梅之味 (麗都大廈) (已結業)

今日七點先放工，經過蘭杜街時，望一望梅之味既門口既餐牌，發現餐廳2-3人套餐全部$300內，可謂經濟實惠，加上自己都有一段時間冇食過台灣菜，所以我認為一試無坊。- 宮廷醬茄子🍆賣相幾靚，好多人對茄子既味道不敢恭維，呢道菜式用左香甜既醬汁，令茄子本身味道無咁強烈，同時外皮仍然煙韌清爽。- XO醬炒三寶「乜又係啊陳生」，我又見到茄子啦！原來三寶指既係苦瓜、四季豆同茄子。雖然XO醬幾百搭，但我對苦瓜同XO醬既配搭有少少懷疑🤨，不過食落味道又唔錯。- 左宗棠雞球雞球外形有啲似咕嚕肉，但外皮更香脆。味道同樣酸酸甜甜，嚴格來講酸度冇咁強烈。另外加咗辣椒一齊炒所以帶少少微辣😳，入面既雞肉非常嫩滑，絕對可以令我食多一碗白飯。- 肉燥飯套餐加多$18就可以轉肉燥飯，飯入面加咗紅米，口感偏硬，滷肉肥瘦適中。- 珍珠奶茶🥤自己一直覺得台式餐廳嘅珍珠奶茶比較普通，不過梅之味既珍珠奶茶的確唔錯喎😏，奶味幾香，珍珠有黑有白，甜甜地兼煙韌。估唔到左宗棠雞球咁出色。如果只可以選擇一款菜式送飯，我一定選擇梅之味既左宗棠雞球！

本打算今年好姊妹生日, 去轉台灣旅行, 點知疫症已經半年, 還未有好轉, 台灣之旅又無了期押後, 唯有今晚去食餐台灣菜過下口癮啦!位於灣仔同金鐘地鐵站交界, 一間小小台式料理, 地方企理, 除左散叫, 亦有套餐選擇。  【菜脯煎蛋】HK$70比預期中薄, 夾住鹹香菜脯粒同埋蔥粒, 入口有層次, 加上蛋甜味, 唔錯~ 【紅燒牛肉麵】HK$80湯底不會太濃郁, 味道清甜, 牛肉炆得超林, 有肉香, 索到個湯底精華, 好入味。麵質QQ彈牙  【左宗棠雞】HK$118無骨雞件被炸過, 表面平均有醬汁包住, 但炸皮依然好脆脆地, 內裡keep到juicy肉汁, 表面醬汁甜甜地又少少辣, 好惹味, 如果送飯, 一流!【珍珠奶茶】HK$28 加左$5額外加胚牙, 奶味偏重, 珍珠全熟, 中心位不會有生麵粉既韌, 有唔少胚牙, 啖啖麥香

琴日響灣仔等朋友收工，佢話想試下新野，經過呢間主打台式料理既餐廳，見餐牌上款式幾多，有些菜式係其他餐廳亦好少見，決定入黎試一試我地叫左蚵仔酥（$68），熱辣辣即炸，且口感酥脆，店員建議將蚵仔酥蘸自家辣椒醬食，雖然唔算好辣，但令蚵仔酥既味道即時提升，好惹味！朋友話想試下左宗棠雞（$118），佢話係香港比較少見呢個菜式，而我就第一次食！賣相好吸引，雞件嫩滑，而外皮炸得香脆，淋上糖醋汁但酸度無咁明顯，感覺似食緊韓式炸雞，一家要試！另外，我地仲叫左台式香腸炒飯（$82），亦係呢度必試之一～香腸切粒，油香味十足，而蛋炒飯炒得乾身且粒粒分明，配埋切左絲既高麗菜，增添一份爽口，十分好吃！最後，我地仲試左凍既珍珠奶茶（$28），店員話可以揀少冰少甜，岩哂想飲但怕肥既人士～整體黎講，呢度環境光猛，而且乾淨企理，看得出店主重視餐具既衛生，這一點令我印象深刻！另外，店員態度親切，會主動介紹餐廳既招牌菜同幫忙加水，絕對能照顧顧客的需要！