MOS Burger Express (德福廣場2期)

營業中

休息中

自從德福開咗呢個food court之後，我間中都會嚟幫襯吓，今日就順應阿仔嘅要求揀咗食MOS Burger。呢度嘅漢堡套餐相對地貴啲啲，但又好食多啲啲，所以我都鍾意嚟食。落單之後兩個餐話咁快就到手。特級和牛漢堡嘅牛肉漢堡真係零瀉juicy，而且我鍾意佢有原塊生菜，夾埋芝士蕃茄一齊食真係正！摩斯芝士漢堡除咗有蕃茄芝士做配菜之外仲有洋蔥粒，牛肉漢堡就唔使講一定係好食，阿仔食得好開心。厚切薯條嘅口感真係好好多，而且佢炸得比較乾身，每一條又夠挺身，所以覺得特別好食。北海道南瓜薯餅因為有南瓜，所以食落特別香甜，外面炸得夠脆，小朋友更加鍾意食。MOS Burger嘅粟米湯係我嘅至愛，熱辣辣嘅粟米湯再加上香、甜、滑嘅口感，令我好多年前已經愛上呢個湯，所以我每次都會將套餐嘅飲品轉成粟米湯。凍奶茶嘅奶同茶比例適中，而且我仲鍾意佢嘅少甜效果。原來呢間MOS Burger仲有早餐供應，希望有機會啱時間的話可以過嚟幫襯埋佢嘅早餐啦！特別值得一題嘅就係呢間MOS Burger為處於德福嘅美食廣場，現場仲有自動洗手機，喺呢個疫情期間嚟呢個環境好又衛生嘅food court，真係食得開心又放心。

於九龍灣淘大的首間Daiso Japan專門店到此一遊後，便來到德福廣場Foodeli foodcourt醫飽肚。美食廣場引進多間餐廳，選擇多元化，還有大家熟悉的日本連鎖漢堡包店MOS Burger Express。場內佔地廣闊，坐位之間不會排得太擠，空間感十足。餐牌和其他分店差不多，雖然是速食，但仍秉承點餐後即叫即做的宗旨。今次就點了兩個burger餐，價錢相宜。摩斯芝士漢堡 $28烘得暖暖的麵包夾著原塊厚切蕃茄，芝士片、自家製肉醬和漢堡扒，加上清甜爽口的洋蔥粒，可說是MOS Burger 經典中之經典。特級和牛漢堡 $31和牛漢堡扒比起摩斯漢堡更有厚度，肉質更加扎實飽滿，配合海量的爽脆生菜，層次感豐富。每次來MOS我都必點薯條，炸得金黃酥脆，肉心軟綿細密，加 $23就可轉餐有一份大厚切薯條連飲品。另一個餐就加$22有北海道南瓜薯餅，炸漿不會過厚，內裡的南瓜餡料入口軟綿，充滿粉糯甜香。飲品則選了粟米湯和凍奶茶。

今日嚟到德福廣場MOS BURGER  EXPRESS 吃了一個快閃下午茶。特級和牛漢堡$31和牛都算厚身，對比其他burger 連鎖店，雖然黑椒味道比較重，也能帶出牛味嘅甜，肉質唔算「鞋口」；另外，因為生菜、蕃茄份量都不算少，平衡返黑椒味道，所以吃落感覺好Fresh 。烤牛肉珍珠堡$27，洋蔥炒牛肉本身就係絕配，加上未試過 rice burger，而我又喜歡吃牛，所以就點了這個！牛肉醃得不錯，洋蔥生熟程度剛剛好，不會有太生嘅辣也不會有太熟嘅林啤啤；配上牛肉非常香甜，份量也算多 !  珍珠堡的飯本來應該有咬口，只可惜當盛上洋蔥及牛肉時，連帶勺了很多油放在珍珠堡中，導致珍珠堡飯都非常油膩。結果只吃哂洋蔥及烤牛肉，至於飯，吃了一口便放棄了。