Co-Dining Space (已結業)

每次去親尖沙咀搵野食唔係厚福街就係韓國街，今次就同朋友試試新野，改到樓上鋪食西餐！揀咗呢間Co-Dining Space，貪佢近近地唔洗行咁遠~環境Co-Dining Space 位於流尚坊 上到去11樓就成功到達！一出𨋢就見到呢個用心佈置嘅門口位。室內環境簡約清新，配合金屬 x 木質感既設計，非常舒服~~如果坐窗邊位仲可以望下樓下嘅街景餐桌既佈置都一樣好用心 !  個人非常之鐘意佢地餐廳既椅子，幾何線條果種乾淨俐落感~餐牌終於黎到重頭戲喇！睇睇牌先，佢有2款Set menu俾你揀，包前菜、餐湯、主菜、餐飲，另外亦都可以根據自己喜好散叫。白酒忌廉青口 $98前菜開胃之選，青口有淡淡酒香配上非常之creamy既白汁，配料有紅椒絲，食落酸歿甜甜好開胃，仲有畫龍點睛之處就係撒上香草加黑椒，令視覺同香氣都增色不少！黎個青口close up，每一隻都包有濃郁既醬汁，淡淡肉好滿足!! 無聊期間仲數到有12隻，都幾抵食!!員工都好細心，會等你地完成一道菜先上下道，咁樣就可以確保菜色更新鮮好味。除咗呢樣野之外仲會不時為我地加水，同埋換餐碟！佢地既餐碟真係立即少女心爆發!招牌麵包蟹意大利飯 $228  

Happy friday 約了姊妹一齊食晚飯慶祝其中一個好姊妹生日。壽星女搵到呢間上樓餐廳就去試下，初時一心諗住唔會有太大驚喜，諗住普普通通無大問題就可以，點知第一個拼盤黎到就已經好好味，特別係個紫著薯條好好味。姊妹個小朋友都喜歡本身小朋友係唔食番薯) 再黎主菜意大利飯唔油膩好香，跟住係黑松露什菌意粉，黑松露味好夠。之後追加1隻燒春雞 嗯 好好味，完全唔乾，有汁juicy. 不過唔好嘅係飲品有待改善。唔太特別，味道一般。 另外同場加影我地準備蛋糕驚喜啦！佢地重送咗支畑花蠟燭。嘩嘩嘩，超開心。再要提嘅係服務好好，waiter好有禮貌，每次黎收嘢送餐都唔好意思前唔好意思後。又好窩心照顧食客需要。所以晌尖沙咀搵間好食又好服務嘅上樓餐廳好難。雖然鋪頭細細地，都可以接受啦，又唔太嘈。 值得推介。

早前就想試下，可惜餐廳Full左，今次預先book枱同朋友慶祝生日終於可以一試！白酒忌廉青口醬汁非常creamy，椒類和奶類總係有奇妙化學作用，我不吃椒，卻無法抗拒兩者調和出來的香氣，青口大隻冇雪味，不錯！小食拼盤(大)份量驚人，有沙津、雞翼、香腸、魚手指、炸芝士條，每樣3-4件，不擅刀叉的我一向喜歡finger food，顯得輕鬆自在，最愛拼盤中的炸雞翼，炸粉香脆帶cornbread香氣，沾上蛋黃醬份外惹味！招牌麵包蟹意大利飯非常奪目，麵包蟹蓋上盛著忌廉意大利飯，表面鋪上芝士和黑松露醬，飯中混有杏飽菇粒，中和膩感，不錯！西班牙黑毛豬串有三串，配上薯蓉和沙津，黑毛豬塊非常軟熟，厚厚一塊卻不韌，不愧是黑毛豬燒蕃茄非常Juicy，酸酸甜甜，吃到最後一道菜著實需要它刺激胃口！沒有女孩子可以抗拒煙花蠟燭！核桃Brownie口感綿密，藍眼淚雪糕是海鹽雲呢拿味，偏冰感，是我喜歡的質感，不會膩！與朋友慶生Co-Dining Space是個不錯的選擇！