嚐囍煲仔小菜

營業中

休息中

最近同朋友傾計話有間煲仔飯好鬼好食😋，為食嘅我地緊係忍唔住去試下啦~ 做下功課得知依間餐廳係區內非常出名🍴，更獲米芝蓮連續兩年推介，每一日都大排長龍呀！估唔到嘅係呢間煲仔飯可以電話訂位，大家想試嘅話記得提早訂定位先啦👍🏻-椒鹽鮮魷🦑 雙拼 椒鹽九肚魚🐟 - HKD 136事前做功課得知依間餐廳最出名嘅係椒鹽鮮魷🦑同煲仔飯🍲，咁難得嚟到緊係要試一試佢啦~ 首先試椒鹽鮮魷🦑 ，一咬落去外皮好脆身🤤，會聽到咔嘅爽脆，粉漿唔厚，肉質都好嫩😋九肚魚🐟同樣炸得好脆，唔會過重椒鹽味，又食到魚嘅香味👃🏻而且兩樣餸嘅份量都俾得好足，上菜時保持到溫度，唔會炸定放係廚房太耐而變凍變淋，不愧係招牌菜之一呀🤩-白鱔滑雞煲仔飯🍲 - HKD 98跟住就叫咗個白鱔滑雞飯🍲 ，入面嘅材料都幾足，白鱔食落爽口同埋好香😍，不過就略嫌唔夠肥美🙈，至於雞肉就相當嫩滑😋，大大舊咬落去又香又有滿足感😆，而煲仔飯最最最重要嘅飯焦都有好多呀！啲飯焦啱啱好，唔會食到有燶味之餘又香脆🤤，正呀喂！-窩蛋牛肉煲仔飯🍲 - HKD 98仲有個窩蛋牛肉飯🍲 ，牛肉嘅份量好多好厚😋，食落去啖啖肉又散發出啖啖嘅芫茜香味🤤，好有飽肚感，飯粒煙韌之餘個

話說家人難得來一次西環，熟悉這區的我當然要帶他們吃街坊美食啦！冬天來臨，吃煲仔飯最好不過。煲仔飯很普遍，但好吃煲仔飯卻不多。記憶中嚐囍的煲仔飯和小菜都不錯，便決定帶他們來。原來他們剛獲得米芝蓮推介呢這𥚃真的有很多人，還好我有訂座。我們被安排到點心皇那邊坐，有少許迫狹，但尚可接受。這邊有一位店員在看顧，他幾有禮貌呢我們五人點了2個煲仔飯和3個小菜，也共只需約$400，很划算臘味排骨煲仔飯($75)：這款煲仔飯絕對是我心中的經典，吃煲仔飯必點。煲仔飯香氣十足，米飯粒粒分明、軟硬適中，臘味的油分滲入飯中，讓飯格外美味白膳滑雞煲仔飯($78)：相對臘味排骨飯，這個較為失色，也許是因為我不太愛鱔的緣故吧。支竹牛腩煲($75)：吱吱聲響的牛腩煲熱騰騰的送到。牛腩有很多件，炆得軟稔又入味醬汁夠味但又不過鹹，如果不是吃煲仔飯的話，我一定會拌飯吃。椒鹽九肚魚($75)：炸衣很薄，魚肉很滑，推介三色蛋芥蘭($60)：味道中規中矩，多點芥蘭就更好了。

朋友一直都推介呢間啲煲仔飯好食過坤記，今日終於都抽到時間嚟試吓。我地一行四人六點半到已經到左，所以唔駛等就有位。不過我地座低冇幾耐已經有人排隊，所以想嚟試就要早或訂位喇。呢度環境真係比坤記好，乾淨而且座得闊落。我地叫左三個煲仔飯臘味田雞煲仔飯: 臘腸比較硬，但潤腸就好好味，啲田雞唔會太鞋白鱔滑雞煲仔飯:啲鱔好肥好厚肉，可惜雞我就覺得唔夠滑，但都好大件窩蛋牛仔肉煲仔飯:本來以為係肉餅，點知係牛肉片，所以我覺得麻麻地。但佢地比坤記好既係佢地隻蛋上枱時都未熟哂，所以我地可以撈勻佢。總括嚟講個煲仔飯真係唔錯，足料，飯焦脆卜卜。而且加埋佢地啲甜豉油就好好味因為我地知道煲仔飯有排等，所以另外叫左兩個小菜，椒盬鮮魷及海味雜菜煲。個椒盬鮮魷就好鹹，但食得出啲鮮魷新鮮，所以好彈牙海味雜菜煲:好多料，但我覺得個湯啲鹹味蓋過左海味的鮮味。佢地啲野真係好足料，所以最後我地都食唔哂啲野。仲有佢地有個男伙記跟野跟到足，唔會嗰頭應左你，但結果又冇做到。