兄弟工房 (已結業)

星期六去開沙田整啲嘢，加上啱啱有新鐵路🚞，所以就試下搭咗去石門，順便食個Brunch。原來石門站一出有唔少食肆，本身想食嗰間大排長龍，就再睇下有乜好食啦。見到有間叫兄弟工房嘅餐廳有提供Brunch Menu，環境又幾Chill咁，就試下啦😉。Brunch有8款揀，由$78-$118不等，奉送冰茶及餐湯，價格正常。款式都幾多種類，包括沙律、意粉、意大利飯、炸魚、全日早餐同牛扒等等。我相信總有一款會啱食😝。餐湯係南瓜忌廉湯🎃，幾Creamy又夠濃，唔錯。班尼迪蛋配菠菜煙三文魚($108)，我最近都愛上咗食Egg Benedict🥚，呢到整得幾好，塊Muffin包包夠鬆軟，蛋係爆漿的，而且搭上荷蘭汁配煙三文魚，全部都係我鍾意食嘅🤤。明太子忌廉汁炸蝦意大利粉($88)，意粉造型吸引，有三隻吉列炸蝦🍤。意粉口感ok，我主要欣賞嘅係佢個明太子忌廉汁，好好食好惹味😋，而且仲配有唔少菇同蘆筍。呢碟份量都多，食完會夠飽。餐飲方面，我要咗呢到嘅招牌凍橙茶Iced Orange Tea🍊。唔係講笑，呢杯真係超好飲！我無喺第個地方飲過呢隻口味，有淡淡嘅橙香，但無橙嘅酸澀，又無渣；總之就同個紅茶好夾。我直頭想喺

班尼迪蛋配菠菜煙三文魚($108)，賣相非常吸引，上菜時兩隻蛋不停咁震震下，一切開d蛋汁簡直多到滿瀉，非常滑，配埋鹹鹹地既煙三文魚同埋底層煙韌既麵包，口感層次豐富。香烤紐西蘭西冷扒($118)，同樣賣相都好吸引，有燒烤既網紋，牛扒厚度適中，最重要夠嫩滑易切易咬，覆蓋住其實仲有翠肉瓜和蕃薯仔，咁就唔怕淨係食肉會容易肥。餐湯，係跟餐附送，雖然冇寫明係咩湯，但飲得出有薯蓉既味道。凍檸水，同樣跟餐附送，唔使加錢。

今日喺石門上堂前同朋友搵左間餐廳食Brunch 舖面整潔 店內座位唔多 午市差唔多坐滿 我地order 左兩個套餐大家share食 跟餐包括是日餐湯同飲品 假日黎講價錢算幾經濟 是日餐湯甘荀湯味道唔錯！調味足夠 食到湯入面有啖啖甘荀蓉 口感creamy豐富 班尼迪蛋配菠菜煙三文魚($108)我同朋友都好中意食egg Benedict尼度既egg Benedict除左賣相吸引 配搭既sauce都好好食 有香濃牛油同蛋味 流心蛋令到muffin更加鬆軟濕潤 加上少許黑醋沙律 令整體更fresh同中和左肥膩感 香烤8oz紐西蘭西冷扒配薯菜 ($118)西冷扒既size偏大 有少少筋 但牛味濃郁 而且算juicy 配菜有翠玉瓜同車厘茄 燒得岩岩好 有烤既味道 幾惹味 有埋餐飲呢個brunch份量真係夠哂飽 由上完堂到夜晚晚飯時都未覺得肚餓 尼個價錢值得再試！

沙田石門而家開左好多餐廳，所以我尋日又去動去石門揾食🤪見到呢間餐廳，雖然舖頭細細間，但裝修簡約又温馨，所以同屋企人決定入去食返個lunch先😙是日餐湯係西蘭花湯，當中有洋蔥🧅西蘭花🥦好似仲有薯仔蓉，口感好creamy但味道又好清新，一啲都唔膩👍🏻班尼迪蛋配菠菜煙三文魚﹕賣相一流﹗望見已經好吸引🤤🤤面頭嘅荷蘭醬配埋班尼迪蛋真係好夾﹗荷蘭醬酸酸甜甜，濃稠滑溜，令雞蛋變得好特別，好似起左化學作用咁，好神奇﹗煙三文魚本身都好香，菠菜本身亦已調味。拆開食本身都已經好唔錯，夾埋一食更加不得了。其實越係用材料簡單，要做得出色反而更加唔易﹗香烤8oz西蘭西冷扒 ﹕唔知係咪因為牛扒係香烤，佢好似比一般煎牛扒多左重香氣🤗而且扒既牛肉味好香濃😋脆肉瓜好清甜、爽口，而且大大件。薯角好香脆，而且味道鹹香，好好味。不得不提餐廳嘅橙茶🤩因為佢除左有好香嘅紅茶味，仲有好濃嘅橙味😚成杯有好多橙肉，每飲一啖都飲到橙肉粒㗎😍正﹗