餃掂手工餃子雲吞專門店

大家好今日去左銅鑼灣餃掂手工餃子專門店呢間鋪頭既餃子都係手工製做而且用新鮮食材製做首先食一客麻辣松花皮蛋做頭盤流心皮蛋黃加麻辣好惹味跟住叫左兩款餃子第一款係龍鳳松茸雙煎餃其實就分別係黑松露和白松露醬做既餃子煎餃子煎得好香脆加左松露醬既餃子增添左餃子既香味跟住就係至尊松茸豬肉灼餃 配狀元九鼎湯這隻係灼餃仲有另上既湯餃子裏面松茸既份量都唔少另外湯清完全無渣唔會太咸可以用來伴餃子一齊食仲有一碟XO醬和黑松露醬跟埋可以點餃子食飲品方面叫左山楂雪梨水和蜂蜜檸檬薏米水山楂雪梨水感覺比較消濟蜂蜜檸檬薏米水比較滋潤總括呢一間既餃子好味得來都好有特色

有日朋友話想食餃子，佢就提議嚟食呢間係全港有多間分店，賣特色餃子既專門店，我地叫左：🥟湯餃子 - 壽喜燒牛肉餃(10隻，$72)每一隻都食到濃濃大蔥味，雖然係牛肉餡但都幾易咬，唔會痴牙。餃子皮偏薄，亦無食到麵粉味，都尚算唔錯🥟雙拼煎餃子 - 韮菜豬肉餃拼芫荽豬肉餅(10隻)呢個係朋友叫既，同佢交換左一隻韮菜煎餃，餃子皮煎得幾脆，入面好多韮菜，唔太食到豬肉，味道中規中矩🥣狀元九鼎湯(隨湯餃子附送，單點$20碗)其實就係粉葛鯪魚湯既味道，飲落順喉亦幾有鮮味，而且隔好曬湯渣，啖啖湯無任何碎骨，係好飲既👍🏻整體嚟講3款餃子都係偏扁同細粒，唔係好漲卜卜，就算食曬10隻個肚都仲係好空虛，完全無飽肚感。餃子既調味料亦都麻麻，醋唔酸，菜脯辣椒醬同四川辣椒醬亦都完全唔香又唔辣。成餐只得個湯可叫做幾出色，作為主打既餃子既CP值偏低，雖然對佢個芝士餃幾有興趣，但再嚟既可能性就唔高了

據說是深受街坊歡迎的小店它們會把盈利百分之三十用作支持本地慈善機構店內有多款不同特色的餃子所有餃子都每日即包即製，保證新鮮製作現場也看到店員正在包製蔥味酸辣雲耳口感爽脆之餘又非常醒胃狀元九鼎湯美國蛇果(蘋果)、生魚、無花果、准山、豬尾骨不加味精，味道鮮甜有助溫腎益氣，滋潤腸道，養顏，提高免疫力韮菜豬肉湯餃大小適中，餡料相當飽滿韮菜份量恰到好處，不會搶去豬肉的鮮味，味道天然外賣有醋及自家製的菜脯豆豉醬自家製山楂雪梨水山楂片、雪梨、甘草、冰糖、麥芽雪梨的甘甜清脆正好彌補山楂的酸清熱解渴，開胃又消食

天氣轉涼左，多左人患病，我就系不幸嘅一份子，系咁搵街上面有咩食店啱病人都可以食嘅嘢，就留意到呢間餃子店，以松茸為名，一於試下佢👉🏻狀元九鼎湯x2🥣寫住嘅材料有好多種，最主要佢已包含左我最中意嘅粉葛、赤小豆、鯪魚煲湯就已經冇得輸，一個家常得尼，有去濕溫腎益氣功用，啱晒我呢位病人飲用👉🏻龍鳳松茸雙灼餃🥟以我所知松茸有分黑松茸白松茸，佢指龍鳳相信就系黑白松茸兩溝嘅灼餃，兩者都好香，其中一款松茸味更香濃，其實試真d松茸同黑松露有些少相似👉🏻香煎軟心芝士餃🥟一開始以為系白芝士，後來一試就知系漢堡專用嘅個款芝士，芝士味香濃仲夾雜左粒粒粟米，搞到一啖接一啖👉🏻上湯松茸時蔬個菜心軟硬啱啱好，清淡嘅上湯浸嘅菜更清甜✍🏻有時候晚餐都唔一定要食粉麵飯，食餃子一樣都可以夠飽足，呢次一定要大讚佢樽醃菜，特別醃蘿白系最好味，就咁食餃子仲要有松茸/芝士做餡好易令人食膩，適時夾一口醃蘿白可以清空膩同飽滯嘅感覺，呢餐大滿足🙏🏼🙋🏻‍♀️俾多啲機會唔同食店，只要樂意比機會，通常進步空間可以好大，時日有加會愈做愈好，香港人太健忘急速，對一般評價或要等既食店都唔會返轉頭，相信大家可抱著支持本地食店想法，成長對每間餐廳都十分重要

要喺銅鑼灣依個乜都貴過人嘅地點，想食餐有質素但又唔太貴嘅晚餐，難道真係冇可能？？非也非也，之前食嗰一間好味又唔貴，主打手工餃子，叫做〈餃掂〉嘅專門店終於喺銅鑼灣有分店！！雖然價錢唔貴，但店內嘅裝修同衛生絕對唔馬虎。除咗有各式各樣嘅餃子之外，仲有醃蘿蔔喺枱面畀大家開胃開胃，本小兔見到嘅時候對眼真係即刻發曬光。〈龍鳳松茸雙灼餃跟狀元九鼎湯〉乜都唔使講，當然第一時間要叫佢哋嘅生招牌！！黑松露同白松露灼餃套餐仲有埋佢哋獨步自家秘制嘅狀元九鼎湯，絕對必食！！〈狀元九鼎湯〉熱辣辣先呷一口絕無味精嘅〈狀元九鼎湯〉，由鯪魚同鰂魚加上粉葛同赤小豆所熬製而成，入口即刻有濃烈嘅葛香同魚嘅鮮甜味，有溫腎益氣同滋潤養顏嘅功效，飲完都即刻覺得自己靚咗。黑白松露嘅餃子皮薄餡靚，帶有勁濃郁嘅松露香味，松露控必食之選。〈大白菜豬肉煎餃（中）〉煎餃同樣出色，餡料漲卜卜又夠美味，外皮煎得乾身脆口不油膩，正！！〈元貝豬肉煎餃〉元貝餡料的煎餃更多帶一分海鮮的鹹鮮味，食到舐舐脷。〈重慶鮮肉雲呑（中）〉帶點麻麻辣辣的，好惹味！！餡料仲加埋有木耳絲，口感層次豐富，好食好食。〈四川涼麵〉〈獅子老公〉淨係食餃子唔夠飽，所以叫左個清爽Q

「餃掂」現時在香港已經有4間分店，在太子有兩間分店，在灣仔、銅鑼灣各有一間，灣仔那間我已光顧過很多次，自己在灣仔上班，有時下班後便自己一個去吃吃美味的餃子。銅鑼灣的分店開了沒多久，也引來了不少人光顧，朋友說也想試試，於是便去了銅鑼灣分店。以餃子店來說，裡面的環境也算是整潔寬敞了。有名的有龍鳳松茸雙煎餃/ 雙灼餃，龍鳳即是黑松露和白松露，芝士餃也很正呀。另外還有看來很高級的松茸豬肉餃，除了這些餃子，還有其他款式的。除了有名的餃子外，其實這裡還有一個「狀元九鼎湯」。裡面有不少材料，有粉葛、鯪魚、紅蘿蔔、扁豆、赤小豆等等，十分足料！有如我們在家裡喝的老火湯，喝進口真的毫無味精的感覺。朋友怕吃餃子吃不飽，於是點了個上海淨麵，想不到質素還不錯，沒有什麼油份，十分清，麵條也做到很幼呢，令客人不會感覺太難咬。龍鳳松茸雙灼餃是這裡有名的菜式，龍鳳即是黑松露和白松露，裡面黑松露的味道很是明顯，令人不得不愛上了！只是白松露的味道就有點兒欠缺，豬肉結實得來又不會很硬，整體來說也很好吃。這個軟心芝士餃我之前也在灣仔分店吃過，芝心餃顧名思義是芝士餡的餃子，外皮被炸至脆卜卜的，雖然有點熱氣，吃的時候感覺還真的很正

如果唔知食咩既時候，通常我腦海第一樣浮現既都係餃子！所以我經常周圍搵有咩好食既餃子，今次就比我發現到係銅鑼灣既「餃掂」身為餃子控既我緊係要黎食啦～呢到既設計同擺設都幾得意～呢間「餃掂」主打健康食材：松茸，咁我地緊係要試下啦，仲有呢個狀元九鼎湯，用鯪魚、粉葛、鰂魚等等材料煲成，一定要試下！咁我地一行4人就叫左好多野黎食🤣至尊松茸豬肉餃（灼）中碗8隻 $72。一咬開好香松茸味就知好足料，仲配左松露醬可以點～松茸好處多多，出街食都要健康d!狀元九鼎湯，朋友話唔飲鯪魚湯，佢都覺得好正，無魚既腥味但就有哂果種鮮味！一睇碗湯既色水就知超足料啦，餐廳一早已經隔哂湯渣，所以直接成碗飲都無問題🤣粟米豬肉餃（湯）中碗7隻$42。餃子浸在狀元九鼎湯內，個湯幾好飲唔洗再多講，每粒餃子在粟米同豬肉比例好岩，所以每啖咬落都有粟米既清甜，其實唔洗點任何汁都已經好好味！四川涼麵（小辣）$30 有花生、蔥花，麵底下亦加了一些類似香油的東西再拌上芝麻醬，實在岩哂呢個天氣食！好清爽上海淨麵$20 麵底好彈牙，煮得剛剛好，湯底亦剛好不太咸麻辣松花皮蛋$25 個麻辣汁偏淡，可以再麻d～回味手拍青瓜$25 拍青瓜見到都幾乎會叫，

想食餃子好耐啦，今次約咗朋友睇演唱會前食呢間見到有唔同地方都有分店既餃子店。星期中三點左右嚟到，入面都幾乎坐滿晒，等咗一陣先有四人位，而店入面既裝飾都幾特別，有好多唔同關於餃子既畫。坐得咗店員同我地講有可以任食既醃蘿蔔可以食，用嚟開胃，不過我自己就唔太鐘意蘿蔔所以無食到。我地揀咗三種唔同既餃子試下，首先叫咗個灼既至尊松茸豬肉餃($72)，有配個狀元九鼎湯。個松茸味好香，皮幾厚，料幾多，好食！而個湯都好足料好湯，非常好飲！跟住再叫咗個粟米豬肉湯餃($42)，平時我唔太鐘意食粟米，但係呢個入面有啲粟米粒夾埋豬肉都好好味，而且仲有埋咁大碗湯，真係好抵食。最後一個係雲耳椰菜豬肉煎餃($46)，我地叫咗既三個餃都係有豬肉，但真係食到好明顯三個餃子味道既差別，而且都係好香濃，呢個都唔例外。除咗餃子之外，我地都有叫咗一啲小食。叫咗個四川涼麵($30)，點咗小辣，辣味真係唔太重，但加咗芝麻醬好香，麵都好爽口好好食。驚唔夠飽，再叫咗個上海淨麵($20)，呢個麵都好好食，個湯底都好香濃。再叫咗個麻辣松花皮蛋($25)，雖然份量唔係好多，但每件都好大隻，個皮蛋味好濃，好好食。再叫咗一個回味手拍青瓜($25)

自從上次喺太子分店食過佢哋嘅餃子，一試難忘，至今仍念念不忘今日咁啱喺銅鑼灣做嘢嘅朋友，約我收工後食飯，我知道呢度有間分店，就順勢約佢一齊嚟食餃子🥟同太子店一樣，入門一坐低，就見到玻璃鏡貼住個大mon，寫上店主真言不過，呢度裝修比太子店清雅同闊落好多老闆娘話呢度嘅大廚喺太子店過嚟，極力推介我哋食佢哋嘅鎮店之寶龍鳳松茸雙餃子我哋揀咗灼，貪佢有個湯跟個人喜愛黑松露多啲，認為味道比白松露更加出至尊松茸豬肉餃餃子煎得香脆，松茸味混合猪肉，感覺松茸味道收斂了，反而不及野生松茸素餃味道清新四選二中我哋揀咗韮菜豬肉同雲耳椰菜猪肉湯餃，味道不過不失湯嘅材料主要有粉葛、鲮魚及鰂魚，味道純天然，甚至連鹽都無加埋單要二百幾，以為食餐普通簡單嘅餃子，真係估你唔到！

因為同事食素嘅關係， lunch Time都要搵啲佢食得嘅嘢，咁啱公司附近開咗一間手工餃子，我就諗一定無死啦一定有素食餃，帶左同事黎食。不過係食餃子之前，先來一個狀元九鼎湯，非常非常欣賞呢個湯！因為佢真係完全零味精真材實料寶出嚟，一般可以瞓到兩個人飲，聽聞呢個湯可以靈神減壓，飲得多所有煩惱都飛走啦。俾個湯驚艷左之後，同事個松茸素餃終於黎啦，好香嘅松茸味啊，未食已經聞到，皮薄餡靚呢個形容詞真係好適合形容呢度嘅餃子～頭先我叫咗個煎嘅粟米香菇餃，一直以來我食餃子都好鍾意一開始就叫粟米香菇餃，因為粟米同香菇勁咬口好夾，而且香菇嘅味道同豬肉亦都好夾，再加上煎嘅香脆，絕對係一流。淨係食餃子唔夠嘅，所以叫咗個兩面，小小辣好開胃，亦都增加左飽肚感。

第一次吃餃掂是數個月前的事，在灣仔上班，所以第一次去是灣仔的分店，那時候吃過它的粟米豬肉餃已經對它念念不忘，想不到最近在銅鑼灣這個旺區也開了分店，一於和朋友一同試試。店內環境跟我在灣仔吃的分店一樣，店舖以木為主，以港式食店來說算是環境舒適。在灣仔分店並沒有嚐過鼎鼎大名的「狀元九鼎湯」，食店聲稱以多種材料去熬製，只售$20還真算合理價錢。餃子竟然也有松露如此高級的材料，很難叫人沒有興趣去試，又有特色的芝士餃。還有的都是比較常見的餃子類型，價錢算是適中吧。先點了一碗狀元九鼎湯，看名字好像好厲害似的🤣喝進口又真的蠻不賴😳很像家人在家中煲的老火湯，粉葛的味道十分明顯，喝得出來完全沒有味精，現今已經難得在港式餐廳喝到沒有加味精的湯。朋友想吃野生松茸素餃，有分7隻或10隻，也可選擇灼或煎。不知道餃子裡面是什麼來的，但大概就是有很多蔬菜。原來有白菜和野菌，挺健康，自己是偏食的人，平時家人也少煮飯，很少吃蔬菜，突然吃那麼蔬菜真覺得有營養得多。元貝豬肉餃則可選湯餃子或是煎餃子，上一道菜試了灼餃子，也想試試它的湯餃子是如何，餃子十分大隻😳毫不吝嗇呀。以為真的會是整隻元貝在餃子裡，看來是我想多了😅不過還是能

今日約了表哥食下午茶，*蜜餞雞翼 ($32)雞翼醃得很入味；帶點甜甜的蜜餞味。*至尊松茸豬肉煎餃 ($78)煎餃餐本身配了一碗湯；松茸豬肉餡很足料；餃子煎得外脆內軟。*狀元九鼎湯 ($20)養生湯水溫腎益氣、養顏保健；沒有味精，如果味道可以濃一點就更好。*重慶鮮肉雲吞 ($38)皮薄多餡的手包鮮肉雲吞；點了小辣，所以不會太辣。*山楂雪梨水 ($20)山楂雪梨水酸酸甜甜的，很消膩。以下是餐牌可以參考一下。