祥發茶餐小廚

營業中

休息中

《不可不試》瑞士餐A+B+E瑞士雞髀+西多士+特濃芝士汁豬扒幼意粉+凍香芋牛奶$61🔴A: 瑞士雞髀雞脾嫩滑多汁每一口咬下去都感受到雞脾肉質的鮮嫩再加上甜而不膩的瑞士汁豐富口味🤤🤤使其成為美味又滿足的招牌菜😋😋🔴B: 西多士西多士煎到金黃香脆口感做到外脆內軟❤️❤️配搭上內餡花生醬，大塊牛油以及煉奶成為一道極度邪惡的美食🤤🤤🔴E: 特濃芝士汁豬扒幼意粉豬扒意粉口感及味道皆一般但芝士汁味道濃郁每一口皆充滿奶香及芝士的滋味😋😋🔴凍香芋牛奶香芋味道比較化學但味道香甜兼解渴👍

瑞士雞髀真係必食喎🍗，超大份抵食自選小食lunch😛！・・・・・・・・・・・・・・・・・・・・招牌推介：《不可不試》瑞士餐A＋B＋F HK$60🍗 瑞士雞髀・味道：就係你幻想中嘅好味！滷得超入味嘅雞髀，甜甜鹹鹹咁好正好送飯！・口感：仲keep到滑嫩雞髀口感，唔老唔柴幾彈口。🍲 小食拼盆（豬紅＋蘿蔔＋魚蛋）咖哩汁・味道：港式咖哩味，配埋炸蒜好香口，全部小食都正常發揮！・口感：豬幾彈口，蘿蔔夠淋，魚蛋動L動L彈口的！🍜 櫻花蝦濃湯魚肉春卷米粉・味道：呢個就普通啲，係魚湯加櫻花蝦。不過好多櫻花蝦令到個湯更香蝦乾味，魚肉春卷有啲似南記嘅XD・口感：魚肉春卷彈牙不錯吃～🍹 凍蒟蒻柚子茶 +HK$4・味道：就是普通的柚子茶加罐頭啫喱，小朋友最鍾意的keke・口感：沒有口感可言XD・・・・・・・・・・・・・・・・・・・・🤰性價比：高～🤰9衝度：9衝～🤰結論：個餐牌有啲複雜但幾好笑哈哈，嘢食都不錯！・・・・・・・・・・・・・・・・・・・・

呢間其貌不揚嘅餐廳我夠膽講係全香港最好食既瑞士雞髀雞翼成日經過北角都忍唔住要過嚟食今次終於記得幫佢寫食評呢間餐廳係可以好多選擇呢樣都係我鍾意嚟呢度食嘅原因有時想食下甜可以嗌甜品有時想食下鹹又可以買炸嘢食重點都係好平好抵食男朋友嗌左個貼起上面嘅期間限定瑞士雞髀八爪魚鹹蛋飯（$50）見唔見到張相真係好好食最好味當然係雞髀啦我鍾意佢夠甜！夠淋！夠入味！當然佢唔會話好有雞味啦但係佢絕對唔會食到有雪味因為真係好入味㗎仲有隻鹹蛋出晒油連侍應姐姐都話隻鹹蛋好靚好好味呀！不過個八爪魚就普通咗啲（凍既）同埋加埋一齊好似唔係好夾不過我諗唔夾都係呢間餐廳嘅特色嚟有少少似車仔飯或者車仔麵到我啦我除咗嗌咗瑞士雞髀之外仲嗌咗5隻瑞士雞翼（$18）瑞士雞翼一樣咁好食另外配左個燒鰻魚炒雜菌飯雜菌夠大方！夠晒送飯仲要有個汁撈飯好正但係個鰻魚有啲細塊唔係咁夠味但$48仲想點$48仲要包埋以下嘅吐司呢個係朱古力煉奶吐司都幾好味㗎係塊麵包乾咗少少相對雞翼來講就失色咗啲仲有呢間茶餐廳唯一唔好嘅就係無論飲咗幾多次佢哋嘅熱飲都係好淡唔好味 哈哈整體來講服務好好㗎落單個姐姐好有禮貌食物唔使講又平又好食瑞士雞髀係推介黎唔係太好嘅係地方

今時今日我在無論是在西貢，抑或是在市區都經常會遇到一個問題，就是如何在同一間食店裡面，享用「午餐」或者「晚餐」的時候，能夠在同一餐飯裡面享用到「牛肉」跟「雞肉」呢？如果那間食店的餐牌裡面，已經提供餸菜包括「牛肉」加「雞肉」在內「鴛鴦扒飯」、「公司飯」又或者是「雜扒飯」的話，對我來說當然是最好不過的一回事，免得我花錢叫太多的食品。但是如果該食店很不幸地，沒有同時提供「牛肉」跟「雞肉」的「碟頭飯」食品，「鴛鴦扒飯」，「雜扒飯」設定又不幸加入我平日不會食的「豬扒」，我就可能要另外再找其他食店，或者在餐牌裡面苦苦搜索「替代方案」。不過，「牛扒加雞扒飯」這個看似很棘手，很不容易組合達成，難以解決的問題，在我去到位於香港島「東區」裡面的「北角」，「七姊妹道」旁邊的食店「祥發茶餐小廚」之後，問題就立刻被解決了。而且「祥發茶餐小廚」解決「牛扒加雞扒飯」這個看似十分棘手的問題，實際上需要食客付出的金錢代價，原來沒有你我想那麼昂貴，只需要付出港幣四十至五十元左右，就可以輕易解決。因為「祥發茶餐小廚」的餐牌裡面，專門設置了一項名稱叫做「【不可不試】瑞士餐」，顧名思義，食客都是從「祥發茶餐小廚」「【不可不試】

平時都唔會點嚟北角， 所以今晚有嘢做嚟到北角都唔知食啲乜嘢好！ 然後我個friend知我鍾意食雞髀，就帶我呢呢間茶記食好西。一入間茶餐廳，見到好多人都食緊雞髀，我就已經決定咗一定要叫雞髀食，所以叫咗一個瑞士餐！ 但係要留意，呢個餐都有好多唔同嘅配搭，所以又係要我好努力先做到決定😂上餐速度好快，話咁快我嘅瑞士雞髀、魚皮餃公仔麵，同埋西多士就喺曬我面前！首先個瑞士汁鹹甜嘅味道都掌握得好好， 雞髀亦煮得好入味，所以無論手食定係用刀叉食，都可以好容易食到。我個friend個教我叫公仔麵，因為咁樣就可以善用埋啲瑞士汁嚟撈公仔麵。真係好好味！！！西多士賣相吸引，而且入面有層花生醬，真材實料！ 最令人窩心嘅就係，我食食下老闆娘提我記住趁熱食！！ 真係要充滿人情味嘅茶餐廳先搵到！呢一個晚餐，其實我都冇乜點講過嘢，因爲我掛住食，而且餐廳性價比較高， 值得我下次再幫襯！

祥發茶餐小廚位於北角七姊妹道，是以家庭式經營，主打瑞士汁雞髀的茶餐廳。餐牌選擇眾多，價錢實惠而且味道尚佳，一直深受街坊們的歡迎。父母點了《不可不試》瑞士餐，除了雞髀，還可選配1至2款小食 、包類 、麵飯或甜點，保證能夠吃得飽飽。金大大隻，瑞士汁稠度適中，濃郁中帶甜味，不會過鹹。雞肉滷得入味之餘仍能保持嫰滑口感。瑞士汁下得慷慨，吃畢雞腿還有點碗白飯來撈汁的衝動。沙嗲牛肉包的熱狗麵包輕輕烘過，微熱帶脆。沙嗲汁微辣，帶花生香氣，牛肉不會太軔，整體味道令人滿意。炸鯪魚球熱辣辣奉上，鯪魚球外皮微脆內裡彈牙，還有陣陣果皮的香氣，應該不是普通的凍肉來貨。炒粉麵套餐可自選肉類或蔬菜，配上公仔麵 、烏冬或河粉，醬汁則有辛辣或瑞士汁可供選擇。點了辛辣雜錦素菜炒河粉，適逢是日河粉售光，換上米粉更合筆者的心意。米粉滿滿的一大碗，炒得乾身不油膩。雜錦素菜有菜心 、秀珍菇 、腐竹及辣椒絲，口感豐富。米粉的辣度主要來自辣椒絲而非醬汁，味道天然，辣勁充足而不會過濃，美味又健康的選擇。香芒布甸加上不少花奶，質地滑溜。芒果粒份量不少，香甜軟淋，是一道不俗的飯後甜點。

最愛瑞士汁美食。唔好睇佢好似一間普通嘅茶餐廳，我喺北角返工，好多時早餐午餐晚餐都係靠佢。🤩呢間餐廳最大嘅特色就係自己選擇A+B+C食物去拼出你最想要嘅套餐。《瑞士雞髀》出晒名嘅瑞士雞脾真係無得輸，雞髀肉滑已經唔使講，加埋好好味嘅瑞士汁煮咗好耐，外面嘅雞皮已經吸晒你，真係見到都流口水🤤對於雞皮控嘅我，一啖唔可以唒。《瑞士雞翼》雞髀都已經咁出色，雞翼又點會差得去邊度😆雞翼大大隻，完全唔係一口就可以食得唒嘅雞翼。《芝士火腿牛角包》烘熱左嘅牛角包脆到不得了，加埋溶咗嘅芝士，完美的配搭！《沙嗲牛肉包》濃味的沙嗲牛肉配上熱烘烘的包，好味到不可看少！《特濃芝士汁燒鰻魚餐肉炒蛋飯》呢個特濃芝士汁真係唔好講少，芝士味濃奶味亦唔會過重，啱晒一班芝士迷。唔好以為迷你版就會好少份量，佢仲有埋蔬菜係入面，真係識識吓唔知唔覺就會好飽。《燒鰻魚炒雜菌飯》炒雜菌一向都係我最愛，仲有其他蔬菜撈埋一齊非常新鮮。

今次介紹呢間係北角區比較多人識既茶餐廳，門面上無咩特別，入到去既時候一睇餐牌，你會發現一樣野係同其他餐廳有好大分別，就係呢度可以自由選擇配搭唔同食物，咁可以根據返自己口味同價錢選擇、彈性會比較大。呢度最出名既係瑞士雞翼、瑞士雞髀，咁我都二話不說點左招牌瑞士雞髀，另外加個火腿奄列同埋沙爹牛肉麵，一杯凍檸水咁啦~ 等左大約五分鐘~ 上枱啦~ 上枱啦~ 首先上枱既招牌瑞士雞髀，一睇個賣相，深色既瑞士汁雞髀，你未食都已經覺得係好入味，食落口亦發覺真係同所諗既一樣好入味，甜甜地既瑞士汁入晒隻雞髀到，可以話色香味都有，但亦有扣分地方，就係因為煮得比較耐既關係，的肉食落去都比較"鞋"，但總體上都可以接受既。跟住到呢個沙爹牛肉麵啦，呢個沙牛麵老實講質素就比較普通，例如牛肉唔係太入味，而且沙嗲汁都唔夠惹味，麵底都係普通大光麵，所以配合起黎呢個味道只屬一般。另外呢度個火腿奄列，比例亦算正常，味道不過不失，蛋就有少少燶底。最後杯凍檸水份量普通味道正常。呢間餐廳環境上而言，下午茶時間去會比較舒服，坐位上會有少少逼，但呢段時間食好可以慢慢享用，咁埋單計埋$42蚊，如果一個正常茶餐加隻雞髀，咁既價錢都算好抵嫁啦~

住北角有樣好，就係有好多好野食。呢間其實平時都係我既食堂黎，適逢有親戚黎香港，就帶佢食下d港式風味既餐廳。佢地一開始見到個menu咁多野食咁多唔同既組合已經投晒降，不過我反而佩服咁細既茶餐廳可以做到咁多唔同種類既食物。呢個招牌瑞士雞髀緊係一定要叫啦，一如既往咁高水準，d瑞士汁入晒落隻雞髀度！ 因爲佢地第一次黎，所以叫埋瑞士雞翼，其實都好正，因爲都係果個汁。不過一樣價錢既話，雞髀真係抵食好多！芝士汁燒鰻魚餐肉炒蛋飯 - 飯係迷你飯，但因爲一個餐有咁多野食，其實好飽。鰻魚燒得幾好幾香，呢個價錢食到呢個質素，其實真係唔錯煎餃子就普普通通，略嫌多油，而且煎得唔太夠香。沙嗲牛包d沙嗲正，夠惹味，同埋都足料。櫻花蝦濃湯魚肉春卷麵 -  親戚食既，但佢都讚不絕口，個湯鮮甜，而且個麵煮到岩岩好。每個人都食到好飽，但平均每人都係$50落樓，絕對係平靚正之選！

瑞士汁雞翼, 大人細路人人都岩位於北角的祥發茶餐廳, 無論任何時候都坐滿人除了因為瑞士雞翼/雞髀之外, 亦因為呢度選擇多到背唔到而某些選擇還比較創新, 帶俾顧客新鮮感瑞士雞翼有三隻, 而小弟就鐘意食雞髀, 貪佢肉多每款組合因應自己食多食少選擇, 我選了A+B+M =$42A區🍗瑞士雞髀光看色水已經很濃, 非常入味, 肉質嫩滑只是略為瘦削了點B區今次不想咸甜都混一起食, 所以沒選到班戟窩夫反而選了黑椒汁雞柳包🍞黑椒味重又多汁 雞柳也有肉味M區午餐來說小弟亦必定要有啖飯落肚, 都吸引, 但我居然最後選最basic🍚咖哩薯仔牛腩飯這個飯的份量不算少, 可是飯比較乾身, 雖然有汁, 但其實不足以食到最底有兩件牛腩, 挺腍的溫馨提示, 餐牌上的款式未能盡錄, 店內牆上隨時有新加菜式

以供應茶餐為主的食店有很多, 但以「茶餐」為店子名稱的, 相信只有祥發茶餐小廚這一家。跟從前位於銅鑼灣的老店無緣, 這次來到北角區, 自然要拜訪一下。來到這裡, 自然是為了這裡的「招牌推介」 － 《不可不試》瑞士餐。翻看餐牌, 發覺食品選擇比以前的多了, 七月的時候還只有 A、B、C、E, 現在則多了 H 類, 而 F 類仍然是空的, 相信會於短期內再度加推, 令食品組合更加多元化和精彩。是日選擇了 A+B+E+飲品 ($33), 是個比較普遍的組合。A 類別是主角之一, 除了瑞士雞翼和雞全翼兩個選擇外, 相信十位顧客當中有九位都會選擇瑞士雞髀。很喜歡這裡的做法, 並不是煮得很入味那種, 因為偶爾於其他店子也品嚐到一些煮得太入味的, 令食物變得很鹹, 這裡的做得剛好, 不會太鹹, 還有絲絲甜味, 肉質也是嫩滑的, 沒有煮得過熟的毛病, 怪不得成為這裡的「名物」。B 類別方面, 選擇了沙嗲牛肉包, 體積相當龐大, 比普通一隻熱狗還要大, 麵包表面烤得香脆, 裡面的沙嗲牛肉極多, 可惜味道卻不太突出, 牛肉質感也是平平無奇。選擇 E 類, 是因為給特濃芝士汁吉列魚柳天使麵的名字吸引到, 餐