九份•十分 (T Town ) (已結業)

今日入開天水圍搵好耐無見既朋友食lunch,見到有間九份。十分，好有臺灣風味就入去試下。入到去裝修好特別，位置闊落，好舒服。睇下餐牌，有好多野食選擇，我地想坐耐D,傾下計，就叫左幾款小食，牛肉面，甜品同野飲。不過午餐都好多唔同選擇！紅燒半根半肉面（$60）呢個面湯底好入味，面質彈牙，肉質軟林，入口即溶，好味醉小三（醉鴨舌醉雞K豬手）（$88）一黎就聞到好香既酒味，食落去酒味夠又吾會太勁，易入口，豬手爽口，鴨舌係我至愛，醉雞都Ok.芒果軟殼蟹米紙卷（$68）呢個係我最鐘意一個。米紙軟薄，配埋芒果青瓜軟殼蟹，係一個好開胃既前菜。鹽酥三兄弟（$78）可以配埋6種吾同既調味粉，最好食係魷魚酥，好香脆。仲有鹽酥雞同鹽酥香菇。飲品方面叫左黑武士之劍，朱古力配上牛奶冰，仲有珍珠奶茶。甜品叫左芋圓珍珠雙色冰淇淋鬆餅，雪糕既凍冰冰配埋鬆餅鬆軟香甜，好好既配搭。好豐富滿足既一餐，有機會會再黎食過😋

又係一個搵食嘅星期日今日突然諗到上次食過一間好好食嘅鹽酥雞台灣店舖所以今日即刻返去呢度食午飯首先嚟咗呢個珍珠奶茶初初覺得佢珍珠好小但係飲落都夠份量 而且唔甜👍🏻👍🏻呢個麵線都令我哋覺得呢間鋪頭好似去咗台灣一轉 好好食值得推介 冇味精👍🏻呢個飯反而我覺得一般如果下次比我再揀我會揀鹽酥雞

呢間餐廳都開左好耐，但係一直都未食過。頌富呢頭無乜珍珠奶茶舖，所以今晚就黎左呢度試下佢d 珍珠奶茶係點啦！呢杯珍珠奶茶係有泡架！好感動我覺得珍珠奶茶除左要有珍珠之外，台式奶茶最好飲既地方就係有泡泡！！因為港式同台式比，我最鐘意當然係港式啦，台式奶茶邊度好飲架但係台式奶茶佢有一樣好就係會打碎d 冰，所以面頭會一層泡泡依家好多地方都係手搖就算，根本都唔會有呢層泡泡再叉一叉開，其實我最鐘意係以前大家樂既珍珠奶茶，港式凍奶茶用上台式既做法打碎d 冰真係好好飲架 可惜依家大家樂都唔再出凍奶茶lu cry呢個就係鹽酥雞配麵呢個鹽酥雞既調味好好，但係流於表面，一咬左層皮就無左個味道了而且食呢d 雞又唔會好有雞味，所以如果怕熱氣會浸雞落湯既人，再食呢舊雞就應該會覺得無味lu同埋呢個雞呢有碎骨，唔係啖啖肉咁食都唔太爽（直頭有d 多骨tim，肉好少）呢個就係滷味拼盤！其實就咁睇有dd 劣，不過個味都唔錯，食到d 八角既香味呢個拼盤有豆腐、雞翼、蛋、味菜同埋鴨舌我唔記得呢個價錢係幾多，但係呢個份量同埋價錢相比又唔算貴既呢餐就係愉快飲住珍珠奶茶過啦～個珍珠奶茶除左甜左dd 之外，其實都真係好唔錯！好過街邊個d

夜晚兩人來到天水圍T town，上openrice搵定資料先，近年開左好多新餐廳，呢間之前都未食過，見到相都好似幾吸引就黎左呢間。烤台式香腸肉燥飯：條香腸都烤得幾靚，咬落都幾脆口，但就唔係幾聞到有好香的烤腸味肉燥就幾易入口，唔會太梅同太硬古早醉雞米：醉雞不過不失，雞肉唔算太滑，聞落冇出面食過的醉雞咁大酒味個米粉好似比平時家庭裝的一包米粉份量少，如果夜晚只叫呢個醉雞米粉未必夠飽皮蛋豆腐：呢個菜皮蛋同豆腐都甜甜的，又凍又滑，特別係豆腐配的醬汁，滑入口特別有口感，可以作為開胃前菜珍珠奶茶：普通一杯珍珠奶茶，同出面冇咩特別整體都係好味的，賣相幾靚，價錢中等，下次可以再試