康瑞涼茶 (已搬遷) 新店位置

這間小小的涼茶店 卻因台灣雙圓而打響名堂!!之前已經光顧數次 老闆很親切 這就是小店的人情味~特色仙草百配<芋圓 地瓜圓 仙草 薏米 紅豆 珍珠 西米>用量很足 口感豐富 吃完一碗會滿足 感覺很補和健康呀=P 芋圓 地瓜圓很煙煙韌韌淡淡的香芋味地瓜味* 由於是外賣的關係 花奶是分開的加入花奶才是完美配搭!在香港很難找到親手搓雙圓的小店!所以十分欣賞和支持阿=D

每間餐廳，在每人心中，都有著點滴的回憶。有時，我們再次光顧，不一定純粹為了美食而來，而是那年那日，那些深刻的情節，令我們對那餐廳留下印象。重返舊地，總可重拾回憶，那些畫面就像突然重現眼前一樣，扣人心弦，令人會心微笑。是那次難得的中同火鍋聚，大家為了爭吃，而二十多對筷子往鍋裡搶的可笑一幕嗎？抑或是有次下雨，就便隨便找間咖啡店，聽着雨水徐徐落下，享受一個人的清靜？是那次有人嚷著肚餓，狼吞虎嚥地吃著的滑稽畫面？每間餐廳，每位客人，都有著不同的故事，教人回味。男友與我都饞嘴得很，每次拍拖，我倆都會輪流作好準備，到各區尋找美食清單。我倆愈吃愈嘴刁，找到了世界級的，就只會光顧那間，絕對是忠心的客人！年糕？只吃塔門石磨的！茶果？大澳吧！燉蛋？非九龍城莫屬了！蠔鼓？ 去流浮山買啦！為了吃好西，你可以去到幾盡——的精神，完全在我倆身上彰顯！「喂！ 今次輪到你搵餐廳喇！」「我係咪好勁呢！搵到間咁好味又抵食嘅餐廳！」這些對白對我倆來說毫不陌生。XD記得第一次帶他來康瑞涼茶，是因為那次是由我負責覓食!在開飯看到這間糖水店的專訪，知道店舖日間是中醫鋪，只有立食，晚間就搖身一變，變成糖水店，非常特別，就特意帶他來

呢晚晌康瑞涼茶食糖水，出面好多人等，晌炎熱嘅晚上企咗成半個鐘先入得。一坐低即叫嘢食。凍特色仙草百配，入面有地瓜圓、芋圓、小丸子、仙草、西米、薏米、紅豆、台式珍珠、淡奶同糖水，係豆類同糯米糰嘅配搭。地瓜圓同芋圓都係佢哋用人手自家製，地瓜圓煙韌微甜，芋圓嘅芋頭味突出。仙草係台灣說法，即係我哋成日食嘅涼粉，因為佢表面非常滑溜，體積切得較大嘅就比較難用匙羹舀起。西米、薏米同紅豆煮得腍軟得來有嚼勁，加咗淡奶同糖水，甜度適中。食完有涼浸浸嘅感覺，雖然地瓜圓同芋圓唔錯，可惜入座安排有啲混亂，同埋佢哋係即叫即煮，所以出得好緩慢。住晌附近或唔介意晌街上面食嘅話建議外賣，堂食要等咁耐就有啲唔值。

大熱天時，在街上多走一步都會大汗淋漓。 但朋友堅持要到深水埗這間出名的中醫糖水店食糖水。 想不到在夜晚九時多，門外已坐滿及站滿了食客，我們也等了一會兒才有位坐。 朋友大力推介這裏的招牌糖水，特色仙草百配($25)。台色糖水，大大碗，有齊仙草，必試的芋圓，地瓜圓，薏米，紅豆等，十分足料。 重點是老闆會加上大量的奶，食落又香又滑。這個價錢但有這個質素，絕對稱得上價廉物美！

友人最近向我推薦康瑞涼茶的芋圓很有台灣風味叫我如果想去台灣旅行不如黎呢到望梅止住渴先😅所以今次我就黎試下係咪真係咁有台式風味先🤔看店舖外觀只是一間平平無奇的小食店隔壁有間中醫診所但原來兩間是打通的😯有不少食客會坐在中醫館吃一碗碗糖水因為最近天氣燥熱所以我和友人點了一杯清肝茶和兩碗招牌特色仙草百配它們店的糖水是即叫即整的所以我們邊等糖水邊等位等了15mins左右就有位坐啦☺️可能是因為剛開舖不是太多人🙈我們坐下來之後外面就越來越多人差不多有二十多個人在外等位或外賣呢😮涼茶功效不是一喝便有所以很難評論但$9就有一杯咁大杯的涼茶☕️真的物超所值👍🏻特色仙草百配材料十分豐富有仙草、芋圓、地瓜圓、紅豆、薏米等多種配料紫色的芋圓和黃色的地瓜圓一碗就有數十粒😳😳😳用料份量十足☺️而且咬下去煙韌彈牙😬喜歡吃小丸子的人必試啊😌雖然配料很多 老闆娘還為我們加了一點兒花奶但吃下去倒是很清新🍃烏黑黑滑溜溜的仙草帶一點甘甜😗😗😗有點兒像吃龜🐢苓膏的感覺但又不是那種甘苦味所有配料混在一起吃真的很有在台北九份吃芋圓的感覺😍

朋友話呢間涼茶店的芋圓同台灣食的一樣, 很新鮮, 引到我口水直流, 放工第一時間開車去食返碗去到只係7:30左右, 但已經有人幾個人等緊, 隔離中醫店已經變身成為小店的一部份, 坐得滿滿的.  由於重有嘢要做, 只好叫一碗特色仙草百配外賣返公司食完再出去.  由於人真係太多, 足足等左10分鐘先有.  見店內兩個年紀較大的女仕一直係到整芋圓, 呢到D芋圓應該幾好賣呢!返到公司急不及待即開嚟食^^ 好多煙煙韌韌既芋圓同地瓜圓呢! 除左芋圓同地瓜圓外, 重有仙草, 西米, 珍珠同紅豆, 口感十分豐富, 真係真係好好食! 味道亦不會太甜, 感覺比較健康!  大大碗只需$25, 真係好抵食!最可惜係佢只配奶精, 而不是鮮奶, 如果配鮮奶味道應該會更香更滑, 下次如果再嚟食會自己帶盒鮮奶去, 唔好浪費左碗咁美味的甜品。

今晚同甜心去行深水埗行街，係網上有專輯介紹過康瑞涼茶，係一間中醫鋪頭，搭賣台灣芋圓糖水，佢有唔同嘅糖水底，我今日試左招牌"特色仙草百配"佢唔係好甜，而且芋圓嘅份量仲好多，唔同其他賣芋圓嘅甜品鋪，2x蚊得幾粒，價錢實惠佢係涼粉底配薏米，小丸子，3色芋圓，珍珠，西米露，紅豆，值得再試!!另外一個係椰汁西米(小丸子，地瓜圓,芋圓)，份量就無招牌嘅百配咁多，但都不錯丫題外話，老闆都幾好人，夜晚食係會多啲人，要等等，而且地方唔算大，去之前要有心理準備丫

特色仙草百配($20)估唔到會係呢度遇到芋圓，好難先會搵到芋圓食呢碗仙草除左有芋圓同地瓜圓仲有西米、薏米、紅豆、黑珍珠⋯芋圓幾煙韌，仙草唔會太甜，食番碗好滿足，老闆娘仲好好人，好Nice，咁既價位，唔錯啦！呢間涼茶鋪其實係連住一間中醫館，如果咁岩中醫果邊無咩人就可以開張枱係度食，無就要外賣拎走啦