Oyster Season

營業中

休息中

見社交媒體網站有做$9生蠔🦪，打去bk枱都有問埋有冇呢個優惠，對方話只係可以俾6隻我哋（一枱兩個人），本身都唔係係食得多，都Ok嘅。一入餐廳報咗話訂枱+貴姓，waitress安排我哋坐低，落order之前第一樣嘢叫佢幫我換咗把餐刀🔪好似上手用完無洗咁，然後就問一問（同一個）waitress係唔係有幫我留咗半單生蠔，佢走咗入去check完再覆我哋話有，叫咗一杯白酒$78，一份龍蝦沙律$158，一份海鮮意大利飯$238，上咗嘢食之後都覺得份量有啲小，所以就叫waitress俾個menu我，想嗌多份青口$128，望一望樓面無人就等下，等到有個waitress經過，佢話佢唔係落單，然後我又等咗陣，最終有另一個waitress幫我加咗單，食晒沙律清埋個飯都未見青口，我哋都無特別追諗住都再俾啲時間佢，直至有個男人（可能係老細）過嚟問啲嘢係咪嚟齊，我都未答佢就已經拎起咗我隻碟，我就話仲爭份青口，如果未整就由佢唔要，轉頭就點個waitress嚟同我講青口煮緊咁擺明就係漏咗單，食埋青口我哋就拿拿臨走。埋單$7xx兩個人，唔算係好貴，但服務就趕客樓面唔熟手、漏單都算，其實可以問吓我哋要唔要甜品或者有冇嘢要

元朗好少地方有生蠔🦪食，馬田村附近呢間小店呢生蠔比起其他區嘅連鎖蠔店，有過之而無不及！新鮮，冇蠔殼😍，處理得好好👍🏻法國Regal 生蠔（5/5）肉質肥美甘甜，而且帶海水味。蠔size 有半隻手掌咁大！級數夠高！而且帶子位極甜，食完仲有強烈的回甘☺️龍蝦汁大蝦意粉（5/5）龍蝦汁甜甜地帶，加左碎芝士提升口感。大蝦🍤都煎得夠香，而且吸滿龍蝦汁！西班牙黑毛豬鞍（4.8/5）超級大份！外層煎香左，而內裡保持粉紅色，鮮嫩多汁！火候掌握得岩岩好！蒜頭🧄外型吸精😍口味就因人而異。餐湯麵包（4.5/5）麵包好香脆😚👍🏻餐湯亦夠濃

同哥哥食生日飯，無意之中發現咗呢間，其實佢隔離都有一間，我哋之前食過，不過無今次呢間咁好食，所以大家唔好攪錯。呢度平時應該唔多食客，咁啱係閒日，得我地一枱客勁正變咗包場。服務員很有禮貌，每道菜式都好好味，有一個主菜一定要叫，不過個名就唔係好記得好似叫咩黑毛豬，又厚又juice 👍🏼我哋食咗3款蠔，都好肥美，又新鮮。一定會再來！另外提一提廚師手字都幾靚，Happy birthday 寫得唔錯😆👍🏼

傳說🧚🏻‍♂️英文字母有r嘅月份，就係食蠔嘅季節🦪 抓住r字月份的尾巴，今次會介紹近期幾鍾意嘅元朗食蠔餐廳💁🏻‍♀️Oyster Season🍽4月嚟咗食2次😋飲食記錄：首先介紹生蠔，據了解，星期二同星期六食蠔最新鮮，因為啲蠔星期一/星期五上機，星期二/星期六落機，晏就12-1點就會送到餐廳😍第一次嚟撞啱星期二，晚市禁堂食，午餐食最新鮮呀😍第二次嚟係第一個解封晚市堂食嘅開心星期五，啲蠔就俾人食哂得返一款啦😭飲食次序：❶ Regal No.1/ France 🥈生蠔肉質爽口唔會太腍，帶海水咸味🌊❷ Sentinelles No.0/ France 🥇生蠔肉質creamy，非常鮮甜又帶海水味🤤❸ 令和怪物/ 日本生蠔非常肥厚大隻，金屬味非常重，我咬咗邊邊一小啖已經頂唔順，轉交俾男朋友☠️④ 第2次嚟食得返Lambert No. 0/ France🦪都好味嘅，好肥美，礦物味都好濃郁，但唔夠Sentinelles No.0鮮甜（擒擒聲食咗無影相😇）餐廳特調用嚟點生蠔嘅雞尾醬（藍色嗰碟）勁惹味！但生蠔自身嘅味道已非常足夠，滴幾滴檸檬汁已經好正😋但建議靈活運用碟雞尾醬，嗌份薯條點🤤🤤🤤黑松露醬薯條粗薯條

服務態度非常好，會推介同埋介紹唔同品種嘅生蠔。隻隻蠔都非常飽滿，生鮮無腥味，配埋白酒非常滿足。當日冇叫其他熱食，下次再去會叫埋試試。十分推介住元朗附近嘅朋友去食，一分錢一分貨。

無晚市攪到要改食 lunch~就返住大西北嘅壽星搭屯馬綫去試呢間餐廳，有驚喜！前菜揀咗燒牛舌，上菜嘅時候話係慢煮嘅，因為好厚身又夠淋有咬口，入味，試咗一啖就即刻ko哂一串。豬鞍見人人都讚，果然冇失望，好juicy!牛扒叫左 medium，外脆內軟肉嫩甜品心太軟嗰個雲呢拿雪糕仲有加甜酒，完美總結呢餐飯細心位要讚佢哋嘅 service, 改時間、先加人、即日又減人，服務態度都好好！主動幫我哋食完生蠔之後換碟，周不時留意我哋要加水，讚👍🏻👍🏻期待晚市開返，下次再幫襯，支持咁有 heart嘅小店！

朋友同我補祝生日，我地去左元朗食fine dinning. 呢度出名食生蠔同埋秘魯菜。因為我地有喜慶事，決定點支香檳酒🍾️慶祝一下。呢杯酒甜甜地，有淡淡果香，易入口。岩曬兩個女仔坐低慢慢飲住杯酒，傾下心事。我地叫左兩款黎自法國既生蠔，左邊既係Majectic No. 0 (France) $63/ 隻，帶子位極甜，強烈回甘，食落有清新海水味；右邊既係Marine No. 0 $63/隻 ，入口爽脆，有陣陣海水味，獨有一種清甜味。餐廳環境好似置身歐洲咁。打卡一流甘筍湯忌廉湯入面有濃郁的甘筍，口感香滑又好味。黑松露意大利飯 🇮🇹啖啖忌廉汁配黑松露，飯粒香軟，令人食指大動。招牌蟹餅 有濃郁的蟹肉，味道很充實。點上千島醬食更滋味。秘魯香料烤雞雞肉烤得均勻，肉質鮮嫩，配合烤過的香蒜一齊食，更惹味。最尾要數餐廳環境，背景有歐洲風格的景點畫，岩曬想去旅行的我地，望梅止渴。食住打卡止旅行癮。

總括黎講個人認為應該只係食生蠔會較好，其他就一般般，環境尚算ok服務算貼心人不太多不過最緊要係生日朋友滿意這餐生日飯心太軟可以改善用較濃朱古力，不用太甜黑松露薯條不似預期

本來都唔打算寫食評但真係想讚下呢到既服務。因為要慶祝生日再加上堂食延長到9點，我同男朋友想食好d，上網睇到呢間d蠔好似好大隻所以決定黎試下。原本我地book左夜晚6點但因為未肚餓所以想改6點半，老闆睇過時間ok之後都比我地遲少少入座。可能因為疫情關係，客人唔算多，坐得都幾鬆動，而且食野之前都有遞上每人一條獨立包裝好既濕毛巾，整體感覺唔錯。因為我地之前都冇係蠔吧食過生蠔，所以睇住個menu都唔識揀，我地就請老闆幫手揀左半打比我地試。嗌完餐之後老闆就放低左每人一個小食，係Parma Ham包住支餅乾棒，小食係要收錢既但難得慶祝生日我地都照食左。生蠔黎到睇到果然係有差唔多三份之二手掌咁大隻，老闆重提醒我地邊隻淡邊隻濃，要從淡食到濃。食落去都算乾淨冇沙但食到好細粒蠔殼，不過都接受到。本來我地都加左檸檬汁落去食但食哂之後發現唔加可能會更好食，可能味道更突出到，個人比較鐘意食M字頭淡少少果隻，食哂幾隻之後feel到成口都有好大陣蠔味可以回味下。之後我地嗌左一個dinner set但係冇影到相，係南瓜忌廉湯、一串燒牛舌同龍蝦汁大蝦意粉，重有甜品。餐廳細心在知道我地淨係嗌左一個set，將個湯分左兩碗上

成日經過都想試下, 見到有折就一於book位, 經某app book位, 6點入座頭盤, 湯, 主菜, 意粉都有5折~ 抵抵抵!!!wellcome food係洋蔥湯同餅, 店員話食蠔前可暖暖胃^^ 生蠔好新鮮, 店員介紹左3款, 都好鮮甜~ 又肥美慢煮牛舌, 中間厚身果件最好味, 好juicy~嗌左龍蝦湯同蠔湯, 未試過蠔湯, 幾特別~ 但如果正價都幾貴, 60同68蚊, 因為都唔大碗~ 哈哈, 但好飲嘅蟹餅正, 真材實料~ 啖啖蟹肉美國肉眼扒, 睇相就知好味啦~ 讚讚讚!! 埋單要1000蚊, 因為開左支白酒, 如果唔開酒, 600蚊就埋到單, 有折好抵食~ 哈哈~~~有機會一定會再黎食~~~~ 

在附近居酒屋裡認識的一位朋友，介紹了這間西餐廳，聽說這裡的蠔種類繁多而且平宜又新鮮，所以就來一試了。老闆非常熱情和友善，與每枱客人都有傾有講！生蠔就試了Majestic和Poget，貼了貼紙的種類有半價，確實平宜！有一點一定要大讚！就是番茄醬，請一定要沾些少來嚐嚐，老闆別有用心地調製過，味道很不錯！然後有個welcome drink(是收費的啊！)，是杯凍洋蔥湯，其後要了兩個套餐(有餐湯、餐包、前菜、主菜和甜品)。前菜：招牌蟹餅(一般)和海膽(50g。非常大隻，量多又新鮮，非常奢侈，這個就簡直回本)。主菜有美國特級肉眼伴阿根廷蕃茜醬(很大的一塊，味道中規中矩，熟成度都掌握得不錯)和西班牙黑毛豬鞍(普通，有一點點乾，欣賞有半個蒜在旁)，亦都可能肉的份量太多，以至覺得有點膩。甜品很不錯啊，雲尼拿雪糕加冧酒，有酒配搭的甜品一定不會不好吃。菜單如下：

之前朋友介紹，見到佢塊牛扒好鬼吸引所以今日黎試一試佢。生蠔：好新鮮，夠咸有海水味，有蠔既甜味洋蔥湯：好味，清湯，味濃牛扒：五成熟，配岩鹽好好味。煎得好好鵝肝多士：鵝肝係大過件多士，花菇都好大粒，配左2小件梨子🍐，可以清新返鵝肝既油甜品係tiramisu同心太軟配雲尼拿雪榚，兩款都好好味。我係第一次食牛心，感覺好得意林林地但又爽口好搞笑，未食過都可以試下。意大利飯都okay，不過唔夠塊牛扒吸引牛扒真係好正

這家店雖然轉了三次老闆，三個不同的店名，但生蠔依然好好食😋，好有水準👍🏻👍🏻👍🏻近幾年每年都幫襯3次左右☺️結婚週年紀念日，老公生日，自己生日，都要來這裡享受一下美酒生蠔😋😋😋今晚生日飯，訂好枱，老公又和我一起來這裡慶祝😃除了環境浪漫舒適，老闆和所有店員都非常親切有禮，充滿笑臉，讓我這餐生日飯吃得好開心😊店員幾次來關心說食物啱唔啱食？真的好用心，誠意推薦給愛吃生蠔的朋友們☺️