Star Kitchen (已結業)

自從越來越多朋友知我搬了入葵芳酒店暫住之後，大家都紛紛約我吃飯。點解？皆因知我無得下廚會無啖好食，加上對這區不太熟悉，故大家都推介不少餐廳給我，而今晚就有位朋友帶我捐入小街，來到這間特色小餐廳。餐廳門口貼滿手寫的餐牌，字體端莊得體，真的很欣賞這一手好字。內裏裝潢特別，每格牆磚也不同，部分還畫上公仔，而我最喜歡是一盞盞夢幻的吊燈，很美！左右兩排設有兩排長椅配二至四人枱，最入端就是廚房重地。地方小小，但整齊企理，坐得舒適。翻閱厚厚的menu，全是手寫，心機之作！選擇不少，有Special Set、廚師推介Set、意粉/意大利飯Set、沙律、薄餅、小食、甜品和特飲。而每款Set均配餐湯、田園沙律、熱飲和甜品，亦可加錢追加特色前菜、甜品和轉特飲。*********************我們點了兩個set，先上是日餐湯和田園沙律。餐湯為煙肉忌廉湯，熱辣辣上枱，湯身濃稠，加入不少腍嫩的煙肉片，味道帶點鹹香，最喜歡是忌廉份量合宜，喝起來不太漏滯。***************田園沙律非常新鮮，翠綠的雜沙律相當清爽，嫩口無渣，車厘茄和粟米粒亦很清甜，拌入份量剛好的胡麻醬，味道甘香，簡單而美味。***

今日係葵芳行完街，入左間小店食晚餐。我地叫左兩個套餐，好欣賞主菜份量好多，好滿足。田園沙律落左胡麻醬，沙律菜新鮮。餐湯係忌廉洋蔥湯。鵝肝多士細細舊已經好滿足，多士夠脆。愛爾蘭傳統香酥鴨係招牌，搽左甜醬係西生菜先，再包住甘筍、青瓜同鴨肉，成件事變得冇甘膩。蔬菜好新鮮，食落好爽甜又口感豐富。保雲酥焗羊架配美式焗薯，羊架份量好多，一啲都唔羶，而且好腍，好食。焗薯有半舊甘多，配酸忌廉好夾，正。甜品環節有自家制低糖Tiramisu同自家制低糖心太軟。Tiramisu冇酒味，而且帶酸。心太軟切開朱古力醬就流晒出黎，朱古力味濃郁又唔會過甜，忌廉輕盈唔膩。最後仲有芒果優格乳酸同凍朱古力，甜度降低返少少會好d。

┌你之前係有冇黎過架？」┌我記得你上次坐嗰度。」Star Kitchen係葵芳一間街坊西餐廳，雖然冇時尚嘅裝修，就連menu都係用人手寫，但就有滿滿嘅人情味。餐廳老闆除左落單傳菜一腳踢，仲會盡量同每一枱食客寒暄，俾人一種去左朋友屋企作客嘅感覺。晚餐由$118至$158，包餐湯、沙律、熱飲同芒果布甸，可以加錢轉其他野飲或升級其他甜品。如果晚餐睇唔啱，其他主菜加$20亦可以轉套餐。田園沙律田園沙律雖然簡單，但沙律荐上面嘅胡麻醬夠多，每一啖都食倒酸酸地味，幾開胃。餐湯餐湯每晚唔同，今晚係牛肉清湯，牛肉味香濃。愛爾蘭傳統香酥鴨($128)香酥鴨本身係散叫，我加左$20轉套餐。老闆曾經喺愛爾蘭生活過，哩道菜係佢喺愛爾蘭帶過黎再經過改良，原本當地人係用pancake皮包住鴨肉食，老闆覺得香港人平時多肉少菜，就將哩道菜改為用生菜包住鴨肉。鴨肉切碎炒香左，食時可以連埋蘿蔔絲同青瓜絲再加少少海鮮醬用生菜包住食，食法同泰式嘅肉碎生菜包或北京填鴨差唔多，不過感覺就冇咁膩。Wasabi原條鰻魚意大利飯($158)當哩碟鰻魚意大利飯上枱應該好多人都會嘩一聲，鰻魚有成隻碟咁大，仲長過我隻前臂呀！意大利飯cream

在葵芳，要尋找美食不一定到葵涌廣場，來到盛芳街更能發掘不同的美味。我們點餐後，店員很殷切的說讚好他們的facebook專頁，有一份鹽燒牛脷贈送。有著數當然不可以放過，即管來嘗嘗他們贈物吧！當這份鹽燒牛脷奉上我們餐桌上，肉香撲鼻己經令我們非常驚喜。每塊牛脷都是厚切的，賣相相當吸引！店家亦毫不吝嗇的把它贈給我們。牛脷相當有彈性，廚師將其燒得不乾不油，滿口都是彈彈的口感，還有能媲美牛扒的牛味！令我和朋友都吃得津津有味。隨碟還有一盤黑椒汁，可是我卻覺得胡椒味會掩蓋肉香味，原汁原味會更好。適逢餐廳週年慶誌，一板海膽只需要數十元便可以吃到，今天真是好運極了，而且還是馬．糞．海．膽！馬糞海膽的味道十分鮮美，海膽味較濃郁，口感較豐腴，入口即溶,入口頓時海膽的鮮甜香醇味道豐富了整個口腔，無不令我為之一振！在海膽的面上還舖滿了黑魚子，魚子不單為海膽增加口感，更提升了鮮味的層次。餐廳還提供了韓國紫菜讓食客用紫菜包裹著海膽進食，可是我還是喜歡原來的食法。沙律菜是西餐套餐中必出現的前菜之一，滿滿的食物纖維可以有助營養吸收，也是為了我們的健康，簡簡單單也能造就好味道。甜甜的栗米忌廉湯可以先開開胃，讓肚子裏有些水份

一同人講到去葵芳食嘢，唔喺葵廣，就喺新都會，其實過晒橋，走到去盛芳街、禮芳街、信芳街一帶，有好多食肆，雖然大部份屬街坊小店，但可以講喺各有個性。Star Kitchen喺朋友嘅爸爸開，點都要嚟一嚟撐吓場。對比起隔離嘅粉麵檔，從Star Kitchen店面可見餐廳比較喺有情調少少嘅格局。入到去，整間餐廳地方唔大，都喺屬小店格，一室紅與黑，餐枱鋪上紅色硬膠枱布，喺易於打理嘅取態，簡約裝修，柔和燈光，予人都感覺舒服。而牆上如壁報板嘅巨型黑板，除以唔同顏色粉筆畫上唔少插圖之外，更貼咗好多推廣選擇。相信店主或其家庭成員都好鍾意手作仔，就連餐牌都好手工，餐牌上嘅菜單都喺以人手親手寫上，並貼有少少圖片作點綴。打開細看，有生蠔套餐、晚市套餐、意大利麵、意大利飯、沙律、小食、薄餅……等等，其中主食類，+$20可配餐湯、沙律、甜品、飲品，變相成為套餐。最簡單，同老婆都喺揀食晚市套餐。蘑菇忌廉湯事後跟店員傾開，話今日原來喺南瓜忌廉湯，不過，賣晒之後就改為蘑菇忌廉湯，並非帶有好多菌粒嗰款，而喺港式茶記常見嘅「白湯」，唔喺話差，但就肯定喺好普通嘅貨色。田園沙律沙律菜配甘筍絲及栗米粒再淋上胡麻醬，雖然唔喺咩貴料嘢

這間星之店位於葵芳禮芳街21號。是間佔地不大也不少的地舖。晚市時間1900左右，門口已經人頭湧湧，全都在等待入坐。幸好我早已訂座～餐廳用上了星星款式的窗簾布。樓底也夠高，乾淨又企理。不過地方不大，客人都要坐得擁擠一點。不過人多，好夠熱鬧。大家哈哈笑笑的，餐廳氣氛很棒。餐牌是手晝的，很有feel。就像我小時候送我朋友的記念畫稿一樣。牆也用作塗鴉板，畫了很多可愛的圖案。（雖然餐廳有７成的牆也用上了黑板，不過一點都不會不乾淨喔。）店員向我們介紹了一個set dinner。＄１９８　很實惠的價錢。首先頭盤是即開生蠔三隻，再加上餐湯跟田園沙律。我自己不吃生蠔，因為怕海水味。男朋友卻很愛吃。其中兩隻是甜的，店員介紹這些美味蠔蠔的時候我沒認真聽。只聽到分兩種，一種甜一種海水味比較重。最後我只看見蠔一到男朋友就狂吃，一直大讚，說太新鮮了什麼的。哈哈～　不過很圖片都知道蠔很棒棒吧？　另外想說說的是忌廉磨菇湯，湯也太濃了吧？　就跟我去西餐廳單點一兩百塊的磨菇超濃湯一樣。完全令我意想不到！　價性比好高！主食是煙三文魚盒鵝肝炒飯配黑松露。點這個完全是為了我的男朋友哥哥，他好像對黑松露沒有抵抗力。飯炒得很均衡。

行完葵涌廣場 睇完openrice就決定黎食呢間 。係葵涌二樓既天橋行落去過兩個街口轉右就到都幾方便去到門口staff就落力介紹，佢地主打應該係生蠔餐牌都係handmade 好有心思。全部牆都係黑板黎 寫哂餐廳既招牌菜好得意我地決定叫一個蠔set 同一個牛排set先上三隻法國生蠔Gillardeau～沒乜海水味而係非常鮮甜跟set的田園沙律 配芝麻醬。芝麻醬配咩都好好味！再來餐湯，奶味稍重主菜來了。忌廉盧筍帶子意粉。好多材料，整碟菜色彩繽紛胃口都好啲。帶子煮得不錯，不un另一個set係Prime肉眼排。送上黎真係五成熟整個排的肉汁有被鎖住，再加埋一個焗薯配酸忌廉好好味啊焗薯係塊排下面 無影到😂最後有跟餐甜品芒果布甸唔使加錢，感覺就係自己細個整個隻味😂男朋友唔想食布甸 就加12蚊變左法式黑松露焦糖燉蛋都係staff推介既上面一層既焦糖有啲厚，但同燉蛋好match 黑松露陣味好強😂都可以加$12試下。無特別叫特飲 都係加$3叫普通凍飲😬