麥記美食

營業中

休息中

食完全日雞之後係繼續食由和富行上去堡壘街上到去堡壘街就係想食呢間麥記美食細細地一間手工上海包點已經係連續幾年必比登餐廳有好多必比登餐廳拎左一兩年就收檔呢間麥記直到今年都仲係名單之內另外北角仲有間叫小老板都係麥記太子女兩夫婦開既門口就貼晒餐牌出黎真係平民價黎但係度買野同食野就無乜規矩佢就無指定人龍排隊亦都無收銀位呢樣野總之就排左條唔知有無用既隊老闆忙完就會同你落單比完錢又唔會有單或者號碼只靠人面識認有d人叫呢樣野做人情味但我自己就唔太鍾意呢種模式而座位亦都只有舖頭出面搭出黎檯仔衛生環境就好差當日座位亦都比班工人姐姐霸L晒所以只可以拎開係一二邊食不過老闆記性都幾好既見佢都記得晒邊個買左D乜野食物都唔會等太耐前後都唔洗十分鐘小籠包就應該係等最耐既如果堂食佢仲會跟埋個蒸籠出黎廿六蚊四個比豆漿大王仲平賣相亦都靚仔好多不過佢地唔多湯汁食落都只係一般仲叫左生煎包同鍋貼兩樣都係十蚊三件即叫即整手工野呢個價真係認真無得輸試過係元朗國買都要兩倍價錢先食到熱辣辣夠足料鍋貼同生煎包皮雖然有d厚但幾好咬口有肉汁比小籠包好食本身仲想試埋個擔擔麵但真係食唔落雖然地方污污糟糟但咁既價位同質素真係日日黎食都可以不過地方

👧🏻Wodafoodie in North Point講起北角美食 點可以唔提麥記！大大話話麥記係米芝蓮推介街頭小食之一！我都係經朋友介紹先食過返尋味😋麥記雖然細細間唔起眼咁 但平日放工去買都要排隊 可見佢既受歡迎程度！✨生煎鍋貼 $10/3隻米芝蓮推介都只係大概$3就食到一隻 好抵見店員一次就一底幾十隻咁煎 一賣就一盒盒咁賣 真係好好生意鍋貼個皮煎得好香脆 但唔會過硬或燶皮唔厚 入面仲留有肉汁 🥰外賣回家食都仲熱到燙口 令人忍唔住一隻又一隻咁食到停唔到😋😋好彩我一買就買左一打🙊🤪真係又抵又好食！👍🏻👍🏻👍🏻見大家除左鍋貼都好推介生煎包 下次一定要試下！☺️📍 麥記美食 (北角)北角堡壘街21-23號美嘉洋樓地下

麥記美食專做街坊生意，成日會見到排隊嘅人龍，由公公婆婆到後生仔個個都鍾意食，係用超級平民價就食到嘅米芝蓮推介街頭小食💛生煎鍋貼個底煎到脆脆地，皮唔算厚，有肉汁，加啲醋食好好味！擔擔麵好重花生味，應該加咗好多麻醬，簡簡單單撒左啲葱花，不過就唔夠辣。外賣番屋企索咗啲湯汁所以杰身啲，但冇影響麵條嘅質感，係食過會想再幫襯嘅味道呢～

今晚放工去左北角睇d嘢，睇完之後就會回家食晩飯；突然覺得有d肚餓，想食少少野，諗起附近有一間米芝蓮推介嘅街頭小食店「麥記美食」，一於去支持一下小店每次去麥記，我差不多都會食鍋貼，因為係其中一個熱門嘅菜式；所以，今次都唔會例外，叫左一份「生煎鍋貼 $10 / 3隻」；不過，今次要等一陣，因鍋貼正在製作中，好好彩等左幾分鐘就有得食！剛新鮮出爐嘅鍋貼，外皮煎得非常香脆，豬肉餡料夠，又有少少肉汁，非常好食😋價格💰：$10味道😋：OK

呢間黃店真係一間好平但好好食既舖頭。前排黎呢間舖頭食時因為兩個人都食左lunch，所以就隨意叫左兩個小食，但真好高質！生煎鍋貼🥟外皮又脆又薄，入面既豬肉非常juicy，最抵讚係我地叫果陣個鍋貼仲係熱，證明野食雖平但唔馬虎！小籠包就唔似鍋貼，無得整定，要即叫即蒸，所以等左約10分鐘。同樣地，雖然平但好味😋！豬肉餡似係師傅自己做，豬肉餡唔太實👍🏻，而且好多湯汁，真好高質，難怪呢間小食店蟬聯三屆米芝蓮街頭小食推介！除左呢兩款外，生煎包睇落都幾好食咁😋，$10/4隻，又平又抵！我覺得最難得係依個時候係香港🇭🇰，仲有一D好味😋價錢又親民既舖頭，抵到我估情侶嚟食都唔過$100，真心抵！大家記得呢個時勢要去支持下D良心食肆呀！

是次去叫咗鍋貼食，因為生煎包同葱油餅當時已售罄。10蚊有4隻。鍋貼係即叫即做。隻隻賣相好一致，新月型，沒有多餘的花考摺法。底係煎到金黃微蕉，咬開時好鬆脆，我格離係會聽到啲咬脆片聲。冇煎既外皮好鬆軟，唔會有好重澱粉質既感覺，但有厚度，係食得出的手制口感。肉餡肥瘦比例好好，唔乾有點肉汁，有薑的香味。唔點醋都冇肥膩既感覺，食完又冇覺得口乾。整體而言不油膩，皮/肉比例6:4，肉餡相對比較少(對於食肉獸人士嚟講)，不過我覺得呢個係佢地既黃金比例，太多肉可能會‘流’。下次要點埋醋食。

草根姐姐一早聽講北角有間"麥記"好好食，雖然大家都叫"麥記"，不過當然唔係講緊麥當勞啦~麥記美食係北角一間好出名嘅小店，雖然舖頭細細，只係喺街邊放左幾張枱，座位又唔多，不過仍然吸引左咁多人去你就知佢魅力究竟有幾大!有晚去開鰂魚涌做野，特登行去食呢一間一直未有機未食到嘅小店!當晚去到見到好多人排隊買野食，好彩唔少都係街坊買番屋企食。排隊嘅人中仲有一大班外國人，佢地都唔介意坐係街邊食，睇嚟"麥記"出名程度比我地想像中大呢~由於座位唔多，都擔心會冇位坐，不過好好彩俾我地搵到2個位，可以坐低慢慢食可以睇到店舖真係好細，2個人一腳踢。生煎鍋貼（$10／4隻）Potsticker (fried dumping with pork and vegetable)生煎鍋貼好抵食😍平均2.5就有一隻啦👍雖然係街邊店鋪🏠不過高手在民間😎鍋貼底面煎得好香脆😋內裏好軟熟仲要有肉汁😁抵讚！小籠飽（$20／4隻）Xiao Long Bao (steam dumping with pork)草根妹妹最愛小籠飽，一去到已經點名要嗌。全人手制作😋香港本地產品🇭🇰嘅平民米芝蓮味道🏅需時10分鍾⏰就有熱辣辣嘅小籠飽食啦🔥細細