十常八九

營業中

休息中

十常八九係深水埗人氣cafe，主打特色飲品、治癒系甜品，加埋個日式木式環境裝修，打卡一流啊！舖頭偏細，真係得14個位，兩張四人榻榻米、三張二人枱仔，要排隊真係有排等。咁啱我去果日落雨，唔洗等位🤟🏻不過，我覺得價錢係略貴嘅。*和栗蒙布朗 $88治癒系甜品，即場準備、即場唧栗子蓉，好似一座山咁，係真正嘅mont blanc。最底係蛋白脆餅，脆度依然在，而且唔會太甜。中間係雲呢拿雪糕，鋪左薄薄一層忌廉，面頭就係香濃嘅栗子蓉。為咗維持栗子山嘅外型，栗子蓉挺身，入口偏硬但質地綿滑，而且唔會過甜，但一個人真係食唔晒，強烈建議兩個人share。*黃豆黑糖豆乳(熱) $48有得揀熱或者凍，店員話熱嘅豆乳味道會濃郁啲。丸子煙韌嘅口感好唔錯，而豆乳已經重豆香，加埋黃豆粉，豆香味再升級，唔會有豆腥味。淡淡嘅黑糖味，所以唔會好甜，啱晒啲「微糖」愛好者。*玄米抹茶鮮奶 (凍) $45第一啖飲到面頭嘅厚奶+香濃嘅抹茶味，味道直頭係抺茶鮮奶，之後慢慢就會感受到玄米味，不過味道略為甜咗啲。

這陣子完全感受到人生之事十常八九～💛人氣cafe，期待已久到訪日式小店，當日約11:45到達已經要等第二輪... 建議等得先好來！🌰和栗蒙布朗=栗子蓉+雪糕+蛋白脆餅整體甜度及份量適中，雖然栗子蓉比一般硬身，但味道尚算濃郁。三者融合程度一般，如果有得揀會揀返栗子配蛋糕🤣🍰抹茶提拉米蘇盒子抹茶味道無被咖啡味蓋過，又唔會太苦；cream同蛋糕幼滑濕潤，重點係無被抹茶份chok親！🍵玄米抹茶鮮奶非常濃郁！抹茶味道夠苦，加上玄米味加乘，濃濃茶味注滿口腔。*特別推介比抹茶控！

餐廳以休閒日式簡約風裝修，感覺十分舒適，有一種慢活人生嘅感覺。地方唔大只有四張枱，兩張榻榻米，仲有兩張普通座位。餐廳不設電話訂座，去嘅當日係星期日，去到好彩咁啱有人走先有位。滿滿嘅栗子蓉包住雲呢拿雪糕，而最底層係蛋白餅，蛋白餅小小甜脆卜卜，令口感豐富。

雖然深水埗cafe越開越多，但呢間依然屹立不倒，到而家仲見到人話要等個幾鐘，相信食物有返咁上下質素。提早喺開店15分鐘前去排隊，黎到發現只有兩張二人枱同兩張榻榻米，遲我2分鐘到嘅客人已經要等第二輪，好在可以留電話登記，唔駛曝曬住排隊。木系配白色嘅裝修感覺舒服，我地三人行獲安排坐榻榻米，影相好靚，但媽媽就坐得頗辛苦，不過佢對食物非常滿意，但再黎要坐二人枱😆。 🍽和栗蒙布朗 Mont Blanc Chestnut ($88⁣)幾乎每張枱都會點呢款，我坐嘅位啱啱望正店員將栗子蓉唧成條狀，過程相當治癒。栗子蓉甜度適中，挖開中間係雲尼拿雪糕同脆脆嘅蛋白餅，係日本嘅味道！🍽十常吐司 Sapsan Toast ($72)雖然佢係吐司，好似西多士嘅食法咁加牛油同蜜糖食，但賣相更貼近玉子燒。吐司蛋香重又帶麵包嘅軟熟，喺其他地方未食過呢種口感，另配焦糖香蕉同其他莓果，必試！🍽抹茶提拉米蘇盒子 Matcha Tiramisu Box ($62)即叫即整所以等待時間較長，盒子有手掌咁大，份量比想像中多，挖開係軟滑嘅mascarpone cheese，食到杏仁奶嘅味道，唔知係咪見三杯飲品都揀vegan milk

日系和風榻榻米Cafe🍮 岩岩開店個時等過位 店員都話要排3個鐘 每次都放棄…. 咁岩今次閒日出開ssp 就順便去試吓運氣 最後都等左個半鐘先入得😭門口都裝修好靚因為不太肚餓 所以同友人各自叫左杯飲品 同 一份甜品share 點知味道超驚喜😻😻😻！招牌十常吐司🍞🍴（$72）製作時間要等25分鐘。口感好鬆軟 好好味 仲配埋時令生果 令我想再encore 多份🙊黃豆黑糖豆乳🍨 （$48）好濃豆乳味 配埋小丸子🍡好有特色玄米抹茶鮮奶🍵（$45）略嫌玄米味道啖咗啲 不過抹茶味好濃～ 食到好飽好滿足！下次要試吓招牌 『和粟蒙布朗🌰』! (首先要有耐性等位🙊）

友人只能放平日，我又只能放紅日，也許相見很難，決定請日大假(平日)相聚一刻，揀左最近人氣日式店子十常八九，其實想去好耐，奈何店子收19:00趕唔切去，今次就趁平日去一轉。(平日去都要留意，逢星期二休息)。店子開12:00，加上又係平日，初步相信唔會多人(實在太天真喇)，12:05去到，原來已經差唔多full，幸好剛有兩位唔洗等。之後都有幾組客人要等位，職員叫客人可以留電話等有位時再call返個客，呢個服務都幾好，起碼唔洗係門口狂等。小小的店子，不論門面及內堂都甚有和風之感，裝潢以白色及木系為主調，感覺簡約柔和，門面的落地玻璃滲入自然光線，倍感溫暖。位子不多，約有4張枱子，容納大約12人，兩台榻榻米(要脫鞋)，另一邊係長櫈同兩張枱，每張枱相隔一定距離，有私人空間，人小小，可享受寧靜舒適之感(好想坐榻榻米位)。和栗蒙布朗的製作過程，忍唔住影左。主打日式甜品，飲品有抹茶、茶、咖啡及梳打等，甜品都算多選擇，當中的自家甜品十常吐司最想一嚐。玄米抹茶鮮奶，$45，微微的玄米香，好濃郁的抹茶味，口感較杰身，甘苦味重。抹茶豆乳，$45，友人的。和栗蒙布朗，$88，人氣甜品之一，目測每台都有叫(呢款甜品