パン達人手感烘焙 (已結業)

出開來太子，就順便去胖達人度買返個皇冠包⋯其實自己喺台灣都食過，當然香港嘅味道係差台灣好多。台灣嗰D乳酪食落去好軟滑同埋一啲都唔溜，相比香港嘅入面餡料就比較硬小小⋯口感亦冇咁滑溜。今次一口氣買咗兩款包包括皇冠包、藍莓乳酪包⋯第一次食藍莓乳酪包反而有驚喜，包入面除咗食到有藍莓嘅果肉外⋯入邊亦加左合桃粒， 增加左唔少口感嘅層次⋯好味道。而皇冠包就普普通通，因為自己食咗好多次⋯所以覺得冇咩特別。

一直有幫襯開，雖然價錢較貴，但因為包入面芝士份量足，所以一直有幫襯，尋日中午經過買左個皇冠包，我同朋友都好鍾意食，因為一個皇冠包可分為五小個，而且入面有大量cream cheese，食到停唔到口。本來滿心期待，但點知一咬入口…cream cheese變左硬塊芝士?勁難食！唔知係師傅失手定改左平價材料！成塊芝士可以喺包入面拎出嚟！