御名軒

營業中

休息中

朋友話好耐冇食過中菜啦，所以近近地做嚟咗呢間御名軒！6個人食中菜坐圓枱，傾計真係方便好多！咁我哋就散叫嘢食嘅，見隔離枱燒鵝好靚咁我哋都叫咗一份嘅，呢隻脆皮燒鵝食落好有驚喜，一來燒鵝皮好香，二來鵝肉好Juicy，食得過！之後我哋都叫咗個老火湯嘅，都幾好飲。咁朋友話想食魚我哋就叫咗條沙巴龍躉，條魚上枱見到蒸得幾靚，食落都好滑！再叫咗個茄汁加州大虎蝦同燒汁煎釀帶子個虎蝦真係幾大隻吓之後食肉獸們話要食多d肉，所以就叫左彩椒牛柳粒同秘製杭州骨，食落都幾香口有鑊氣！咁叫咗咁多肉都想食返啲素嘅，所以叫咗個鼎湖上素最後班大食怪話要有飯落肚，所以叫咗個瑤柱蛋白炒飯，個炒飯都幾有水準幾好味！最後當然有叫飯後甜品啦，咁我哋分別叫咗楊枝甘露同芒果布甸我就鍾意食楊枝甘露多啲！

放工在天后見完客，同老細及兩個同事在天后地鐵站附近覓食。老細話佢出完差，只想食粵菜，見到御名軒門口有d 經濟實惠的推廣，老細話okay。天氣炎熱，所以先叫了一個八寶冬瓜盅，內裏有蝦，蟹柳，雜菇等等，清潤解渴。四個人，每人至少有兩碗。頭盤前菜點了五香牛展片，牛展片肋腱醃製後變得透明了，食落軟淋淋的，加了少少甜甜醬汁，好開胃。主菜有虎皮尖椒爆牛肉，蝦干雲耳炒勝瓜及吊燒雞半隻，兩樣炒野夠鍋氣。牛肉通常以三色椒或苦瓜相伴來炒，今次試虎皮尖椒更出色，多點辣味加豉椒更惹味。吊燒雞外皮燒得夠脆，雞肉都可以保持到嫩滑。再加多一碟瑤柱蛋白炒飯，飯炒得夠乾身，食完這碗炒飯，四個人頂住個肚了。雖然我不是常常來天后，但御名軒呢間中菜不錯，有機會再來。

同一班朋友去食飯，但又太多人唔知食咩好嘅時候，中菜就係最好嘅選擇啦！因為我哋大家都港島，其中一個朋友又介紹依間中菜幾好食，於是好快就揀咗依間～花旗參燉竹絲雞湯一開始梗係飲個靚湯暖下個胃先啦！花旗參補氣、健脾益胃，最啱就係喺轉季依啲會容易病嘅時候飲㗎啦~個湯飲落味道好濃，但又唔會好油膩，竹絲雞嘅肉質好嫩又滑，真係好好味!睇下! 真係夠晒足料，個湯先可以咁濃咁好味!茄汁焗海虎蝦一見到隻虎蝦就流晒口水🤤🤤 因為佢好大隻!!! 咬落去蝦肉嘅味道吸收晒茄汁嘅濃味，酸酸甜甜咁，真係夠晒開胃!京蔥彩椒鮮淮山我本身唔係太鍾意食淮山，覺得佢好"諧"但依道菜真係令我對淮山改觀!我一直都以為淮山只係會拎嚟煲湯，原來淮山仲可以拎嚟炒~依道菜我好推薦大家食，淮山咬落去係好爽口，我真係一舊接一舊唔想停口呀~皇者燒鵝（半隻）重點推薦 - 皇者燒鵝!!!終於都嚟到重點主菜啦，未叫之前我朋友話依喥嘅燒鵝好好食，食完發現果然「名」不虛傳!燒鵝嘅肉質好嫩，皮同肉嘅口感好均勻好夾，完全係啱啱好~再配上䄂子醬，將燒鵝嘅味道再推上一個層次，佢中融咗燒鵝本身嘅油膩感，所以食落唔會話驚太油~瑤柱蛋白炒飯當然唔少得飽肚嘅炒飯啦! 咁大

平時都好少會去天后食野，因為一直都覺得天后冇啖好食不過今次難得同幾個朋友係天后行完街，大家都覺得肚餓個陣就見到依間鋪頭咁緊係一於要入去試下啦！間野好易去，係天后港鐵站A1出口一出就見到。大家食夜左少少都唔怕因爲唔識路而搭唔到尾班車睇左一陣餐牌就已經決定好食咩啦首先試左個茄汁焗海虎蝦 $168個茄汁超濃，唔似出面有啲餐廳就咁用一啲超市都買到嘅茄汁。蝦頭有勁多蝦膏，一咬落去已經流晒出黎蝦身有多肉，值得一試之後要左一盎花旗參燉竹絲雞湯 $138第一啖飲落去已經覺得好清甜，完全唔會覺得油膩尤其食飯個日成31度，飲完會令人個喉嚨好舒服勁足料嘅湯渣作為平時都係食肉獸嘅我今次都點左兩味菜，希望調和返今餐(一陣你就知仲有咩好野食)第一樣試左竹翠銀杏 $88個名已經夠晒好意頭，食落去都覺得西芹同蓮子好清新用依個價錢就已經可以試到算係好唔錯啦第二樣試左京蔥彩椒鮮淮 $88依個組合好少可以係其他中菜館試到，之後經理都話依個係佢地嘅新菜式成個菜式比到好大嘅新鮮感我，尤其淮山係新鮮淮山黎，絕對要食多幾嚿！之後終於要試下佢地嘅招牌菜啦皇者燒鵝（半隻）$238皇者燒鵝依個名夠晒霸氣，咁緊係要試下佢點解會咁大口氣叫自