牛気 (雅蘭中心)

營業中

休息中

Share返某個星期五 首領帶左我去食好西呀😍🤩哩度係入座起計90分鐘🕖🕗🕣哩度真係平靚正 食物又有質素 抵食👍🏽😋我地揀了極上美國牛小排放題 🈶️::極上美國牛小排 美國牛肩肉 美國豚肉 精選雞腿肉 🐮🐷🐔肉質非常新鮮又靚又好味呀👍🏽👍🏽識叫湯底緊係order壽喜燒 喇😉☺️蔬菜類 🈶️娃娃菜 金菇菜 冬菇🍄粟米🌽啲粟米好甜呀🤤🤤攞左兩轉🌽🌽🤤真係高質 抵食！其他仲🈶️餃子🥟龍蝦沙律丸芝士年糕🧀墨魚丸 芝士豆腐 響鈴 全部食物都真係好有質素 味道都唔差喔👏🏽👏🏽甜品 🈶️唔同的糕點 係有椰汁紅豆糕 杞子桂花糕 芒果糯米飯🥭🍚泡葵 薯仔沙律🥔🥗等等 有好多選擇 雪糕有原味有🍈味 仲係自助自己整架 想食幾多都得喔😋😀味道都唔錯 唔伏喎👍🏽👍🏽

旺角最近最熱嘅食店一定係牛気，今日終於有機會試下。食過好多間類似嘅日式牛涮鍋店，哩間真係試過當中最正嘅！揀左中價位$178嘅極上美國牛肩肉。湯底就係各位都推介嘅壽喜燒。之前食壽喜燒都覺得味道較濃，食耐左會有d膩，好快就飽。 哩隻壽喜燒味道唔太甜，配合牛肉好夾。根本唔需要點任何醬汁，已經夠哂味，壽喜燒嘅甜味令牛肉味更出，第一次嚟一定要加$10試哩款湯底。 附送嘅三文魚刺身好滑好肥美。跟住就係今晚嘅主角牛肉喇！其實極上美國牛肩肉已經好靚，色澤鮮紅，肥瘦適中，油脂剛好。薄薄一片，滾幾下就食得，牛肉味夠無雪味，而且夠嫩。其他火鍋店追加肉質素會差好多，但牛気真係保證碟碟都咁靚！ 睇下追加嘅牛，仲靚過第一碟，真係忍唔住要食多幾片回本呀！豚肉都好食，因為夠薄，所以唔鞋，食豚肉點麻醬就最夾。雞肉就麻麻。火鍋醬料自己調較，大路嘅都有齊。另外火鍋配料選擇亦夠精。 最令人驚起係有大大隻嘅螺肉任食，螺肉真係好大件，夠厚實夠咬口，又無沙，係回報之選。 丸都有好幾款，最愛綠色嘅呑拿魚丸，墨魚丸就好彈牙，台灣腸仔都好好食。墨魚滑好多人拎，幾彈牙。另外蕃茄好新鮮好甜，平時少食嘅木耳估唔到幾好食，夠爽，沾上湯底甜甜地，

都有一段日子無嚟食涮涮鍋喇，近日有朋友搵到間好嘢，位置便利，質素中上，覺得間餐廳做得有棄舊圖新之感，吹雞一聲，欣然赴會。地點，就晌旺角雅蘭嘅牛氣，初時仲以為晌雅蘭裡面，兜咗個圈，先知門口開晌山東街喎 。餐廳原來都幾大，鋪位好深，一室木啡，柔和舒服，卡位佔多數，而卡位背做得偏高少少，唔使同隔離枱你眼望我眼。90分鐘限時任食，價錢就以揀咩肉類 / 海鮮套餐計，由最平嘅嚴選美國牛肩肉$158，到最貴嘅極上澳洲和牛牛肩肉$378，一共5個級別，當然，質素就一分錢一分貨喇。每一款套餐唔會得一款肉嘅，只喺越貴嘅就提供嘅肉類任食更多。如想食得更抵，午市每位減$40（11:30am-6:00pm，最後入座4:30pm），一喺就宵夜時段，每位減$30（10:00pm-2:00am，最後入座0:30am） 。鍋底亦喺一間涮涮鍋好唔好嘅重點，牛氣嘅鍋底共有7款，北海道昆布、蕃茄龍蝦湯、博多豬骨湯、昆布辛口地獄湯、韓式辛味泡菜湯、三文魚味噌湯及壽喜燒甜醬油湯，款款都各有特色 。我哋揀咗壽喜燒甜醬油湯，不過，原來個鍋嚟到仲要搞一輪，用啲油脂爆香，加大蔥炒，又棉花糖作為壽喜燒嘅甜味，最後倒入混咗醬油嘅壽喜燒