Ocio オシオ (已結業)

係荷里活廣場行街，見到有間Cafe，白色底配木系裝修，感覺簡潔舒適，仲有隻可愛熊仔。Cafe 主打係西餐同埋甜品，有Waffle，Pancake，樣樣都好吸引。我地點了2 個set dinner，跟住再食甜品。Set dinner 包咗 餐湯+主菜+飲品，餐湯係蘑菇湯，好香濃。- 芝士焗波士頓龍蝦鮮拿破崙海鮮手工面有半隻龍蝦，新鮮彈牙，醬汁偏濃郁，又有魷魚圈、蝦、蜆肉等等。手工面就軟硬度適中，很有口感，又可以吸附醬汁。- 珍寶帶子海鮮喇沙燴飯帶子都幾大隻，燴飯就味道香濃，反而喇沙味道唔太多。我地加錢點咗杯紫薯奶昔，紫薯味好重，好好飲。- 奧斯蜜瓜雪山熱香餅今日既主角出場，外形滿分，似足雪山，伴碟都好靚，打卡首選。蜜瓜夠甜，好好食，不過要自己切，有啲唔方便。上面既熱香餅鬆軟，配雪糕同埋糖漿，味道ok。整體而言，食物有水準，環境舒適，適合朋友相聚。甜品同埋飲品好好食，一定要再試埋其他甜品。