影片
更多
2020-09-24
559 瀏覽
之前經過幾次都見到蘇媽好多人等，所以就成日都冇去排隊食。見佢宜家成為開飯熱店，個個都話佢好食，而疫情又好番少少，就去排隊試下啦。最後等左15分鐘左右就入左去了。.首先黎到既係咖央多士，多士烘到脆卜卜，再搽埋好香椰香味既咖央，而且咖央仲要好滑，入口就化開，我真係好鐘意。而且佢既咖央真係俾得好足，就算我同朋友將多士分開兩邊食，都仲有厚厚既咖央係上面，呢個真係好值得推介！.之後就到沙嗲串燒，朋友唔食得牛所以我地嗌左3串雞串。首先見到既就係啲沙嗲多到差啲見唔到啲肉啊！之後，因為條竹籤到燒到太脆我地一攞起就斷開一截截了，所以大家食嗰陣都要注意啊！而沙嗲就有好香香茅味，亦食到好多花生粒，沙嗲味道偏甜。但我個人覺得個雞肉有啲過熟，好似唔係好夠滑咁。.我地三個人一人嗌左一碗主食，朋友嗌左怡保雞絲湯粉，而我就嗌左特製辣椒板麵。一上枱就見到啲主食都真係幾大份，而且啲餸都好多，多到我唔係每一樣餸都識，應該有啲係馬拉嗰邊既材料黎。然後我將個板麵撈埋一齊黎食，當中會食到唔同材料既口感，個板麵好夠味，但我個人就覺得唔夠辣，所以我最後係加左辣。.然後就介紹下杯美祿恐龍。佢係一杯凍美祿再加上未溶既美祿粉，個人就覺得雖
.
首先黎到既係咖央多士，多士烘到脆卜卜，再搽埋好香椰香味既咖央，而且咖央仲要好滑，入口就化開，我真係好鐘意。而且佢既咖央真係俾得好足，就算我同朋友將多士分開兩邊食，都仲有厚厚既咖央係上面，呢個真係好值得推介！
椰香咖央多士
$28
15 瀏覽
1 讚好
0 留言
.
之後就到沙嗲串燒，朋友唔食得牛所以我地嗌左3串雞串。首先見到既就係啲沙嗲多到差啲見唔到啲肉啊！之後，因為條竹籤到燒到太脆我地一攞起就斷開一截截了，所以大家食嗰陣都要注意啊！而沙嗲就有好香香茅味，亦食到好多花生粒，沙嗲味道偏甜。但我個人覺得個雞肉有啲過熟，好似唔係好夠滑咁。
馬拉沙嗲串燒3串(雞)
$45
3 瀏覽
0 讚好
0 留言
.我地三個人一人嗌左一碗主食，朋友嗌左怡保雞絲湯粉，而我就嗌左特製辣椒板麵。一上枱就見到啲主食都真係幾大份，而且啲餸都好多，多到我唔係每一樣餸都識，應該有啲係馬拉嗰邊既材料黎。然後我將個板麵撈埋一齊黎食，當中會食到唔同材料既口感，個板麵好夠味，但我個人就覺得唔夠辣，所以我最後係加左辣。
特製辣椒板麵
$58
64 瀏覽
0 讚好
0 留言
然後就介紹下杯美祿恐龍。佢係一杯凍美祿再加上未溶既美祿粉，個人就覺得雖然朱古力味都幾重，但始終都冇乜特別。
美祿恐龍
$33
25 瀏覽
0 讚好
0 留言
最後再讚下佢地既服務態度好好，好有禮貌，又會教我地點樣食，睇得出佢地好用心服務同盡力滿足食客。食左咁多野最後埋單都係每人100蚊都，都真係幾值得再番去食！下次再去想試下佢個炸豆卜同咖哩！
張貼
