MAZ Thai & BBQ (已結業)

放工鬆一鬆，經過蘭杜街就嗅到陣陣泰菜味🤤沿氣味搵到佢！坐低望下餐牌，再問下侍應「究竟咩咁香？」😱一問之下，原來係明爐魚同冬陰公味！！於是，梗係點個明爐烏頭魚啦～另外仲叫多個生菜包同菠蘿炒飯！簡簡單單，但充滿泰國特色！生菜包都幾足料嘅，生菜大大塊，而肉碎酸酸辣辣，仲炒到好香👍🏻菠蘿炒飯，相對無生菜包炒得咁香，不過都炒得好乾身，而且仲有好多菠蘿😋成晚重點！！！明爐烏頭魚🤤好香好大條！超多配料令魚肉更加入味！甜甜酸酸，小妹超like👍🏻黎到泰國梗係要飲沙冰同梳打啦！芒果沙冰好香甜，飲落真有d芒果肉👍🏻👍🏻青檸梳打，夠晒凍而且青檸都好香👍🏻

下班後，朋友提議到灣仔食飯，推介這一間泰國菜餐廳，位於灣仔杜蘭街。店鋪位於一條小巷，經過一連串石路就會到達，十足隱世小店。甫一到達，馬上被店舖裝修吸引，我吃飯比較注重芬圍，這裡馬上提起我的興趣。到達時店內已經接近滿座，幸好剛好有客人食完，我們一行七一被安排坐入門口位置的雲石高枱，感覺跟泰菜的風格有點不相稱，不過可以很方便地看到整個店鋪的計設，亦可以很容易跟朋友聊天，所以也沒甚麼。朋友們選擇了晚市set dinner，第一道上的菜式是沙爹串燒拼盤，有雞肉，豬肉及牛肉串。味道很不錯，甜甜的醬汁配上鮮嫩的肉質，作為頭盤的確令人食指大動。接著上場的是黃咖喱牛坑腩加蒜蓉包。我很喜歡吃咖哩牛腩，所以第一時間就試試咖哩的味道。味道偏甜的咖哩非常順口，因為咖哩很容易煮成糊或調太稀，這個咖哩恰到好處。牛坑腩很腍，但毫不痴嘴，烹調得宜，與咖哩配合度很高，全晚最欣賞這味菜。本來很好奇怎麼會有蒜蓉包，後來朋友說是用來點咖哩吃的，馬上一試，味道的確不錯，不過我不太喜歡這種食法。然後到生菜包。這味菜我吃過很多次，這次的感覺對比以往的更好。肉碎的層次很豐富，由軟到脆，由甜到辣，整體是比較偏辣的，但配上生菜後入口很清

呢度嘅環境好舒服 裏面嘅裝修有別於我之前食過嘅餐廳 入邊嘅氣氛好適合一啲家庭聚會even係同情侶我都覺得OK 無論係燈光同埋啲背景音樂都好balance到Restaurant同埋bar 兩種概念當然最重要嘅食物質素我屋企人朋友都好滿意 都覺得好食嘅 上菜嘅速度我都覺得OK唔會話等好耐都未到 啲侍應都OK Nice架 服務嘅態度都OK

兩個女孩子唔係好肚餓，只係行完街想搵個地方可以坐低舒舒服服傾下計，同埋可以食少少輕食，行過呢度門面望到入面好似幾好mood，見有位就推門入去try try~唔太肚餓的兩個人，竟然最好都可以點左四道菜，你唔係唔知咩叫口痕呀嘛？邊個話食野一定係為左醫肚，哈哈……不過我地叫嘅全部都係好輕口、好清新嘅菜式，最啱一邊傾計一邊慢慢歎~我地兩個都係沙律狂迷，平時lunch都係食沙律多，所以點左木瓜沙律同柚子沙律，兩個味道都係酸酸甜甜好醒胃，配菜勁多，又有大大隻鮮蝦，勁好味，柚子勁大粒又甜，一人清一碟絕對無難度，yummy~繼續係蔬菜系列，叫左個炒芥蘭苗，呢d平時屋企好少煮，而且聽阿媽講比較貴，所以難得見到呢度有得食就梗係要試下啦！芥蘭呢種深綠色嘅菜幾有益就唔洗多講，食落好清翠好新鮮，簡單用蒜炒已經好味到暈~為食二人組最後點埋個生菜包，就咁食肉就梗係覺得膩啦，但夾左入生菜入面食就完完全全係兩回事，入口好有口感，d肉碎好惹味，入味都混入左d蔥蒜，唔係得肉only咁齋！邊個話泰菜一定係濃味又辣又heavy，我地呢餐可以話係十級清腸胃呀~

朋友生日想食泰菜，Search openrice 見到有間新開既餐廳就決定book枱試下。餐廳位置在灣仔蘭杜街，PP三期附近，位置都算易搵餐廳舖面完全唔似一間泰菜餐廳，我初頭仲以為自己搵錯地方入到餐廳內發覺裝修都好吸引，我估餐廳老闆對環境一定好要求!!整體黎講餐廳提供既食物都不錯(其實仲食左串燒、木瓜沙津同Pizza，不過唔記得影相)，而且價錢合理，另外餐廳有大量紅白酒選擇，食完飯可以唔洗轉場