一風堂 (德福廣場) (已結業)

愉快地等待著美女出現，每次都早點到達，先等位先打點一切，心滿意足。被安排到最入的臉壁位，心情好無所謂。最想食豚骨湯菠菜，不幸地賣晒，真係非常人氣好受歡迎喎。唯有轉食一風堂爆烈豆腐，無湯字既？唔係湯嗎？睇完 menu 悶悶地，八掛下檯面調味料。嘩，居然有芽菜任食，最衰我唔食芽菜架呢。仲有醃海藻、原粒生蒜、即磨芝麻、七味辣粉、胡椒粉、豉油，好多款喎。美女還未到，嘆杯冰凍啤酒順順氣。竟然買 1 送 1 咁爽？Asahi 加冰杯夠晒凍，正呀﹗炸紫菜墨魚鬚，油淋淋反晒光，炸漿鬆散，好采裡面墨魚鮮甜嚥韌，紫菜味就食唔到喇，一試無妨。南蠻雞，賣相未算吸引，新鮮出爐熱騰騰，大大舊外脆而內裡肉嫩肥美多汁，醃味可口，其貌不揚十分意外。黑松露汁一風堂餃子，大量蔥大量薑，但我唔食架。另上的黑松露汁嚐不到半點黑松露味，算吧。餡料塞得滿滿，脹卜卜靚靚仔仔，底脆面黏黏的餃皮，包著大量甜美豬肉，不乏肉汁，罕有好食的餃子。一風堂爆裂豆腐，砂鍋熱騰騰噴住煙送上，百福滑豆腐來的喎，超嫩滑散發豆香，香辣無比滑嘟嘟好好味。有類似媽咪麵點綴，咁得意既？連湯連豆腐掃入口，好食到不得了，清得一乾二淨一滴不漏。如果撈飯食，必定兩三碗走

之前睇完套日本動畫 愛吃拉麵的小泉同學 之後就成日心思思去食拉麵,lee間一風堂食左兩次.今日中午早放,就又去過下癮.除左第一次食白丸,之後基本都係食赤丸.每次都同自己講,今次要試限定,但最終order嘅時候都不由自主點赤丸.冇辦法,忍唔到.動畫都有介紹一風堂,然後先知道原來杯茶都有名堂.以前一直忽略嘅配菜,原來味道非常好.我lee種唔like芽菜嘅人,食面之前都食左成碟.據講可以吸收脂肪,所以更加要食啦.湯底非常好,我雖然中意濃味但好似黑龍咁濃我又有D頂唔順.赤丸就fit曬.先飲用原味嘅湯,之後在將紅色嘅打碎.正!叉燒味道肥瘦適中,其實紫菜我一直唔知道幾時食先正確,我一般一開始就食.謝謝下又想食啦.下次再去其他拉麵店慢慢品嘗先.

今天本來打算和老婆仔去野餐花了一個早上製作食物但竟然下起大雨所以只能進行室內活動在九龍灣商場的一個角落坐著吃我製作的食物幸好老婆仔接受我的食物不枉花了這麼多時間準備之後再商場逛街, 在書店看書晚一點再吃晚餐不過由於我製的食物都是甜的老婆仔說想吃鹹的食物最後決定來這裡吃拉麵我們叫了碗88元的特製赤丸新味另外再加個35元的名古屋風雞翼赤丸其實應該指中間紅色的醬料小小的一堆醬料卻是整碗麵的精髓起碼這碗麵也以此命名這醬料帶點辣伴著麵條來吃是非常合適的配搭能令麵條味道增添不少裡面也有很多其他配料如蛋, 紫菜當然還有重要的豚肉肥瘦度剛剛好唯一不足的是整碗麵份量實在太少了對不起這個價錢這個平均17元一隻的雞翼當然是相當美味表面的調味料已是十分吸引令雞翼的香味更突出而且雞翼煎得剛剛好有點鬆脆所以我都吃得一點肉也不剩雖然食物價錢有點貴但我們兩個人分享著吃一碗麵也可分擔價錢更重要的是食物水準這招牌的日式拉麵幸好還能保存應有水準