龍景軒

營業中

休息中

突然間好想食好想食呢一個甜豉油燒鱔🤤 超級肥美又超級厚身既鱔，個皮燒到脆脆地然後d煮到剛剛好既魚肉咬落去仲有d魚油必出尼😶‍🌫️ d甜豉油又唔會過甜，包裹住舊鱔嘅每一部份，好惹味好好味🤤 其實都唔介意食多碗非同「飯」響，其實個名真係唔係幾好聽，麻麻地d玩食字既明😬 不過佢真係唔係飯，由米型意粉做成，所以粒粒都al dente加上大量蔥粒牛肉粒，調味適中，好味🥰

期望很高也沒有令我失望更滿滿驚喜的三星米芝蓮中菜廳。每樣食材都相當高級及講究，每個細節都一絲不苟，精益求精。真係名不虛傳的高級食府，菜式服務環境都是滿分，值回價錢，另一個層次的中菜體驗。甜豉油燒鱔 ($600) 真係一試難忘，未食過咁厚肉的鱔，鱔皮燒香脆，肉質無比的爽彈，非常厚身所以食落口感特別好。甜豉油味道恰到好處，不會過甜但仍惹味。椒鹽田雞腿 ($340) 份量之大令人驚歎😆要幾大隻的田雞才長到像雞鎚般大的田雞腿?! 咁大隻都唔鞋唔老，勁juicy嫩滑，薄薄一層脆漿新鮮熱辣炸出好正，椒鹽調味乜都唔使點已經超美味。連墊底的魚仔脆片都勁好食，很濃的魚仔鹹味，壓薄再炸好香口。紅燒澳洲和牛面肉 $460聽來普通的一碟紅燒牛面肉卻是令人為之驚嘆的一度菜，牛面肉相當高質，炆得超軟腍，超重骨膠原，直程有食緊花膠的口感，用上澳洲和牛所以牛味相當濃郁，紅燒汁都充滿牛味好好食。唔係講笑真係超級好食令人回味無窮。脆皮雞 (半隻) $420 相對其他菜式就普通啲，正常發揮的燒雞，皮好脆。羊肚菌上素芋絲燒豆腐 $280連豆腐也要讚，係因為真係連豆腐都特別滑特別好食，新鮮炸過裡面勁滑，羊肚菌味濃杞子也是份外香