ChirChir Fusion Chicken Factory (已結業)

今日想食韓國野，係open rice見到呢間，訂座仲有9折，即刻book位。原來佢同另一間烤肉係同一間舖頭，但係服務員帶錯我地去烤肉果邊。先食玫瑰芝士女神雞，上菜時見到有火爐，有d似芝士火鍋，大量芝士好野味。但係似乎個火開得太大，食到仲有3分1個底已經燶左。跟住食蒜香健康烤雞，個人覺得汁唔夠多，可以再多d汁。

玫瑰芝士女神雞、50cm長韓式雞蛋卷、芒果酸奶蔬菜沙律， 樣樣食物都好美味好吸引， 芝士味濃配合炸雞一流，蛋卷餡料豐富，食得很滿足，沙律蔬菜新鮮配以酸奶十分開胃，飲品大大杯，二人餐實在太豐富，職員亦很有禮貌親切，值得一讚，總括十分滿意的韓食餐廳！

又係炸雞🐣玫瑰芝士女神雞,超級邪惡😍原本已經有大量芝士😁係底, 然後職員再係我地面前再倒芝士醬落去😱, 邪惡指數爆燈😆❗非常邪惡😅😅食完真係再多做運動😅😅#芝士控一定要去試❤夾起炸雞果陣, 拉絲時刻出現左😍超級多芝士份量!😊好好食💟田園沙律,開胃菜😃幾好食😍😍至於芝士薯條🍟, 好邪惡,重芝士味❤😍岩曬芝士控😋 而且份量好多,食到好飽😃抵食💕☺食唔停😍下次要再去啊😜😜

今次約左中學同學一齊食飯聚舊，大家都想食炸雞，所以就選左哩間，因為有人推薦過，就諗住試下。咁我地預早book左位，所以去到就即刻有位，唔洗等。咁間鋪頭唔大，但裝修都睇得出你有畀心思。女神雞既前菜，左邊係甜既餅乾，中間係醋味蘿蔔，右邊係栗米玫瑰芝士女神雞(＄189)：哩個雞入面有炸薯角，同埋雞，薯角冇咩特別，雞就好麻麻。雖然雞就炸得岩岩好，但係肉比較偏鞋，一d都唔滑，又唔juicy，似食緊雞胸肉😂芝士偏咸，偏杰身，都拉到小小芝士，但芝士味真係冇咩。btw，哩個餐包埋飯，所以大家唔洗特別叫，不過如果你冇預先要求早d上個飯，佢係會等到你差唔多食晒d雞先畀你，然後幫你係個鍋上面炒，等d芝士汁可以撈飯。但係我果時差唔多食晒d雞果陣，汁都冇晒咁仔😭炒飯已經冇咩芝士味，真心有d失望，所以大家想食到有芝士既飯就早d叫店員炒。食到一半既女神雞樣子蒜香健康烤雞(＄168)：蒜味係重，個汁都係咸中帶小小甜，幾特別，雞都烤得岩岩好，但係d肉都係偏鞋身，似火雞肉，都唔juicy。同埋，雞身都偏油，唔太覺得佢係健康蒜香豉油炸雞(＄163)：同女神雞一樣，雞飲都唔嫩滑，都係鞋，似係火雞肉。不過個雞都係炸得岩岩好，食

之前睇到佢啲相已經好想試架啦，加上炸野同芝士都係我至愛，而家佢地二合為一 有咩可能唔吸引我先?!特別係佢個玫瑰女神，炸雞同芝士本身係邪惡野，但用左呢個名之後，當堂天使左，真係食左都無罪疚感今次係用團購，所以食佢個套餐炸雞有三款可以揀，一場黎到就梗係揀最熱門果款啦—玫瑰芝士女神雞另外仲有芒果酸奶蔬菜沙律、芝士薯條半份、汽水兩罐點完餐之後，職員就送上前菜個MENU無寫話有前菜，所以送上枱果陣有驚喜呢度前菜幾特別，有餅乾仔--好脆，雖然個面有好多砂糖，但唔會覺得好甜，唔錯芝士薯條半份雖然話係半份，但其實個分量都唔少，完全足夠兩個人食薯條新鮮夠乾夠脆，面頭加左啲芝士醬，雖然唔係熱溶芝士，而係芝士溝其他野而成既醬，拉唔到絲，但都有芝士味，尚可玫瑰芝士女神雞呢個送上枱真係好吸引，顏色豐富；職員再倒上溶忌廉芝士醬，即刻昇華，十級吸引炸雞係無骨雞柳，分量好多，不過唔係嫩雞；另外仲有大大件既薯角。但兩款炸物上枱果陣都唔算脆，應該係個盤啲熱氣令佢地濕左變淋。食完啲雞或快將食完果陣，記得記得問職員拎個飯，因為佢地唔會主動比你。個飯加入個炸雞盤度，同啲醬呀西蘭花炸雞撈埋佢!!本身已經食到好飽，但個飯撈完之後真

又去ChirChir,呢度入口有好大個宋仲基.入口處附近仲有好多雞公仔.裝修同而家大部份新派韓式炸雞店大同小異,店入面電視仲不斷播放韓國MV.呢次就食咗玫瑰芝士女神雞,個名好搞鬼.鐵板上面鋪滿水牛芝士碎,同埋加咗車厘茄,青椒,紅椒,西蘭花同炸薯角,店員仲會淋埋忌廉芝士汁上去.堆疊到好似小山丘嘅炸雞已經去骨,每件都好似姆指咁大,食落幾方便.水牛芝士碎同忌廉芝士汁撈埋一齊之後質感較稀,但仍然拉到絲,食完炸雞之後店員就會加碗白飯入去兜炒勻.飯粒吸滿芝士,都幾好味,不過食完成盤都參透唔到佢同玫瑰,女神有乜關聯.茲樂茲樂美極了,菜名同樣得意,去骨炸雞浸晌忌廉芝士汁同巴馬臣芝士片之中,當中同樣加咗雜菜.炸雞食落有啲辣味同黑椒香,意大利粉冇煮得過腍,有啲似晌度食卡邦尼嘅感覺.相對起嚟芝士味較玫瑰芝士女神雞輕,但都唔錯.

炸雞一直都唔係本人的愛好，因為熱氣和唔健康，但朋友S話想食韓式炸雞，點名要呢間，那麼就試一試啦。這個女神雞真是很好吃，雖然好邪惡，但都值得一試。芝士味特濃，但我食唔出玫瑰味。其實佢唔加所謂的玫塊更好。沙律很貴，味道都可以，一大班人都夠食。雙併試左兩款味後，發覺原味和KFC係一模一樣，建議大家選甜炸雞😃這款配菜比雞更多，但配菜唔好食。這款湯其實一點味道都沒有。海鮮沒有鮮味，都唔知飲緊咩湯。這幾款特飲很貴，70多元一杯。其實成杯都是落梳打水。這幾杯已經200蚊，我覺得好唔抵。可能有人會覺得沒有人規定你要飲，我想講呢間食店，沒有水供應，每支水8蚊，是超細支那些，可樂20蚊，特飲起碼70蚊以上。這間店會送禮物比食客的。但因為唔係我拎，所以唔知咩規則先會送。

黎到呢到地方雖少，播放緊k-pop好似帶你走到弘大，見到好多人都必叫的玫瑰芝士女神雞，我當然也叫一份啦，芝士份量剛好，雞就一般啦，若果你超級喜歡食芝士，可另加芝士，一定滿足到你，最後仲有待應幫你炒飯，就簡直享受到韓國的餐廳文化

自從係韓國留學番黎後經常好懷念韓國既美食，難得有間過江龍一定要黎試下！3個人叫左1個沙拉2款雞2杯飲品，超級飽！意大利芝士沙拉：脆口既蒜蓉包粒配上Feta Cheese同羅馬生菜，中和番炸雞既煎炸油膩！8分❤️玫瑰女神雞：侍應哥哥首先將芝士醬淋落個炸雞到，然黎靠檯底個爐黎煮熟鐡板上既芝士。差唔多食晒前仲可以加個飯變成芝士雞攞飯～好味程度有9分！大推❤️蒜香烤雞：烤雞肉質比炸雞嫩滑, 加上大量蒜蓉更加惹味，伴碟仲配送焗薯同焗雞蛋～7分❤️草莓冰冰柚子梳打講真香港好多韓國炸雞一係雞太乾，炸粉太多，一係就醬汁唔夠正宗。Chir Chir既味道同雞都有韓國既水準，加上餐廳一直播住k-pop，真係有回到韓國既感覺❤️同場加影隔離檯有人慶祝生日，餐廳好貼心咁停播電視既MV播Happy Birthday! 下次可以同朋友慶祝生日再黎～

1直都好想食的好食既芝士又有炸雞一齊嘅嘢今日終於食到真係太好食 同 價錢都好合理地點又方便 食飽就行街 將枱面原來好特別嘅你睇佢係木造當我地嗌到芝士女神雞同蒜香健康烤雞既時候拒話要開電 木同木之間原來有電過 對我黎講好新奇 得意的 店內一直都係播着韓國潮流歌食都食得開心的 因為我好中2聽韓歌^_^食完後仲會送啲雞嘅鎖匙扣同埋旅行放夾嘅卡套俾你

今日一行五人嚟食炸雞。。一入門口就見到大大個logo。。同男神"宋鐘基"。即刻花痴mode 成間舖頭個裝修好舒服。以木製枱凳為主。加上可能因為今日係閑日。食客唔多。所以唔會好擠迫。亦都唔需要等位。。舖頭裝修好有心。。。啲杯杯碟碟包括埋啲凳都印咗餐廳嘅雞仔圖案logo。。。我地幾個點左4款野食同4款野飲飲品一般。不過不失。可以試下。。。啲嘢食都唔錯。上菜後即場淋芝士。鐵板上已經有芝士。所以係有雙重芝士架。食完後如果唔夠飽仲可以加飯一齊炒。不過我地幾個巳經食唔曬。無加到。。。個蒜香烤雞好好味，值得推薦。。。好好味。。。一開始上菜嘅時候。巳經聞到好香蒜蓉味。但係見到咁多蒜蓉嚇親。點知食落口超香超好味。啲蒜蓉甜甜地同個雞好match。值得推介下次去都一定要再食。👍🏻👍🏻👍🏻海鮮魚糕湯都唔錯。。幾鮮甜。。湯底好鮮甜。。。魚榚都好食。。。但海鮮可能煮太耐，有少少老。。。食物價錢都唔算貴。。。走嘅時候仲送咗我哋小禮物。。。餐廳logo嘅雞仔鎖匙扣同行李牌。

韓國炸雞店真的十分之多，但是Chir Chir(韓文치르치르)算是我在韓國讀書時留下深印象的。原因之一除了分店真的極多之外，店舖的MENU都不只雞還有各種得色的fusion菜！終於這間毫不吝嗇芝士的韓國炸雞店來了香港了⋯和韓國的店一樣坐下便奉上伴菜三小碟，食完可以再添。朋友二話不說立即點了招牌菜玫瑰芝士女神雞！侍應放低後、淋上芝士的一下大家真的不禁哇一聲～而且檯低還有電爐讓芝士慢慢溶化⋯有點微辣但是三種芝士溶和的口感配上無骨炸雞真的讓人一口接一口。侍應還說這炸雞會連飯，結果一輪旋風掃落葉般連飯都被掃清光⋯其中一位朋友比較喜歡有骨的炸雞，所以我們亦點了炸雞雙併(반반)。甜味炸雞與沙律醬的配搭非常讚！連不太愛醬料的我都吃得很開懷⋯另一個菜芝士薯條亦有附另一款較酸的沙律醬，我們一邊聊天一邊吃連伴菜的幾條西芹都吃掉(毫不浪費食物)。不得不提的是飲品menu也從韓國一併搬來了，其實一杯飲品的份量足夠兩人飲用，但我們點了三杯都喝光⋯香港的店位於商業大廈內的樓上舖，有點不起眼。平日夜晚人客也不多，但其實位置是方便而且坐位也舒服，服務也很不錯的，吃完還有小禮物。如果是一大班人，而且有少少budget想

跟朋友七時前入座，發現只有一兩組客人，雖然預約了但好像walk in也沒問題呢～我們事前早已選定了招牌菜--女神雞，現場看到餐牌才發現炸雞烤雞也有不少選擇！結果我們還是點了玫瑰芝士女神雞，再加一杯草莓冰冰(聽說份量比較大，兩人share也足夠) 前菜是粟米沙律、醃蘿蔔及甜餅乾，真的不知道為什麼會出現餅乾…還要是甜的哈哈我們還是衝著醃蘿蔔來吃好了～呵呵 草莓冰冰草莓冰冰果然是大杯的，紅色的是草莓，黃色的是芒果，混在一起酸酸甜甜蠻好喝！不過上面的芒果忌廉實在多了點，結果我們也只挑下面的沙冰來喝……玫瑰芝士女神雞女侍應把女神雞捧到爐上，二話不說就立即往上面倒芝士醬，我趕快拿起手機，拍了幾張倒芝士的畫面哈哈光是這個畫面已夠吸引！然後我們拍著拍著，等了數分鐘下面的芝士大多已溶化，可以開動了！芝士帶著輕微的辣味，味道不錯！不過質感稍嫌太稀，只能拉出幼身一絲絲的效果，我們最喜歡的是帶點韌度，就像pizza上的芝士那般濃稠…炸雞方面，全部都是去骨雞肉，也就是「啖啖肉」，女士們不用擔心儀態問題～果然是「女神」也不怕吃的炸雞！(哈哈我亂猜的)配料有薯角、西蘭花還有車厘茄，這個組合不錯，可惜薯角有點炸過頭了

入口處已經見到公雞，好多雞的裝飾，今晚我地主力黎食炸雞。先來前菜有粟米沙律，醃蘿蔔，甜餅乾，味道一般，但甜餅乾較少見，都有點新意。女神愛卡普雷塞 $118，有芒果、火龍果、奇異果等新鮮水果和mozzarella芝士調整成的沙律，醬汁用了清爽不膩的油醋汁，除了有水果的甜美，仲有清新醬汁，食完炸雞最岩食沙律消消油膩感。玫瑰芝士女神雞 $188，超大座山好有氣勢，有芝士、炸雞、薯角、蔬菜等等，好豐盛的菜式，而且食完仲可以加飯做成芝士炒飯。當芝士碎溶左就混合芝士醬，再將炸雞沾芝士醬同食，芝士味好香濃，而且唔過咸，又有拉絲效果，好邪惡好好味。不過有部份炸雞的脆皮已經開始淋，口感會扣少少分，幸好炸雞肉質嫩淋，又唔會好乾身，而且去骨啖啖肉好易食。要讚一下，一般炸雞都冇咩蔬菜來做配菜，但呢度每款都有點蔬菜，西蘭花同蕃茄仔都顏色鮮豔又健康。當食淨大約三件炸雞時，店員會來幫手做芝士炒飯，先將炸雞剪成小塊，加入白飯炒成芝士飯。我地等左陣先食，因為想有點飯焦，睇落已經好夠芝士，食完應該膩膩地。食得啦。第一下試個芝士拉絲，唔算好多拉絲，因為芝士醬汁較多，但味道比沾炸雞時更濃郁，芝味十足。飯粒都被芝士包著，的確更

自從韓瘋襲港，食炸雞嘅選擇不再只限於肯叔叔，最近又一韓式炸雞專賣店進駐尖沙咀！玫瑰芝士女神雞🐔:炸雞以鋪滿Mozzarella Cheese嘅鐵鍋盛載，店員再淋上芝士汁，待芝士完全熱溶後，將炸雞加入芝士堆中捲幾下，拉絲效果非常澎湃，邪惡度十足！食到尾店員再將炸雞剪細，然後加飯，熱溶芝士雞撈飯，「芝」味到不得了！