Siam 28

營業中

休息中

是日book左呢間餐廳，本身疫情關係諗住大家行完山就撇sssss點知大家行完山太興奮太唔捨得對方咁話🤣🤣🤣🤣🤣其實係太餓同太攰，所以都係book枱啦😅睇完OpenRice見依間餐廳都好多笑哈哈，試一試囉笨！本身都唔知黃店架～有一塊大畫板喺餐廳裡面，都是Pepe同連燈豬啦🐸🐷❤️我原本訂左6半食飯誰不知5點就已經由山上碌左落嚟...早左唔會唔俾入啩入去時有位唔知老闆定侍應用緊餐，見到我地就招呼左我地先，我地都有啲唔好意思😅間餐廳環境都幾舒服乾淨，我地被安排坐左張靠牆大枱，一坐低先5個椰青呀唔該椰青夠清甜！其後再點了好幾道菜～無論食物賣相或味道大家都好滿意，每來一道菜嚐後都會高8度咁話「好味呀～！」由於時間尚早，客人亦不多，侍應一直好貼心在旁睇我地有咩需要，直頭隔著個口罩都見到佢面帶笑容，上菜時間亦都好快！雖然佢一直在旁，但都無感到有種不自在的感覺☺️☺️☺️最開心係咩呀？今餐唔使錢🤣🤣🤣原來預祝本尊生日，你話興唔興奮先？圓滿的一天，多謝各位，多謝我的珠朋狗友（因為個個都養狗狗🐶🐶）多謝餐廳台前（侍應）幕後（廚師）悉心炮製出每一道使人讚嘆的菜色！I love my fdsssssss❤️❤️❤️❤️❤️❤️❤️

最近為工作上一事，心情煩躁左好耐。雖然係咁，但冇咩煩躁係一餐飯解決唔到嘅！食物總係會令人開心同放鬆，一直都覺得係澳門逸園中心嘅餐廳都係好貴同好貴，但係我覺得佢地嘅性價比都係好高。今日我地一行２人，都係大食嘅朋友。我地８點左右到達，人流唔多，即時安排座位。雖然店舖嘅面積唔大，但係空間感十足，完全唔覺得迫同窄。餐牌總類繁多，眼花撩亂，不過處於飢餓嘅狀態下，好快就可以點餐。呢一個配料係免費，無論你點左咩野食，都會有一碟。佢地嘅員工會好細心咁解釋唔同嘅配料同食法，簡單易記。但係我地２個人一於少理，按自己喜歡嘅方法，哈哈哈！＊＊生蝦係泰國菜一定的吃嘅，肉質肥美，口感豐厚，配上醬汁，更加可以提升到另外一個層次。的確，佢地嘅生蝦真係肉質肥美，睇返Ｄ相先發覺我冇影到，呢個真係一定要吃！新鮮、肥美、彈牙！！！仲有一樣一定要提嘅，就係碟中間嘅蝦頭，真係好細心，蝦頭係炸過，我係一個十分十分喜歡吃蝦頭，但我真心第一次見到生蝦會有咁嘅配答。＊＊再黎就係木瓜絲沙津，我本人係好喜歡木瓜，所以呢一個我一定會叫。木瓜本身係冇咩味嘅，但係爽口感十足。本身木瓜絲沙津嘅醬汁都配得好好，酸酸辣辣，加埋花生口感豐富！＊＊蝦球，隻

今日家姐生日 知佢仲意食泰菜 一早book左Siam 28 係銅鑼灣 地點幾方便 野食又好食而且地方骨子 唔會覺得迫 環境好舒服整齊 又靜 今次第2次黎 知道有塊板可以比人畫畫 所以叫左佢地畫定生日字句 比個驚喜家姐💕我地一行4個人同埋一個小朋友，經理立即幫小朋友整好bb椅 好好服務之後仲遂一介紹枱面5種醬汁 好細心咁講晒每種汁嘅味道 邊種汁點邊種食物呢個每位要收10蚊架我地分別叫左幾杯野飲 2個味都好特別👍我地叫左個生蝦 好新鮮 個蝦頭仲要炸埋 正👍加埋d醬好夾仲有個炸女婿蛋 酸甜度適中 出面好少食到呢款鵪鶉蛋本來諗住叫炸通菜 不過賣晒就叫左豬頸肉味一般不過都幾多塊辣椒膏炒花甲 佢用個鑊上 所以keep到熱 而且個汁幾惹味👍香茅燒雞 皮好香脆 好有香茅味 好食👍冬蔭公湯 👍👍👍呢個上次黎都有叫 ，酸辣度適中 個味岩岩好湯入面有好多配料 仲有個香蒜魚露炸魚 好新鮮好脆 不過有d熱氣最後有個馬沙文咖哩什菜配薄餅 我地都覺得個咖哩好甜 不過夾埋薄餅食都不錯👌當我地食完晒 幫我地執晒枱面 仲熄燈拎個蛋糕出黎慶祝生日 家姐好surprise 由於我地有生日蛋糕 所以無叫到甜品 不過見到有個炸香

Happy Friday當然係聚會好時機，友人成日都提住要食生蝦，咁當然就係要食泰國菜啦地點係sogo隔離，一出門口轉右就到非常方便！地方唔大，但坐得好舒適。呢5寶一嚟到就有，用嚟食咩都可以配到，味道都幾出色。但佢其實係要收錢嘅，每位$10醬汁費。(建議下次店員應主動介紹用法同埋係要收費嘅。）今次係第一次去，但並無人介紹，好彩事前睇過有關食評先知。首先就係柚子沙律打頭陣，勁多柚子肉！好甜好清新，蝦肉亦都好爽好彈牙調味係微酸，加佐蝦乾仔所以食落少少脆。跟住當然係有生蝦啦！蝦身好爽口，溫度夠凍而且都新鮮！（自己最怕溫度唔啱嘅食物）蒜片、辣椒同蝦比例啱啱好，加埋啲醬真係好好食蝦餅好厚肉咬落好滿足，質感唔錯呀！都係正常蝦餅味啦經典生菜包，不得不讚就係生菜多哂新鮮！肉碎調味微辣好香口！不過如果啲菜比多少少就更好啦肉同菜嘅份量有點唔平衡。前係The pink lady, 有點太甜，但同店主反映佐，好貼心比返檸檬汁去解決太甜嘅問題，而且味道變得更清新。酒味唔濃，少飲酒嘅朋友可以試試後係香茅嘅飲品，個名唔記得佐香茅味唔濃但係幾清，酒味較濃。雞沙嗲，雞肉好滑，唔連雞皮但燒得好香，啖啖肉！沙嗲醬無咩特別，

上兩星期有晚同大少食飯，喺銅鑼灣諗緊食咩好之時，見落雨濕濕，突然想食啲重口味菜式，於是就決定去返呢間之前食過嘅泰國餐廳。呢間餐廳佔地一層，店內大約有9張四人檯，間隔舒適，亦有空間感，唔會太迫由於我同大少都好鐘意食泰國菜，所以拎起餐牌好快就可以點餐喇值得一提係呢碟醬汁，每位索價十蚊但全晚不同菜式都可以點亦唔會話局限於店主平時獨配的一種醬料自己鐘意點咩醬就點囉喺香港啲泰國餐廳，發現好多時都係無生蝦點嘅而令我地對呢間餐廳番尋味嘅其中一個原因，就係因為有生蝦生蝦肉質爽彈，配合上面的蒜片及紅椒一齊食，殺菌又惹味，配合埋醬汁，而家諗起都流口水呀小食方面就點左炸蝦餅，全碟得五件，每件大小適中，而且一炸起就上檯，熱辣辣，好香口入面啲蝦滑同樣彈牙，忍唔住食完一件接一件飲品方面原本想點荔枝冰同龍眼冰點知話荔枝無曬，所以就要左兩杯龍眼冰好在龍眼冰都比想像中滿意龍眼肉超多，滿滿的塞住杯口，吃下還是有龍眼味，不過味道不算濃，同時可能太多冰，整體飲落無咩味，但用黎消消熱氣、解下暑都係一個比較健康嘅選擇黎嘅有睇開我食評都知道我出街食飯，一定要找素（點都要叫個菜），感覺健康啲，平衡一下今次就點左咸魚炒芥蘭我喜歡吃亞洲

之前來過Siam 28食lunch，真心覺得唔錯，今次再同朋友嚟食晚飯。 專登黎試吓佢哋嘅特色Thaipas，我哋叫咗生蝦之外，見到openrice咁多人叫炸通菜，我哋又試吓先。 泰小碟來講，佢真心大碟，生蝦夠新鮮，蝦肉夠爽脆，個人推介配搭傳統青辣椒汁，酸酸辣辣非常開胃，而且將蝦頭脆炸，一隻蝦食到兩種食法。正！ 這碟炸通菜非常香脆，兼且可以點上自己喜歡嘅汁醬，感覺似食薯片幾香口，但朋友覺得有油左少少，下次可以唔使咁重手。 主菜則點了乾炒魚肚同泰式豬手，之前係openrice都見到好多人介紹呢個豬手，今次專登嚟試吓。 這碟乾炒魚肚與蝦仁及雞蛋同炒，炒得夠鑊氣，味道剛好，好吃。 這個泰式豬手見好多食友都推介，果然名不虛傳！豬手整得非常入味， 肉質嫩滑，豬皮很焾而且入口即溶，果然好介紹。 希望下次多D人黎，可以試餐牌上更多東西。