好媽媽台灣館 (已結業)

以前食過幾次好媽媽台灣館，一直覺得佢唔錯，簡而美味，有媽媽嘅味道，但最近呢次來水準有些微嘅下滑，但整體都ok😳😳佢有好多套餐選擇，岩哂啲唔想煩嘅朋友，價錢又實惠～ 我地一行3人就叫左一個三杯雞套餐～三杯雞套餐 （$74）✨$74就有咁大碟三杯雞、燙青菜、一碗珍珠白飯和一杯台式飲品，抵到爛😝😝 ✨三杯雞肉質厚實嫩滑，肉量夠多～ 雞髀菇略為乾身，唔夠軟熟... 整體味道唔錯，可惜落得太多油，感覺冇咁健康🙈✨菜心加上半肥瘦嘅肉燥，係一個幾好嘅配搭，肉燥係一粒粒而唔係肉碎！！滷雞翼單叫任何食物加$22都可以有一杯台式飲品加滷豆腐/滷雞翼/滷大腸/白飯，超抵！🤓 滷雞翼嘅滷水非常入味，唔錯～香酥大雞排 （$42）炸皮過厚得來又硬，所以我地都去左啲皮唔食🙈 但其實雞排肉質唔錯，肉厚得來算滑身，配埋椒鹽食都ok～蚵仔大腸麵線 （$40）呢個麵線就比較平淡，一碗有5塊以上嘅蚵仔 & 大腸，麵線口感幾軟淋，湯底味道類似碗仔翅，不過不失～珍珠奶茶奶茶底幾好飲，茶味香濃得來又唔會澀，可惜珍珠比較硬，唔夠軟熟Q彈🙈蜂蜜白苦瓜汁呢杯白苦瓜汁用新鮮白苦瓜打成，仲可以食到苦瓜微粒，有淡淡嘅苦味，配埋蜜糖甜度適中，係

呢排見好多朋友和同事都去台灣旅行,搞到我都好掛住台灣嘅小食......喺openrich見呢間台灣餐廳評價好好,一於就試下啦~~~~蚵仔麵線係鎮店之寶,咁一定要叫一碗來試下啦蚵仔大腸麵線,D蚵仔好大隻,好新鮮肥美大腸好香好淋,個湯都好鮮甜,又唔會太鹹,蚵仔&大腸都幾多,就覺得稀左少少,但都好好味加$22就有個小食&一杯台式飲品滷水大腸滷到好入味,又香又淋鹽水土雞配青瓜套餐$73D雞肉好結實,雞皮又爽口,好好味

今日去太子搵朋友食飯，唔知食咩好，就搵左呢間好多好評既好媽媽台灣館醫肚食完之後覺得果然係名不虛傳價錢親民得黎又好食，係性價比高既選擇。首先上枱既係珍珠奶茶，個人覺得呢杯珍珠奶茶並非傳統既台式奶茶，佢飲落奶味冇咁重，唔會太甜，反而似港式奶茶多D，我覺得好好味！珍珠比較細粒同甜，唔錯。呢碟士林香腸真係100分推薦呀！！！食落有D似台灣腸，甜甜地，外脆內軟，好好食！係呢度要讚一讚店員細心，佢留意到我地淨係食台灣腸冇食佢側邊D蒜片（我本來以為係裝飾），就同我地講原來係要一齊食既。蒜片加腸仔一齊食又係另一種感覺，因為蒜片有少少辣同比較重口味，同台灣腸都幾match，但係我個人都係比較鍾意就咁食腸仔XD佢個滷水拼盤亦都相當唔錯！有雞翼、牛肉、大腸同豆腐4樣野，我最鍾意雞翼同大腸。雞翼好入味，炆到淋淋地咁好好食；大腸亦到好有咬口，同埋感覺洗得幾乾淨冇怪味，好食！蚵仔煎係依間店嘅必食款，同平時食嘅感覺唔一樣，除咗蚵仔好大隻同幾新鮮之外，食落好似有D麻糬咁，好有咬口。 蚵仔煎下面有芽菜同韭菜， 上面加嘅醬更加將佢個味昇華，值得一試。叫左咁多野都唔洗$250，食物質素又唔差，性價比幾高下次都仲會再食

都話M佬鐘意去台灣食嘢㗎啦，之前去完，今次又話要食台灣嘢，話好掛住台灣嘅味道喎!!! 今次去太子好媽媽台灣館試下媽媽嘅手勢先!!珍珠奶茶食台灣嘢無理由唔飲珍珠奶茶嘅，茶味好香濃，唔係奶，珍珠就夠腍，不過唔夠甜。香酥大雞排每次去台灣夜市都必定會買份香酥雞排，好媽媽嘅雞排新鮮炸起，熱辣辣。雖然外面嘅炸皮炸到同啲肉分開，不過一啲都唔厚，香脆鬆化，入面嘅雞肉好嫩滑，又夠Juicy。皮蛋涷豆腐分量比想像中大，涷豆腐好滑，好香豆味，上面有青瓜絲同皮蛋。最鐘意好膠嘅皮蛋黃，配埋甜甜嘅醬汁，層次好豐富。我家三杯雞三杯雞係台灣經典菜，三杯係指麻油、醬油同酒各一杯，味道又甜又鹹，加埋爆香嘅蔥薑蒜同九層塔，真係好香!! 雞肉好滑，仲有啲菇，好爽口。好媽媽肉燥飯識食梗係食肉燥飯啦，不過份量比較少，肉燥好香，肉碎中又有少少肥豬肉，正!! 隻滷蛋都好入味，配埋酸菜!肉燥燙青菜很地道嘅台灣油菜，青菜係選用通菜，都好新鮮好靚，唔會太老，加埋少少肉燥，唔會太淡。另外，特別喜歡枱上嘅小句子，很有台灣特色，真係好似去台灣咁!

放工和朋友出太子好媽媽食台灣菜, 我們點了培根炒高麗菜, 鹽酥花枝丸、滷水拼盤、滷肉飯、牛肉面套餐、香酥大雞扒配珍珠奶茶。培根炒高麗菜, 高麗菜新鮮炒得好滑, 煙肉味道剛剛好, 不會太鹹；鹽酥花枝丸燒得香口, 花枝丸爽口彈牙；滷水拼盤有朱大腸, 豆腐、雞翼和牛肉, 朱大腸彈牙爽口, 豆腐好腍好夠味、雞翼好夠味, 汁夠濃, 牛肉鮮嫩爽口和入味, 整個拼盤好高水準；滷肉飯有酸菜, 肉燥和蛋, 酸菜味道適中, 肉燥味道香濃、飯好甘香和蛋好香滑；牛肉面有紅蘿白, 白蘿蔔和牛肉, 牛肉好腍, 好有口感有種入口即溶的感覺,牛肉湯好足料香濃, 紅蘿白和白蘿蔔好新鮮, 面條好入味爽滑, 香酥大雞扒配珍珠奶茶, 雞扒煎得香脆, 肉質鮮嫩, 配上胡椒粉更突出鮮味；珍珠奶茶, 奶茶味香濃, 珍珠味道剛剛好, 整體食物不錯, 好食的台灣菜,下次可以再試!

伏⋯又一中伏⋯位於荔枝角道x鳳餐廳隔離嘅「好媽媽」⋯台灣食品餐廳。是日晚餐只是漫無目的偶爾到來，初初感覺不錯，因為門外貼有「飲食x女」專訪文章，心諗應該可以一試吧！接近夜晚八點嘅時間，店內只有客人四五人，店內裝修簡單，地方算寬敞。餐牌選擇都唔少，價錢標示亦唔貴，第一個感覺頗良好～ 直接介紹一下以下食品先～好媽媽招牌魯肉飯$22細碗裝 一碗仔飯嘅size,肉燥味道濃郁，真係幾唔錯，不過略嫌份量少左啲，用嚟送白飯就一流喇！酸菜作配菜，小小酸仲帶小小辣，味道有驚喜。滷蛋賣相就奇差，冇乜味道可言。蚵仔麵線$35 賣相唔差，蚵仔漲卜卜都幾大粒下，味道還可以，最緊要唔好有腥味！麵線質感都幾好，頭兩啖入口味道都唔錯，可惜就愈食愈覺得咸，醬油味太重，味精亦太重，引致之後幾個鐘仍感口渴。芫茜唔新鮮，所以味道好淡，只能取其色，不能嚐其味！台式椒麻雞 原以為係雞件上，上檯先知係雞扒切件上，有點失望！味道係有點特別，辣辣地又帶小麻麻地，但就未至於係驚喜作品。雞肉質感算唔錯，唔乾，但雞皮卻偏肥偏油，嚼唔到⋯$48一塊煎式雞扒，呢個比較上貴左啲喇。珍珠奶茶，奶味偏淡，珍珠煮得唔夠腍，味道麻

我的朋友跟自己去台灣旅遊皆視作回鄉,每次回家也盡力地吃喝玩樂,可是每次回鄉也只有幾天的時間,可吃的想吃的也不一定能夠完全完成,總認為還有很多很多未及品嚐,每當知道香港有台灣菜館出現後,總會找個機會去嚐試一下。隨著曾是最喜歡的程班長愈來愈火紅,人龍愈來愈長而感覺不太一樣後,近日得知太子新開了另一家好媽媽台灣館,趁著弄頭髮之便來看看這位台灣媽媽水準如何好了。跟馳名港式扒房金鳳為鄰,從遠處看到一堆等位客人,就會知道這店位置,如果不想在金鳳等得太久,這位台灣媽媽也會幫到你,只因門前這片圖片精美的大餐牌,總會讓人有想吃的衝動。午餐價格也蠻實惠,三十多元一款已配飲品,只是是日我的選擇並不在此,就算價錢吸引也動搖不了。客人安坐之後,店員隨即送上熱湯一碗及熱茶一杯,叔叔一句:"飲碗熱湯先",好讓剛從冷風中來到店中的客人有點溫暖。豆腐粒紫菜玉米清湯加入蚵仔不就是餐牌其中一款台灣湯水??湯底看來清淡如水,實際是有著淡淡紫菜香,滑溜豆腐粒數量不少,好讓胃胃不致太空虛,一小撮微甜玉米更是我認為最好吃的食材。 餐牌中的單點可另加$20成為有前菜及飲品的套餐,是日選了台式炒米粉($45)成為午餐,炒米粉比想像中大