add@Prince (裝修中)

第一次黎食中午自助餐用OpenRice訂座有七折優惠今期呢酒店主打泰國食品，值得推介泰式冬陰公湯同豬頸肉。冷盤有長腳蟹，小龍蝦，海螺，青口，蝦，魚生有三文魚，吞拿魚，鯖魚，玉子。熟食方面有海南雞飯，點心燒賣牛肉球粉果，德國腸，蜜汁火腿，印度薄餅咖喱等等由於係平日去食所以個場只有六成滿人，環境方面係香港嘅自助餐嘅座位呢間都比較坐得舒適㗎啦。甜品呢有窩夫食，但係出奇地呢覺得木桶豆腐花好有質素，之前試過其他酒店嘅豆腐花都好差呢一間嘅豆腐花係滑，記得加紅豆。總評分比3.5星

好久冇來幫襯,去到有小小耳目一新,食品多左好多.食品有:生蠔,魚生,龍蝦仔,蟹腳,麵包蟹蓋,香茅豬扒,炸魚,蒜香雞翼,火腿,海南雞飯,煙三文魚,煙燻牛肉,煙燻豬肉,羊架,蟹粥,喇沙麵,泥鯭粥,甜品,雪糕waffle.生蠔:好新鮮比three on canteen大隻,不過淡味左小小.唔夠salty.魚生:肥美肉厚,有油香,蟹子超正,多多都唔夠喉.龍蝦仔:好鹹鮮.蟹腳:大大條,比three on canteen好,大條夠鮮味,正.麵包蟹蓋:好多膏,香口鮮味,又一好選擇.食左兩個都幾飽.香茅豬扒:唔得比較淡及乾.炸魚:普通.蒜香雞翼:表面幾蒜香,但內裡冇味.火腿:好好味,肉夠鹹香,口感唔錯.海南雞飯:油飯好差好油有香味,雞太生冇味.煙三文魚,煙燻牛肉,煙燻豬肉:意料不到好好味,煙燻味足,正.羊架:唔生,夠酥香味道唔錯.蟹粥:夠鮮味,粥夠綿.必食之選.喇沙麵:湯底唔錯,可惜淡左小小.魚蛋特別好味彈牙.雲吞都可以.泥鯭粥:普通,比蟹粥差.雪糕waffle:好正,新鮮脆口,雪糕味道特別,好好食.甜品:除芝士餅及奶涷外,其他都太甜.整體都唔錯,食品太多真不能盡錄.