梅之味 (麗都大廈) (已結業)

見OpenRice 做緊優惠$28一份炸雞粒， 算係幾抵，所以就買嚟食下， 點知又係中伏。豆乳炸雞$28（特價）$28 而言呢個份量絕無欺場。但一望都知啲乾到 一個點中間啲雞肉未至於乾到柴，但肉汁無， 嫩滑更加無佢份油淋淋就感覺，越食越油越膩粉感粉味極重若隱若現有啲豆乳味？ 我都分唔清。整體都係好乾，仲食到有啲雞肉有雪味，雖然比例唔高，但本身已經唔好食，再加上呢個缺點再扣分，好彩以$28 特價試食，難怪平時lunch hour 經過都唔係客滿。 好處係佢都係即叫即炸，用App 點行過去拎，都等左５分鐘左右。

灣仔做嘢經開，有間台灣小店「梅之味」，主打台灣菜，睇左餐牌，唔算平但嚟試試好唔好食餐牌有不少選擇：肉燥滷蛋便當、紅燒牛肉麵、珍珠奶茶🧋（都係台灣常見的食物）生酮低碳便當🍱$88（加雞扒）CP值：⭐️⭐️⭐️⭐️（3.5/5）燒汁雞扒，滑嫰嘅雞扒不錯吃。下面係椰菜花飯🥦米飯鬆軟，加埋椰菜花的脆嫩口感，食落幾有層次感，不過就沒乜味，要撈埋雞扒啲醬汁。份量適中，都係一個健康之選整體嚟講係ok嘅，如果平少少或者送嘢飲會更好😝

一個人到灣仔食lunch，屋企人話呢間野味道唔錯都算抵食，所以決定嚟試吓，但整體嘅體驗真係好差。我係一個人，平日1點鍾到嘅，當時現場都算多空位，但店員都係要安排我坐喺一個超尷尬嘅位置，而且店內面積本來就唔大，點解係都要安排我一個人坐喺果個位置（圖下單人枱嘅另一半位置）？之後我向店員要求調去一張單丁嘅空枱，佢哋堅持就算坐果啲枱都要同人夾枱，過左2分鐘都有一個女仔自己一個人入左店舖，但店員就安排咗我本身要求嘅果張枱比佢自己一個人坐，所以請問係歧視定係點呢？明白繁忙時間要搭枱坐，但當時店內空位極多，完全唔明白店員點解要咁樣安排，非常之不愉快。（當時店內環境，都有比我後入嚟嘅一個人喺可以自己一個人坐）食物方面係真係唔錯👍🏻，但真心建議一個人就唔好喺繁忙時間嚟啦!

本身餐牌有既選擇唔多，但佢下午茶有85折，就入左去試試。叫左個古早味肉燥滷蛋便當同紅糖桂圓茶，一共66蚊，係灣仔區黎講算係咁啦～肉燥飯係幾好食，份量都大，但最驚喜係去個嘢飲，暖笠笠既桂圓茶真心唔錯！

黎間餐廳位處於灣仔蘭杜街， 位置相當隱蔽，因為喺內街入面。見門面都幾光猛，同埋好耐冇食台灣菜，就同朋友入去試下。我地入座既時間係星期日7：30，有幾枱客坐係度，店員有兩個，應該一個係員工，另一個收錢既應該係老闆。我地最後選佐純4人卡位黎坐。坐位都算幾闊落，兩個人坐絕對綽綽有餘。再講下食物質素。我地叫佐一個2人set，有兩個飯，3個餸，兩杯野飲。(1) 花枝丸 花枝丸用佐好多魷魚，差唔多啖啖都係魷魚黎。食得出用佐回椒粉去掩，回椒味配上充滿咬牙既魷魚好和味。(2)三杯雞 雞最緊要林身，呢個三杯雞既雞既肉質嫩滑，唔會煮得硬，值得一讚！ 唯一可以改善既就係好多姜，有時候以為係雞點知係姜黎。不過啲姜放入口都唔難食。😂(3) 蒜蓉時蔬椰菜要炒得好食同係咁容易，佢地用佐好多油去炒，入口時淡淡油香，令平平無奇既椰菜昇華。唔介意多油既先好叫呀！ (4) 柚子蜜同出面餐廳既柚子蜜一樣咁好飲，飲到最後，連柚子肉都食埋。最後埋單 248蚊，每人都係124蚊，都算抵食！

黎梅之味食咗好多次，食物質素算唔錯，感覺係幾正中嘅台灣嘢。Lunch黎講，$70幾一個便當，有時食擔擔麵，配炸雞排，算係不錯之選。便當有唔少配菜，一定食到你飽。

星期五諗住簡簡單單食個晚飯，喺灣仔見到呢一間好似唔錯嘅台灣菜，點知真係中哂伏🤷🏻‍♂️叫咗一個二人餐 $288，套餐包一個小食、一個主菜、一個蔬菜、兩個飯（轉肉燥飯加$18）同埋兩杯野飲。點知想切菜，足足等咗一個鐘🤷🏻‍♂️ 真心唔理解🤷🏻‍♂️唔知道係間鋪嘅問題定係個廚房嘅問題，因為在場嘅顧客，唔止一台都等咗好耐。隔籬枱個叔叔因為等得太耐想叫埋單，點知個侍應同佢講話煮緊煮緊，最後佢都係同我哋一樣差唔多等咗一個鐘多啲是上齊菜。真心無下次🤷🏻‍♂️

我地黎試咗一次之後就一星期之內黎咗第二次！😘好好服務，水煮牛一流，臭豆腐都好好味（非常正宗），蚵仔煎蛋好新鮮，同埋份量十足！好有人情味的台灣小店，值得多多支持！

今天中午約了同事食午飯，星期五周圍都很多人, 趕着回公司開會，所以來了呢條很出名的食街速食，朋友想食台灣菜，就來梅之味！這間店主打傳統台式便當，每天都有不同的小菜款式，包了前菜小食煮食和白飯，價錢很抵食！我叫了蒲燒鯛魚便當，蒲燒鯛魚的份量很多，燒得非常入味，魚肉鮮嫩多汁，蒲燒味很濃！有蔬菜及蓮藕十分健康，蛋餅也十分正宗！朋友叫了台式肉燥滷蛋便當，肉燥蛋味濃郁，送飯一流！餐飲叫了凍檸茶和珍珠奶茶，檸檬茶茶味夠濃。珍珠奶茶是絕配！奶和茶份量平均，不會太甜。

今日做野關係，行到金鐘與灣仔附近，想搵下有咩好食，就比我發現在蘭杜街，有間抵食嘅平價小店「梅之味」，主打台灣菜，睇左菜牌看，真係有不少選擇：肉燥滷蛋便當、香酥雞扒便當、紅燒牛肉麵、珍珠奶茶等…真係樣樣都想食…台式肉燥滷蛋便當便當來到時除了有香濃肉燥、鬆化滷蛋，更有卷蛋、蔬菜、蓮藕片等… 多款配菜，真係非常健康之選。台式香酥雞扒便當+珍珠奶茶香酥雞扒便當同樣有多款配菜：卷蛋、蔬菜、蓮藕片，而且香酥雞扒份量大大塊，雞扒入口嫩身，不油膩，啖啖滋味。珍珠奶茶奶茶順口濃醇，珍珠煙韌有嚼勁，口感層次豐富。

中午太早食午飯 ，見肚子餓放工早早走去同同事食個晚餐先始終冇得去旅行就唯有去食台式美食。入到鋪面設計簡潔，坐位寛濶，第一時間看到餐牌就見到有便當選擇，有浦燒鯛魚便當🍱同台式香酥雞扒便當兩便當都用一大盤盛放，有三小食配上。小食中有其中一款為蛋卷類，內有仍有其他配料的挺特別，另外就青豆之類的食物。浦燒鯛魚是同事點的，脆脆甜甜的，對我來講很開胃而香酥雞亦炸得很香口，雞身夠嫩滑，味道不錯。我通常去台式店都會試下飲唔同鋪的珍珠奶茶及凍檸茶，此店的茶確係不錯的，值得一食。

🐝 梅之味 (麗都大廈) (灣仔)🐝༶ ༶ ༶ ༶ ༶ ༶ ༶ ༶ ༶ ༶ ༶ ༶ ☾ ༶ ༶ ༶ ༶ ༶ ༶ ༶ ༶ ༶ ༶ ༶ ༶今日好想食台灣嘢，就同朋友去左灣仔一間台灣餐廳到食台灣便當😋，食完即刻好想去台灣一轉😆‼️✨椒鹽蚵仔酥脆推介！外層就酥酥脆脆，入面鮮嫩多汁🤩💗好有台灣嘅風味，唔可以錯過😍✨滷香豬扒便當豬扒好大塊，食落好鬆軟，又有肉汁鎖住，好正😋🌟，仲有蕃茄炒蛋同西蘭花做配菜，相當豐富🤣🤣👍🏻✨蒲燒鯛魚便當鯛魚份量啱啱好，個汁都調得好好，唔會太鹹又唔會太甜，另外配菜仲有雲耳同瓜，唔會太dry😍‼️༶ ༶ ༶ ༶ ༶ ༶ ༶ ༶ ༶ ༶ ༶ ༶ ☾ ༶ ༶ ༶ ༶ ༶ ༶ ༶ ༶ ༶ ༶ ༶ ༶整體評分食物：🤍🤍🤍🤍服務：🤍🤍🤍🤍環境：🤍🤍🤍🤍價錢：🤍🤍🤍🤍🤍༶ ༶ ༶ ༶ ༶ ༶ ༶ ༶ ༶ ⌁⌁⌁ ❤︎ ⌁⌁⌁ ༶ ༶ ༶ ༶ ༶ ༶ ༶ ༶ ༶📍 灣仔蘭杜街2號麗都大廈地下2號舖

男朋友之前食過 話個鴨血臭豆腐好好食 就帶我去食 。果然 個台式麻辣臭豆腐堅好食 好入味！送飯一流！下次一定要再叫 內有臭豆腐、豬大腸同金菇 配搭得好好味 另外 亦叫左蒜香四季肥腸 都超好食😋 蒜香好正！好惹味！食唔停口 老闆娘仲好好客 認得我男朋友 請我地食台式鹽酥雞 😋 雞肉內炸完都仲食到肉汁 叫左兩杯野飲 我飲蜂蜜綠茶茶底 好正！ 價錢又唔算好貴 一般茶餐廳價錢 就好滿足 好似去左台灣咁！老闆娘都同我地講普通話 好想飛呀！下次再試食其他先！🤪🤪

今日下午黎到呢間梅之味台式餐廳，中午時份人流算不多，坐位都偏窄，不過在灣仔區我想大至都是這樣子。好快我選定好一客便當，滷肉豬扒便當加一杯凍既清茶，好快餐便送到來，便當很有台式風格，一格格分得很整齊。先試豬扒份量都好大一口咬落很入味很鬆軟，雖然沒有肉汁但都算是不錯的豬扒，有個鮮冬菇煮蛋，呢個就比較淡，椰菜味道都ok，另外有一個蘿白片就非常好味，又入味又爽口，最後還有幾粒提子做飯後果，是台灣製造嗎？味道鮮甜清新，都算係物有所值埋單72蚊。

台灣老闆娘親切的問候、食材新鮮、味道也是很有回家的感覺超讚、經歷過多少才能煮到家的感覺回憶一下子都回來了、在香港也工作了一段時間、也很少有店舖可以做到如此台味。