲和牛西冷+澳洲和牛胸腹+澳洲和牛五花：3款澳洲和牛都嫩口，好易咬開。澳洲和牛胸腹脂肪較多。澳洲和牛五花都唔會太肥和牛牛肩肉：油花平均，好嫩又多汁，牛味濃，已經加上醬汁厚切和牛舌：果然超厚切，肉質彈牙啖啖肉牛魔燒肉盛合擺盆不俗，肉類下面伴有爽口菇件，仲有檸檬一件。除左厚切和牛舌，其他肉類都加有白芝麻粒。仲有黃色花瓣裝飾。燒肉自選組合 $248 另加一燒肉自選組合7款盛真係超豐富，包括以下：和牛牛肩肉3片：油花平均，好嫩又多汁，牛味濃，已經加上醬汁薄切和牛舌5片：好有嚼勁，味道好好，唔似其他燒肉店一味死鹹澳洲和牛胸腹2片：中間脂肪較多全天然豚五花薄切4片：好爽脆，唔算太油膩，用生菜包住再加麵豉醬食更滋味全天然豚五花厚切2片：啖啖肉黑毛豬頸肉4片：已經加左鹽花調味，好爽口，正！醬油鳥肶肉4片：因為加左醬油，服務員提示要放爐側邊燒，否則會燶。雞肉帶少少皮

▪️牛魔燒肉盛合 $246有唔同牛肉部位，和牛、牛舌等等，脂肪紋理唔錯。我地分別叫咗牛魔拌飯 ($5) 同乳酸特飲 ($15)，特飲入面仲有蒟蒻👍🏻 仲加個野菜拼盤 ($26) 食肉得嚟冇咁滯，燒蕃薯好味！▪️燒肉自選組合（七款盛）$248有牛、雞、豬唔同部位，仔細啲睇後面係菇黎，擺盤靚之餘仲可以燒埋嚟食👍🏻👍🏻👍🏻人均消費約$300，如果唔係加太多小食同飲品，$250左右可以有燒肉set 🥩📍牛魔 (尖沙咀)尖沙咀棉登徑8號地下5-6號舖

其實一直想試牛魔，但每次都好多人排隊，同太座去尖沙咀，經過棉登徑見到牛魔，碰啱中午剛剛開門，於是即刻入去食個晏先！間格寬敞，冇擠迫感，裝修得唔錯幾有格調，職員態度友善，又會細心介紹餐牌食物，抵讚！一人揀一款套餐，可以試多幾種唔同嘅肉類，先嚟幾個前菜有牛骨湯、沙律同埋中華海草，喺食肉之前先打打底平均吓！A餐燒肉自選定食（七款盛）有豚肉五花薄切和厚切，澳洲和牛嘅牛舌、胸腹、肩肉，黑毛豬頸肉同埋醬油雞髀肉，店員特登提醒雞髀肉要擺喺爐邊燒，因為較易燶！B餐牛魔燒肉盛合有澳洲和牛西冷、胸腹同五花，A4和牛霜降，厚切和牛舌、肩肉！原本嘅白飯我地改咗做“牛魔拌飯”，多咗紫菜碎食落多咗層次感！飲品叫咗柑桔特飲同菠蘿特飲，都幾開胃解渴！睇落以為樣樣得幾件，其實份量好足夠，而且肉汁豐溢又好味道，而且個爐火燒肉唔會太猛，總括嚟講性價比高，下次會繼續幫襯！

棉登徑有好多餐廳，呢間日式燒肉係心目中必食之一，地點、餐廳環境、食物質素都超班，無論早市定晚市，都一樣食得好滿足。今日點咗2款午餐燒肉定食，每個set 都包牛骨湯、前菜、沙律同白飯，定食價錢由百幾至二百幾，都算非常合理。澳洲和牛三盛定食 $ 168 三盛即包括有三種牛，分別係澳洲和牛西冷、澳洲和牛胸腹及澳洲和牛五花，呢個價錢食到3款和牛，確實好超值。牛魔燒肉盛合 $ 246如果想食好啲，就可以擇牛魔燒肉盛合，除咗有齊澳洲和牛三盛定食既三款澳洲和牛之外，仲有厚切和牛舌、A4和牛霜降同和牛肩肉，A4和牛霜降真係入口即溶，係必食之選!

牛魔燒肉盛合賣相：🐧🐧🐧🐧🐧味道：🐧🐧🐧🐧🐧盛合提供六款精選牛品，包括有A4 和牛霜降、澳洲和牛西冷、澳洲和牛胸腹、澳洲和牛五花、和牛牛肩肉以及厚切和牛舌。盛合呈上時擺盤精緻用心，每件牛品都厚身又大件，色澤紅潤鮮美，油花分佈均勻美觀。把牛品放上烤爐燒烤，立即散發出濃烈的牛肉香氣，非常誘人。多款牛品中，個人最喜愛厚切和牛舌，口感爽滑彈牙，嚼勁十足，帶有燒香後的焦脆感，非常惹味可口。燒肉自選組合（七款盛）賣相：🐧🐧🐧🐧🐧味道：🐧🐧🐧🐧🐧七款燒物有齊牛、豬、雞三款經典必備肉類，內含和牛牛肩肉、薄切和牛舌、澳洲和牛胸腹、全天然豚五花薄切及厚切、黑毛豬頸肉及醬油鳥肶肉，非常豐盛又抵食。燒物同樣經細緻安排擺位裝飾，非常賞心悅目。黑毛豬頸肉味道令人驚喜❤️ 經香燒的豬頸肉酥脆香口，肉味濃厚兼有淡淡的燻香，鹹鮮又甘美，滋味一流。🐧❣️午市套餐奉送白飯、沙律、麵豉湯和前菜。🐧❣️加錢可搭配特式飲料，酸香又開胃，正好中和燒肉的膩滯感，絕佳配搭之選。環境：🐧🐧🐧🐧🐧餐廳設計型格時尚，餐桌牆地以黑灰色作主調，再以特色日系風格飾品裝點，風味十足。餐廳一處牆身以巨型日本可愛少女壁畫作點綴，令人眼前一亮，值得打卡。🐧❣️餐

之前一直想試呢間「牛魔」，今日終於趁阿仔放假，專誠出尖沙咀試咗。餐廳位於棉登徑，位置方便易搵。店舖裝修精緻，空間寬敞舒適。《牛魔燒肉盛合》（$246）呢款定食包有共六款不同牛部位：A4和牛霜降、澳洲和牛西冷、澳洲和牛胸腹、澳洲和牛五花、和牛牛肩肉、厚切和牛舌。個人最欣賞厚切牛舌，肉質爽彈甘香，特別有口感。霜降和牛入口軟淋，油香豐富。而其他各款牛亦各有特色，絕不遜色。呢個定食完全滿足曬我呢個牛痴。《燒肉自選組合（七款盛）》（$248）七款盛包括有三款豚肉、三款牛和雞肉，可以滿足多心嘅你。最有驚喜係雞肉，肉超爽彈嫰滑，非常好味。燒肉定食均包有御飯、牛骨湯、沙律及前菜。客人另可追加各款小色及特色飲品。午市除供應有燒肉定食，亦有多款季節限定，亦有麵定食、鍋飯定食、蘭王蛋定食等等，緊有一款啱心水。

為了延續假期歡樂氣氛，決定聖誕過後繼續食好D，揀咗棉登徑呢間日式燒肉，結果真係一啲都冇令我失望，食得好開心滿足。餐廳設計時尚，地方濶落舒適，約埋一班朋友黎食都冇問題。今日點咗2款午餐燒肉定食，包牛骨湯、前菜、沙律同白飯，價錢唔貴，都係$1XX- 2XX。澳洲和牛三盛定食 $ 168 有三種牛，包括澳洲和牛西冷、澳洲和牛胸腹及澳洲和牛五花，呢個set 嘅牛已經高質，價錢好超值。牛魔燒肉盛合 $ 246想再食好啲可以擇呢款set，有厚切和牛舌+五種牛，包括A4和牛霜降、和牛肩肉、澳洲和牛西冷、澳洲和牛胸腹及澳洲和牛五花，A4和牛霜降入口即溶，油香滿滿 ; 和牛肩肉味濃有口感，誠意推介!

近來喜歡周圍試和牛，今日便來到尖沙咀棉登徑牛魔試一試，牛魔王不能錯過專誠試午餐，因為比較抵吃，點了兩個和牛套餐：每人一份前菜：雜菜沙律+湯+中華沙律🐮Set B 牛魔燒肉盛合$246🔸A4和牛霜降x2🔸澳洲和牛五花x2🔸澳洲和牛西冷x2🔸澳洲和牛胸腹x2🔸澳洲和牛牛肩x2🔸厚切和牛舌x2🐮Set C 澳洲和牛三盛$168🔸澳洲和牛五花x3🔸澳洲和牛西冷x3🔸澳洲和牛胸腹x3先把牛舌放在爐邊慢燒，然後再燒五花肉，令烤爐充滿油脂及油香；跟著燒霜降和牛，嫩口，入口充滿香滑油香及滑溜；和牛就算有時燒得過火也很稔身，質素不錯🍻Draft Suntory $55喜愛這個口味，微甜滑身🥃富士高砂梅酒$68最後覺得師傅幾有心，慢慢切除肉上多餘的肥膏

Bookmark左牛魔好耐，疫情日漸緩和終於一嚐好多review都話性價比高嘅lunch set！平日一點半嚟到餐廳只有兩三台客，所以坐得好寬闊舒服。我地order左和牛系列嘅Set B牛魔燒肉盛合$246同有牛有豬又有雞嘅Set A燒肉自選七款盛$248，每set都跟沙律、前菜同飯，準備放肆咁大食一餐。牛魔燒肉盛合有A4和牛霜降、澳洲和牛西冷、澳洲和牛胸腹、澳洲和牛五花、和牛牛肩肉、厚切和牛舌各2枚。每款牛都好新鮮，每邊燒一陣就食得，牛嘅油脂香一邊燒一邊撲上嚟，超幸福。各款牛肉都好嫩，而厚切和牛舌獨有嘅爽口彈牙口感真係冇得輸！是次有幸得到高手侍應生傳授燒厚切和牛舌心得，首先將牛舌放係爐中心有紋鐵板位置每邊燒兩至三分鐘，再放爐兩旁平滑位置燒，咁牛舌嘅筯就會融，用鉗按落去會變硬，然後變得有彈性及有口感，真係好正~燒肉自選七款盛有黑毛豬頸肉4枚、全天然豚五花厚切2枚、醬油鳥肶肉4枚、全天然豚五花薄切4枚、和牛牛肩肉3枚、澳洲和牛胸腹2枚及薄切和牛舌5枚。黑毛豬頸肉超有驚喜，油脂滿滿一邊燒一邊有吱吱聲，而且啱啱燒好非常爽脆，一d都唔比牛遜色。薄切和牛舌都好好味好有咬口，但當然厚切完勝~ 豬肉