My Ahjussi (已結業)

難得媽咪話今晚得閒，掛住佢就請佢食餐飯啦！想帶佢去感受下年輕人嘅氣息～聽朋友講大角咀有一間韓式舖頭幾好，就同佢嚟啦～舖頭名好得意…My Ahjussi…即係「我的大叔」？唔通係致敬套韓劇？？😜媽咪話唔係好肚餓，咁就先叫個炸豆腐牛油果沙律🥙～一上枱佢就話：咦？又熱又凍嘅？😁Fusion嘅嘢你識咩呀～😜不過炸豆腐沙律我都係第一次食，估唔到啲豆腐非常嫩滑，配埋牛油果同麻醬沙律，又幾夾喎！！🥰👍🏻再叫多個辣炒五花肉年糕鍋，個鍋除咗爽口嘅豬腩肉，仲有好多蔬菜：京蔥、金菇、韮菜、泡菜同埋年糕，味道唔會太辣，甜甜地，啱曬媽咪～🍲我最鍾意食粉絲，就叫個魚糕粉絲湯，除咗粉絲，仲有兩大串魚糕加肉丸子，其實食完都幾飽肚～🥣要一提～佢嘅泡菜真係好好味，最鍾意韓式傳統泡菜嗰隻魷魚鹹香味，我叫咗杯玫瑰花茶畀媽咪☕，我就飲芝士奶蓋蜜桃綠茶🍹。最衰媽咪話唔食熱氣嘢～如果唔係就會享用埋店內內做緊「一蚊六件雞」嘅優惠啦～不過大家都食得好開心！！🥰🤗

今日朋友話想食韓國炸雞，即興去搵都吾系冇難度，佢住大角咀，又吾想去太遠嘅情況之下，唯有我去就佢囉😌大角咀咁啱原來就有間打卡餐廳系食韓式炸雞🍗訂位訂咗8點，如果walk in去就要花啲時間等候🙈我同朋友訂咗位都等咗10分鐘左右。餐廳最出名嘅炸雞，有成6種味道咁多！分6件同埋12件，12件應該真系好多人先食得曬😂Pizza啲款式都好吸引🤤最衰最近介緊澱粉，如果吾系一定叫一份試吓。呢度最特別嘅系有素食😳香港人食野其實都算系健康架喇，呢家素食都系大勢所趨，食啲野會相對健康。食親韓國野都好興有前菜，前菜有醃蘿蔔、甜蕃薯同埋泡菜，我吾食醃蘿蔔，朋友話正常味道🙊甜蕃薯好味😋即平時戈啲紫薯咁。泡菜豆腐鍋雖然話大家都應該食過，都未必間間韓國餐廳都有🧐呢度有就緊系叫啦。裡面嘅泡菜湯底好濃郁，酸酸哋咁樣好入味，豆腐都系，舊舊嘅軟硬度都啱啱好。炸雞第1款試咗鹹蛋黃炸雞，鹹蛋黃真系近年新興嘅趨勢🤤佢嘅鹹蛋黃味都有嘅，但冇話真系好明顯🙊食到某啲部分就有幾強烈嘅鹹蛋黃味，仲有好少部分嘅位好鹹🙈希望呢樣野可以改善一下。蒜香蜂蜜炸雞真系超好食❣️比起鹹蛋黃好食好多🤤蒜蓉同蜂蜜味都好濃，一隻味鹹一隻味甜，又同時吾會話比邊隻

❀ My Ahjussi #大角咀 ❀❗️韓式花花夢幻Cafe 仲要係社企❗️——————————————————位於大角咀嘅呢間Cafe充滿花花嘅佈置，非常夢幻🌸而且仲要係售賣韓式食品，喺香港好少見到！最欣賞佢哋係有聘請特殊人士工作，因為自己學科緣故，所以經常同呢啲人有親近嘅接觸，所以特別支持呢啲社企💞！.食物主要有韓式鍋、韓式fusion意粉、炸雞、漢堡包等等。老實講，餐廳嘅佈置同食物嘅賣相係冇咁比得上好多專打卡嘅Cafe🙈但係價錢適中，而且味道比賣相好，值得支持！.✷𝑀𝑒𝓃𝓊✷☞ 鰻魚漢堡🍔$128第一眼望到個漢堡包白雪雪感覺得唔太開胃🙈，但後來得知原來佢哋嘅麵包係自然發酵而且冇無蛋奶素，難怪咁淺色！口感有少少似英式鬆餅，少少韌但同時間麵包組織空氣大，幾特別😮。鰻魚都幾長，鰻魚汁甜甜地再配埋芥末蛋黃醬同埋蘑菇，味道唔錯，如果肥美啲就更好！另再配埋一大兜薯條，包保食得飽。味道: 4/5 性價比: 3.8/5.☞ 韓式海鮮意粉🍝$72呢個有驚喜！冇諗過原來個醬汁係蕃茄泡菜汁，甜甜地得來帶點微辣，未試過呢個味道嘅意粉👍🏻。海鮮方面都有唔少蜆肉，仲有少少蝦同埋蟹柳。意粉都幾彈牙，分量亦都夠多

放工約咗個喺奧運站返工嘅朋友食晚飯，佢帶我嚟食呢間喺大角咀新開嘅韓國餐廳「My Ahjussi」。其實喺深水埗行去都唔算太遠，不過要識路😂；睇嚟我又可以擴大我個美食地圖。小店嘅裝修好少女風💕，有唔少花花，甚至連天花都係一片雲海☁️。不過燈光就暗啲(可能日頭唔同)，所以啲食物相唔太清晰。題外話，兩位年輕女店員幾好禮貌。餐廳係賣韓國Fusion菜🇰🇷，炸雞、薄餅、漢堡包、飯、意粉同小食等都有，其中主食類仲包一杯熱飲，抵啊！大部份食物價錢都好大眾化，又唔駛收加一。小食類嘅項目暫時未放入主餐牌，喺宣傳單張上反而有相，吸引啲🙈。我哋叫到成枱食物都唔駛三百蚊，而且份量仲好多，其實三個人都夠食👍。每枱有一份前菜，包括好辣泡菜、蕃薯仔同醃蘿蔔粒。卡邦尼煙肉泡菜意粉($72)，呢個超級無敵好食😋。唔好睇意粉個賣相平平無奇，或者以為佢份量好少，兩樣都錯，實際上佢係又美味，又大份。首先，🍝意粉煮得好彈牙，咁樣已經幾乎可以肯定唔會難食。第二，泡菜溝埋卡邦尼汁嘅配搭真係正到不得了！因為泡菜嘅酸辣中和咗卡邦尼忌廉嘅膩，🌶微辣嘅醬汁令到半飽嘅我都開胃番。黃金鹹蛋炸雞($118/6件)，🍗炸雞有得叫半份實在太好了，兩個