泰餐館 (已結業)

叫了生蝦刺身，呢樣我第一次食，難以和其他餐廳比較，入口覺得醬汁清新，蝦肉非常爽口，好味，朋友讓我食了半碟。其他的食物都不錯，可惜今日我們人少, 本來想叫咖哩, 但驚食唔晒，唯有下次。總體算大碟抵食, 我地每人仲叫一個椰青(好大個), 埋單每人約HKD160

因為哩日同太太出黃金行下, 上openrice搵下夜晚有乜好食, 見到有哩間泰國野食評唔錯, 所以要黎試一試~當晚7點左右行到去"泰Tum Yum Thai", 可能因為早, 我地兩位唔使等就有位 睇睇餐牌, d食物價錢還算接受. 見到有食評推介燒魚同海南雞, 見隔離枱o既燒魚都幾大條, 怕食唔晒. 所以只選了海南雞試下~ 食泰國野生蝦刺身當然唔少得, 加個冬陰公湯同炒大蜆, 加多客蒜蓉飽剛剛好~整體黎講, 味道唔係食過o既泰國野之中最好味, 除咗碟雞基本都算係中上之作.只係連唔係咁食辣o既我都覺得佢一d辣都冇, 搞到好似差咁d野咁...所以只能夠講佢o既味度太迎合香港人吧...

平時上open rice 都係搜尋睇下有D咩好野食，但今次終於都忍唔住寫食評，上次已經想去呢間餐廳食，點知我同事擺烏龍打錯左比另外一間問點去，入到去先知原來去錯左 ，唔緊要！今次終於去岩地方就ok !夜晚七點幾打去book定枱，呀姐話而家可以直接上黎 ,我地一行三位女仕夜晚九點殺上去，一上去第一個感覺地方好寛落，最岩一班fd上去

一直係營盤街舊鋪坐上客, 由於舊鋪現在只做外賣, 新鋪一直太多人等位未試過。由於當時已經係9pm憑該冇乜人等位, 故一行七人試試新鋪水準如何。一上到鋪, 驚喜嘅係地方大左好多, 唔駛坐路邊熱辣辣, 同埋有廁所, 有一間VIP房可以book, 成間餐廳嘅裝修好馬拉式, 都好新同整潔跟住梗係叫野食啦, 熟悉地叫左一堆必食嘅蝦刺身, 鳳爪沙律, 青芒果沙律, 拚盤, 冬蔭公, 蝦片, 蝦餅, 辣椒膏炒大蜆, 青架哩鷄, 串燒, 泰式炒粉絲, 蒜蓉飽, 菠蘿炒飯, 同綠色白色間嗰d椰汁糕。都唔講咁多啦, 自己睇相啦!!!超正呀!! 諗起都想再食!!!!