花甜囍室 (已結業)

今日同朋友放學後去咗太子逛一逛，經過呢間台式飲品店，原來又係一間台灣過江龍，當然要試一試，每人一杯，總共叫咗三杯。小柚柚茉莉綠茶幾乎啖啖都飲到西柚粒，而且西柚粒剝晒皮，非常細心。茶底非常香濃，普遍香港台式飲品店嘅飲品都非常甜，平時一定會係少甜，微甜等等，今次唔記得叫少甜，但甜度適中。花現黑糖愛珍珠嘅牛奶味非常濃郁，珍珠用黑糖炒過，煙韌之餘甜甜地。整體牛奶味最為深刻。琥珀歐蕾係由招牌烏龍同牛奶沖製而成。可以見到有漸層layer，入口唔會太膩，奶味非常純厚。電話冇電，不過好彩店舖有移動電源租借站，我先可以拍照打卡。花甜囍室位於嘅街道有起碼五六間台式飲品店，我間間都有飲過，但花甜囍室係最。

太子茶飲店開嘅速度拍得住旺角，呢間主力sell即煮黑糖珍珠，不過我都係唔飲甜的，所以叫咗另一個熱門推介：琥珀歐蕾。琥珀歐蕾 $28呢個價錢實在是抵玩，但難飲的話都係浪費。琥珀烏龍係佢哋嘅五大茶底之一，烏龍味道夠濃郁突出，加咗奶都依然好出味，因為我飲熱同無糖，如果茶味唔夠其實好難飲，但佢個茶嘅比例同茶葉本身夠撐，而牛奶都用上明治牛奶，熱飲中都飲到滑嘅感覺，不過店員製作速度可以快返少少，無人都等近10 分鐘先有=-= 總括而言係可以encore的。

近排趕住辦年貨， 每日放工都要東奔西跑 油尖旺三個地方， 昨晚也是一樣吧， 真是累透了！ 經過太子見到一間名叫花甜囍室， 一問店員之下知道這間是台灣過江龍， 對於我這個台式飲品控來說一定要試一試！ 看見餐牌上有幾十款飲品， 令我花多眼亂的情況下， 我都是選擇熱銷排行榜 的花現黑糖愛珍珠$30，琥珀歐蕾$28。花現黑糖愛珍珠 ～ 珍珠質感偏林帶有少甜和比較軟身，用明治4.3特濃牛奶，令到飲品更加香滑， 飲品甜度適中，不會好像一些台式飲品只有死甜。琥珀歐蕾 ～ 烏龍與牛奶完美比例，烏龍茶不太濃烈，配合牛奶襯托出清新的味道。現在我們常常都可以見到很多台式飲品店， 但每一間都有自己獨特的風格，我們亦可以試到不同的口味， 真是很幸福！

太子又有新嘅茶飲店開張喇 👅 今次呢間花甜囍室都係台灣品牌 👀 系台灣叫做花好月圓，店主話同朋友係台灣試咗好多間之後搵到佢哋俾佢哋嘅飲品質數驚艷到 😌 呢間飲品店我希望佢第日開到嚟港島我諗我真係會日日去飲 👍 飲品製作好有心機，細節位全部都好著重 🙇 唔馬虎，仲有好多用料都有系台灣🇹🇼個邊帶嚟添事不宜遲率先介紹三款飲品俾大家啦花現黑糖愛珍珠 ❤️ ($30)呢個世代做得茶飲店當然唔少得招牌黑糖珍珠鮮奶啦～佢哋嘅珍珠都係每日自家熬製+2個鐘先開賣 😆 重點係珍珠嘅口感好得我心 ☺️ 完全超班 😙 咬落偏軟比較淋身，size 唔系好大粒，唔會越飲越飽滯～但攪拌之後又會隨著飲品變凍而變硬。絕對拍得住銅鑼灣個幾間 🤗 又唔晒排隊小柚柚茉莉綠茶 ❤️ ($32)呢杯真係唔可以唔試，如果你唔想飲珍珠鮮奶又唔知飲乜就飲佢啦!!!首先好佩服店主佢堅持連生果都台灣運過嚟 😉 店家處理柚子好認真，由於層衣已經剝晒，飲品完全唔會有葡萄柚平日嘅苦澀味。淨低落嚟就只有清新同清甜。建議嗌半糖已經可以，咁樣先飲多水果嘅原汁原味琥珀歐蕾 ❤️ ($28)佢哋主要不 sell 嘅茶飲有兩端：烏龍茶同埋貴價啲嘅金鳳王，兩種茶嘅茶