犢食 (已結業)

🌕🌕🌕🌕🌑🍽南蠻炸大雞丼 ($64)😋食過兩次，炸雞差唔多有成個碗咁大塊🙂雞肉都算滑，有時塊雞太大塊，側邊有機會少少鞋😋雞皮值得一讚：炸到幾乎無晒油，非常香脆😋調味鹹甜鹹甜咁，真係有南蠻風味，唔係普通炸雞🙂上面放左啲蛋沙律，正常味道🙁但沙律就咁放雞肉上面會整腍啲雞皮，唔太欣賞😋襯左幾塊醃蘿蔔同一小角檸檬解膩🌕🌕🌕🌗🌑🍽香蒜西冷丼 ($82)🙂有7舊，但其中一舊全部都係筋，食唔到😋西冷唔係薄切，有翻咁上下份量🙂有部分已經煎到幾乎全熟，會偏韌少少🙂但都係咬得到的，除左嗰舊筋‼️每次都耗時25分鐘即燒，趕時間嘅朋友留意啦🌕🌕🌕🌕🌕🍽麵豉湯😋驚喜之作！真係煲出黎嘅湯唔係用粉開😋碗湯好順喉，唔會有好多沉澱然後好鞋口🌕🌕🌕🌕🌑🍽玄米茶 (熱)😋面頭嗰啲應該係玄米，真係有米香味🙂底下有茶葉，近乎綠茶味，茶味唔算好濃🙌🏻飯量有啲飄忽，一次比左大半碗，今次就半碗‼️Lunch Hour有好多人黎買外賣，12點半開始有人流‼️基本上係高枱，而且冷氣比較勁，著多件衫黎食飯啦

難得同朋友嚟到觀塘，當然要食翻啲好西平衡一下先得😌 俾我搵到呢間日式小店😙，主打丼飯同湯咖喱，價錢唔算貴又多選擇!👍 環境好簡潔，店員都好有禮貌! 😚1. 🐮香蒜西冷丼 ($82)西冷即叫即燒，製作需時，要等大約15分鐘，上枱嘅時候已經覺得好吸引!😍 🐮大約七成熟，切件上，仲見到入面係微粉紅色，肉質粉嫩😋，有一兩件帶少少筋，用咗啲黑椒同香蒜調味，食落幾香，丼飯上面撒上燒汁，餸飯一流!😎 飯量如果男仔食的話，加多少少會好啲，女仔就一定夠食!😂每份定食都會跟配味噌湯或玄米茶，特別要讚下佢地嘅玄米茶，茶味好香濃，帶出炒過嘅米香，仲食到一粒粒炒過嘅玄米，又可以解膩!😌👍🐮牛舌湯咖哩定食🍛 ($72)有4件超厚切嘅牛舌!😍 食落幾腍又有口感，幾入味! 我第一次食湯咖哩，呢款味道同平時日式咖哩相似，微辣帶甜，十分惹味，可以餸好多飯!😜 湯咖哩入面仲有蓮藕、本菇、茄子、炸薯仔、紅蘿蔔，好足料!😙👍 3. 唐揚雞塊 ($16)大約有3件🐥，即叫即炸，熱辣辣，粉漿唔會過厚，肉質外脆內嫩滑，仲附送沙律醬點嚟食好夾!😍4. 照燒魷魚串 ($18)魷魚切件，塗咗少少燒汁串埋一齊燒，燒得幾香彈牙又唔乾，旁邊有啲

放工唔想煮飯，就去咗呢間喺網上都幾出名嘅黃店食個dinner。佢係喺觀塘嘅工廠大廈入面，比較隱世；而佢係一間日式嘅餐廳，我個人真係好中意食日式便當，所以對佢期望都幾高。入到去佢牆上貼咗好多文宣，仲有啲文宣貼紙同名信片可以俾人攞走，又有唔同嘅嘢寄賣，好值得支持。大阪燒牛肉丼 $68 佢係牛丼上面加咗個大阪燒汁、沙律醬同大量鰹魚碎；佢牛丼嘅牛煮得好淋好入味，洋蔥索晒啲汁好甜好好味，就咁食已經好好味！加埋大阪燒令佢成個牛丼層次同口感多咗，兩樣加埋好夾！白飯方面，佢用咗珍珠米，軟硬適中，同時佢吸收咗肉汁令佢更好食！柚子與大根 $16柚子大根爽脆、清甜，食落開胃、解膩，好食！關東煮(雞肉丸子+雞蛋) $16關東煮個湯鹹鹹哋但唔會太濃，雞肉丸子係煎香再煮，肉質紮實又多肉汁；雞蛋就係用日本蛋，煮完吸晒湯汁，唔錯！玄米茶跟餐送熱玄米茶，清清地又有玄米咬下，好飲！今次食嘅幾樣嘢都好高水準，以佢價錢嚟講真係唔錯！佢仲有唔同款式嘅飯同咖哩，同有好多小食，下次一定要再試下。

工廈中o既小清新日式小店，提供丼飯、湯咖哩飯同埋一d 日式小食，內裡全部都係木造高檯高凳。作為有著濃厚政治理念o既餐廳，牆上同收銀長檯o個邊自然放滿各類文宣、書籍同報章。睇落都幾多人買外賣，見有人拎住大枝結他，唔知係咪附近band 房d band 友呢……﹖試o左個溫泉蛋牛肉丼套餐($58 無加一)，連埋一份漬物小食同玄米茶(可以揀味噌湯，或者再加錢升級)，咁o既價錢算係幾平民！用木盤送上o既定食，賣相吸引。漬物係一d 醃製豆呀，雲耳之類，甜甜鹹鹹咁一小兜。主體個飯好大碗，牛肉亦份量居多。隻溫泉蛋o係上面o郎下o郎下係咁勾引我，肥牛煮得入味得o黎唔過乾/韌，個飯因為本身都淋得足d 洋蔥牛肉汁，加埋流心蛋黃，而家超級juicy 惹味！同埋瀋上去d 生蔥都好香。收銀姐姐推介之下，點o左個小食，佢話呢個照燒魷魚串($18) 都多人叫！厚身魷魚，帶點鹹香，蘸埋沙律醬更好味~跟餐配玄米茶，一昧靜靜o既日式風情。想高級d，一於學我，整番枝靜岡蜜瓜梳打($24)。蜜瓜係日本靜岡縣名物，如寶石般翠綠o既綠色，簡直就係滿口香甜，幸福滿溢~

去完apm附近行街後，我哋想搵下有冇咩工廠大廈特別食店。search 到犢食，有吸引的丼飯我哋叫咗一個牛一個豬，先俾錢點餐，之後坐低一陣大約幾分鐘店員會幫我哋上餐先來豚估唔到好厚肉！好彈牙有咬口，鹹鹹甜甜嘅醬油汁好入味，一口肉一口飯唔錯！配菜亦令味道變化更多，有唔同口感。醬油蛋好入味，蛋黃好香滑超吸引！另外我喜歡佢哋切得細細遍的秋葵，感覺清新健康！再到牛牛肉份量都幾多，味道都好濃，配合埋洋蔥及醬汁連同飯一齊食好好味！另外，兩個丼飯都配有小配菜，加埋入去連同飯一齊吃增加口感湯香濃暖胃玄米茶好香！最後店送咗我哋一份蕃茄小食，好nice充滿柚子嘅香味，甜甜酸酸，好入味清新！雖然這間店細細地，但係感覺都好舒適，我哋大約三點到，食完野坐喺度傾吓計都幾好下次試吓佢哋嘅咖喱先