新華茶餐廳

營業中

休息中

長沙灣深水埗青山道老舖一蘿蘿，舊香港風味情懷滿載，好多都係家族經營一代傳一代，好似新華咁。要懷舊就去到盡，睇吓餐牌封面個餐廳電話號碼就知，後生啲嘅都唔知係乜東東。有二樓，疫情下一入去太子女就幫你探熱之外，坐低後有人會幫你噴消毒液清潔枱面，10分細心周到。有咩食你自己慢慢睇啦，其實都係嗰啲，要快我叫個特餐就算。絕對係好食唔好睇，每樣野質素都高。奶茶係港式茶記靈魂，呢杯不負所托，細滑回甘，絲絲入扣。沙嗲牛肉麵個面煮得啱啱好，麵爽彈又夠香。牛肉亦鮮嫩有肉味，可惜偏鹹唔係太啱自己口味。多士用嘅麵包亦高質素，新鮮有麵香而且質感軟熟稠密。每次去茶記都令你諗起全世界最難食嘅係嘉頓麵包。奄列個樣好平淡，用料亦係，但係煮得夠香滑，雖然覺得油膩咗少少。食得幾開心於是試埋佢哋出名嘅蛋撻，結果中伏。個酥皮入口即溶令你覺得唔係食緊酥皮，咁樣好唔好就見仁見智。蛋漿略嫌太稀蛋味亦都唔夠濃，整體感覺係水汪汪得個甜字。如果就係咁嘅質素我以後都唔會再食。呢餐勝在夠氣氛，食物質素亦可以接受，除個好好賣嘅蛋撻之外整體來講相當唔錯。

人越大 就好鍾意去呢啲買少見少既懷舊茶餐廳這一間老字號 傳統的外觀 招牌 餐牌 食物舊舊的格局 環境 卡位 餐桌都記錄住歲月痕跡🍜🍳🍞特餐🍜沙嗲牛肉麵 公仔麵煮得偏硬一點 唔會好易浸冧 🐮沙嗲牛肉入味 鬆軟唔韌 🍳火腿奄列 唔會過熟 帶點蛋汁 火腿絲好幼 係稍微油左小小 🍞牛油餐包軟熟微暖🥧酥皮蛋撻新鮮出爐 熱辣辣蛋好滑嫰 好酥脆 食落唔會好油⚠雖然食物唔算好特別好岀色 但係越平凡越滋味 尤其是係咁懷舊既環境 特別有風味 有另一種味道

很喜歡到舊式的茶餐廳，這日跟寶寶來到舊居附近的新華茶餐廳。茶餐廳外面總是有不同的傳統蛋糕，每次看到都覺得像回到童年一樣。看那個芭比蛋糕，總是好奇到底有沒有人會把她買走呢！基本上每次來到都是點同一樣食品，餐牌也不用多看。寶寶選擇的依然是那個芙蓉蛋飯。將加入了香腸、火腿和叉燒的煎蛋，放在淋了甜豉油的一大碟白飯上，便成了芙蓉蛋飯。其實我每次也覺得芙蓉蛋飯上面的那塊煎蛋都總是煎得十分乾，很難明白為什麼寶寶每次都總愛點這個。應該是一種芙蓉蛋飯情意結吧！而我每次都點特餐。雪菜肉絲米粉，煎雙蛋，再加上$2轉牛油多士。那塊塗滿了咸牛油的多士總是讓人百吃不厭。配上牛奶公司的樽裝牛奶。一杯茶味和奶味俱備的香滑奶茶。不知道多少年後這家舊式充滿人情味的茶餐廳是否還在，但現在能跟寶寶吃過簡單平實的晚餐，就覺得內心都充滿了幸福。

老字號的舊式茶餐廳，出名的特餐有沙爹牛麵、多士、奄列加杯熱鴛鴦。沙爹牛又香又濃，多士夾住大大塊牛油， 杯熱鴛鴦更加無得輸，特餐真係好足料，完全係物超所值。另外伙計哥哥非常好態度，真係不得不讚。去開長沙灣又鍾意嘆下茶記的，絕對唔可以錯過呢！

記得來過幾次新華, 緣份總是差一點。上次更是遇上「冷氣系統維修」如此偏門的關店理由... 吃過嵩記及豆花妹, 其實已經夠飽。不過忽然想起新華... 興之所至, 二人就慢慢踱步前往。一路上天南地北聊個不停, 倒也不覺得遠。到達店子門口第一件事就是看看餅櫃。毫不意外地, 蛋撻和雞批已經是一早售罄。雖說是已經有此覺悟, 但心里依然是有一點的失落。受到身邊人的影響, 漸漸去茶餐廳的時候會先把目光放在常餐之上。一份常餐總是應該有麵包, 有蛋, 有麵, 和飲品。新華的特餐也不例外。麵包沒有烘, 但夾起火腿奄列吃起來感覺還好。意外之喜是沙嗲牛肉麵, 沙嗲醬又香又濃! 雖然牛肉質地略為遜色, 整體水準上好。螢光色的汁! 看賣相真的很不討喜。豬扒薄薄的一片, 杰杰的醬汁撈起有點發漲的意粉, 帶點微酸的口感... 吃起來絕不是很好的享受。下次再來, 應該還是乖乖吃個特餐, 加個雞批, 加個蛋撻, 就好了。即是說, 下次要找個下午來吃才好!