影片
更多
2015-04-24
3546 瀏覽
旺角最近最熱嘅食店一定係牛気，今日終於有機會試下。食過好多間類似嘅日式牛涮鍋店，哩間真係試過當中最正嘅！揀左中價位$178嘅極上美國牛肩肉。湯底就係各位都推介嘅壽喜燒。之前食壽喜燒都覺得味道較濃，食耐左會有d膩，好快就飽。
哩隻壽喜燒味道唔太甜，配合牛肉好夾。根本唔需要點任何醬汁，已經夠哂味，壽喜燒嘅甜味令牛肉味更出，第一次嚟一定要加$10試哩款湯底。
附送嘅三文魚刺身好滑好肥美。跟住就係今晚嘅主角牛肉喇！其實極上美國牛肩肉已經好靚，色澤鮮紅，肥瘦適中，油脂剛好。薄薄一片，滾幾下就食得，牛肉味夠無雪味，而且夠嫩。其他火鍋店追加肉質素會差好多，但牛気真係保證碟碟都咁靚！
睇下追加嘅牛，仲靚過第一碟，真係忍唔住要食多幾片回本呀！豚肉都好食，因為夠薄，所以唔鞋，食豚肉點麻醬就最夾。雞肉就麻麻。火鍋醬料自己調較，大路嘅都有齊。另外火鍋配料選擇亦夠精。
最令人驚起係有大大隻嘅螺肉任食，螺肉真係好大件，夠厚實夠咬口，又無沙，係回報之選。
丸都有好幾款，最愛綠色嘅呑拿魚丸，墨魚丸就好彈牙，台灣腸仔都好好食。墨魚滑好多人拎，幾彈牙。另外蕃茄好新鮮好甜，平時少食嘅木耳估唔到幾好食，夠爽，沾上湯底甜甜地，
哩隻壽喜燒味道唔太甜，配合牛肉好夾。根本唔需要點任何醬汁，已經夠哂味，壽喜燒嘅甜味令牛肉味更出，第一次嚟一定要加$10試哩款湯底。
附送嘅三文魚刺身好滑好肥美。跟住就係今晚嘅主角牛肉喇！
其實極上美國牛肩肉已經好靚，色澤鮮紅，肥瘦適中，油脂剛好。薄薄一片，滾幾下就食得，牛肉味夠無雪味，而且夠嫩。其他火鍋店追加肉質素會差好多，但牛気真係保證碟碟都咁靚！
睇下追加嘅牛，仲靚過第一碟，真係忍唔住要食多幾片回本呀！
豚肉都好食，因為夠薄，所以唔鞋，食豚肉點麻醬就最夾。雞肉就麻麻。
火鍋醬料自己調較，大路嘅都有齊。另外火鍋配料選擇亦夠精。
最令人驚起係有大大隻嘅螺肉任食，螺肉真係好大件，夠厚實夠咬口，又無沙，係回報之選。
丸都有好幾款，最愛綠色嘅呑拿魚丸，墨魚丸就好彈牙，台灣腸仔都好好食。墨魚滑好多人拎，幾彈牙。另外蕃茄好新鮮好甜，平時少食嘅木耳估唔到幾好食，夠爽，沾上湯底甜甜地，好夾。
另外烏冬同拉麵質素不錯，細細份。無飯不歡嘅可以試下咖喱牛肉撈飯，日式咖喱汁唔辣，而且牛肉好大件，真材實料。
好鐘意個沙律吧，係等緊個湯滾時可以食下野，推介日本小蕃薯，好甜。
甜品都幾精美，有一杯杯奶凍，但太飽無試。和菓子同香蕉冰卷真係幾煙韌，紅豆甜味剛好，香蕉就甜左d。椰汁糯米不太甜，幾好，不過食完好滯，share就啱啱好。最正嘅甜品就係原味乳酪，食左幾杯，酸酸甜甜，又夠滑，好啱消滯。綠茶雪糕就較失色，無咩綠茶味，而且質地係沙冰同雪糕之間，有d怪。
飲品都係自己拎，有齊大路嘅汽水，亦都提供兩款茶包沖熱茶。牛気果然係夠哂牛氣，牛肉質素高，上肉又快，絕對係大胃王食肉獸嘅天堂。
張貼
