牛霸小麵店 (已結業)

係安樂里呢條巷仔居然有三間餐廳，呢條後巷其實係軒尼詩道 W square 後面，即係Jolibee 隔離籃球場個後巷。今次試吓入面嗰間先。原來食台灣牛肉麵，開頭以為係酒吧😅一入去就見到好多霓虹光管，大大個蝙蝠俠係正中間，仲有高枱位牆上有好多美漫人物，仲有sofa位，不過食麵都係坐返卡位好D叫咗兩set 野麻辣乾拌牛肉手工麵 + 小食拼盤+荔枝玉露牛魔王湯麵+曖昧中的雞翼+胚芽香芋奶茶麻辣撈非常香，牛肉亦非常之淋，呢個麵比牛魔王更加值得試，留意番係手機落單應該揀紅燒牛肉麵轉麻辣乾拌麵、轉手工麵(我的secret menu)牛魔王有牛腩、牛腱、牛肚、貢丸、但係普通麵比較淋，建議都係食新竹米粉或者手工麵好啲，又唔會特別收錢個雞翼就一般啦，甜辣汁雞翼姐，反而想講吓拼盤入面，有花枝丸、炸雞粒、台灣香腸、木魚炸豆腐。個豆腐真係好好食，應該散叫一客豆腐。係灣仔咁難搵食嘅地方，仲有間幾好坐嘅餐廳唔易，認住呢個霓虹燈直入到尾就係呢間餐廳喇。夜晚好似有啤酒飲，下次同friend飲嘢都可以嚟呢度。

/牛霸小麵店🇭🇰/#sa灣仔篇 ➖➖➖<巷仔內嘅隱世台式小店🍜> ➖➖➖近住灣仔軒尼詩道球場嘅巷仔入面有間台式料理店 位置都幾隱蔽唔經過都唔會知有間店原來都係最近先翻新好 坐得幾舒適店舖裝潢會似西式漢堡店 有好多marvel 卡通價錢方面都幾實惠 午市晚市85折 外賣8折而且性價比幾高✨➖➖➖1️⃣牛三寶牛肉麵 $70 今次揀左紅燒湯底 如果另外再揀其他湯底就再加錢牛三寶有牛肚、牛腩、牛𦟌 特別鍾意牛𦟌 半筋半肉 炆得夠軟腍唔韌 牛味都幾濃 略嫌牛肚唔夠爽口湯底調味適中 算幾入味 麵條可能浸耐左少少如果硬翻少少更出色🙆🏻‍♀️ ➖➖➖2️⃣牛魔王 (+$3 轉番茄湯底) $78 🌟呢碗配料大致上同牛三寶差不多不過會多左貢丸 幾香菇味轉左番茄湯底 覺得幾濃 唔太咸食完都唔會好口渴 而且都幾掛湯 ➖➖➖3️⃣台式夜市小拼盆 $48 有台式香腸、鹽酥雞、花枝丸、炸豆腐幾鍾意食花枝丸同鹽酥雞～花枝丸會食到墨魚粒 而鹽酥雞都幾新鮮夠酥脆～ 炸豆腐皮較厚硬 唔算多豆腐會食到木魚味🤣有少少燶➖➖➖4️⃣五味/秘製小茄子 $35加左甜酸汁 仲帶微辣 有啲肉鬆碎幾惹味🙆🏻‍♀️➖➖➖5️⃣百香椰果冰茶 +$10

這次來到這間隱藏於灣仔鬧市小巷中的台灣麵店，麵店內裡裝修有一種很溫暖的感覺，有一幅牆是草牆，很特別！麵店除了有台灣麵可以選擇外，也有些台式便當，不過這次我們選了兩碗也是牛肉麵！紅燒牛肉麵，湯底跟在台灣吃到的牛肉麵湯底一樣，帶有少少辣，湯底濃郁！牛肉肉質較淋而且入味，還有些蔥粒和酸菜，令味道更惹味！牛魔王湯麵，這款湯麵包括了幾款牛的部分，牛筋、牛展、牛腩、牛肚，牛筋炆得夠淋夠入味，牛展和牛腩肉質鬆軟而且入味，牛肚爽口，麵底有點煙韌，幾有咬口！秘製小茄子，茄子上有肉鬆和蔥花，而他們的秘製醬汁甜甜的，味道特別又有口感！荔枝玉露、桂圓紅棗茶，荔枝玉露味道唔會好甜，好香荔枝味，而且入面還有些椰果，好有口感!而桂圓紅棗茶好有龍眼的味道，飲落較甜但感覺較滋潤。估唔到小巷內竟然有間台式麵店，而且食物質素都不錯，可以再來!