Ocio オシオ (已結業)

對上一次去Ocio原來已經係幾年前去旺角煙廠街，岩岩睇返原來已結業🥺好在仲有鑽石山同將軍澳分店😌今晚黎左荷里活廣場呢間Ocio，環境光猛又夠寬敞，感覺非常舒適。同朋友兩個人叫左一個set dinner+一個小食+甜品。珍寶帶子海鮮喇沙燴飯 $148（連餐湯及$33以下飲品）調味做得岩岩好，唔好過咸搶左海鮮嘅味。海鮮配料好新鮮，帶子鮮甜肉厚，特別鍾意佢入面嘅魷魚，煮得剛剛好鮮味十足，唔會overcooked，唔會咬極都未吞到！跟餐我地叫左迷李芝士流心蛋燒南瓜焗煱伴脆皮單骨雞翼 $108幾特別嘅一道菜！將一個mini南瓜入面放左隻流心蛋，鋪上芝士再焗，再將雞翼點埋啲流心蛋食，成件事幾夾！食到最後，仲可以食埋啲南瓜肉😂飽哂🫣甜品叫左朱古力心太軟$72，正正常常，無咩特別。

每次經過都被其甜品圖片所吸引，各式各樣的熱香餅和窩夫都非常有特色，特別是奧斯蜜瓜雪山熱香餅，更是我大仔的至愛。香甜多汁的蜜瓜上有雪糕和脆脆的蜂蜜星星，就連減肥中的我也禁不住試了一口。至於特濃朱古力鑊仔熱香餅即是我細仔的喜好，因為有朱古力軟心及棉花糖，但我本人覺得略嫌太濕太甜。至於熟食方面，波士頓龍蝦手工麵不過不失，珍寶帶子喇沙飯味道特別，不過未必所有人都接，整體食物質素都不錯，屬打卡之選。環境、服務也不差呢😉

係荷里活廣場行街，見到有間Cafe，白色底配木系裝修，感覺簡潔舒適，仲有隻可愛熊仔。Cafe 主打係西餐同埋甜品，有Waffle，Pancake，樣樣都好吸引。我地點了2 個set dinner，跟住再食甜品。Set dinner 包咗 餐湯+主菜+飲品，餐湯係蘑菇湯，好香濃。- 芝士焗波士頓龍蝦鮮拿破崙海鮮手工面有半隻龍蝦，新鮮彈牙，醬汁偏濃郁，又有魷魚圈、蝦、蜆肉等等。手工面就軟硬度適中，很有口感，又可以吸附醬汁。- 珍寶帶子海鮮喇沙燴飯帶子都幾大隻，燴飯就味道香濃，反而喇沙味道唔太多。我地加錢點咗杯紫薯奶昔，紫薯味好重，好好飲。- 奧斯蜜瓜雪山熱香餅今日既主角出場，外形滿分，似足雪山，伴碟都好靚，打卡首選。蜜瓜夠甜，好好食，不過要自己切，有啲唔方便。上面既熱香餅鬆軟，配雪糕同埋糖漿，味道ok。整體而言，食物有水準，環境舒適，適合朋友相聚。甜品同埋飲品好好食，一定要再試埋其他甜品。